କଟକ ରାସ୍ତାକୁ ଡର ଲାଗୁଛି; ବିପର୍ଯ୍ୟସ୍ତ ରାସ୍ତାଘାଟ ସମସ୍ୟା ନେଇ ବର୍ଷିଲେ ହାଇକୋର୍ଟ

କନକ ବ୍ୟୁରୋ : କଟକ ରାସ୍ତାକୁ ନେଇ ବର୍ଷିଲେ ହାଇକୋର୍ଟ । ସହରର ବିପର୍ଯ୍ୟସ୍ତ ରାସ୍ତା ସମସ୍ୟାକୁ ନେଇ କଟକ ମହାନଗର ନିଗମକୁ ତାଗିଦ କରିଛନ୍ତି । ଏକ ମାମଲାର ଶୁଣାଣି ବେଳେ ସହରରେ ରାସ୍ତା ସମସ୍ୟା ଚିନ୍ତାର ବିଷୟ ବୋଲି କହିଛନ୍ତି ଉଚ୍ଚ ନ୍ୟାୟାଳୟ । ଯଥାଶୀଘ୍ର ରାସ୍ତା ମରାମତି କାମ କରିବାକୁ ତାଗିଦ କରିଛନ୍ତି ।

ଦୀର୍ଘ ଦିନ ଧରି କଟକ ରାସ୍ତାକୁ ନେଇ ବିଭିନ୍ନ ମହଲରେ ଚର୍ଚ୍ଚା ହେଉଛି । ତେବେ କଟକବାସୀଙ୍କ ମଧ୍ୟରେ ମଧ୍ୟ ଏନେଇ ଅସନ୍ତୋଷ ଦେଖାଦେଇଛି । ଆଗକୁ ଦୁର୍ଗାପୂଜା ଥିବା ବେଳେ ରାସ୍ତାଘାଟର ଏଭଳି ଅବସ୍ଥା ନେଇ ଚିନ୍ତାରେ ସମସ୍ତ ପୂଜା କମିଟି । ତେବେ ଅନେକ ସ୍ଥାନରେ ରାସ୍ତାରେ ମରାମତି ବଦଳରେ ପ୍ୟାଚ୍ ପକାଯାଇଥିବା ନେଇ ଅଭିଯୋଗ ମଧ୍ୟ ହୋଇଛି ।