କନକ ବ୍ୟୁରୋ : ଏମିତି  ଏକ ଦେଶ ଯିଏକି ଏଯାଏଁ ବାଛିପାରି ନାହିଁ  ତାର ରାଷ୍ଟ୍ରପତି ।  ଲେବାନନ ରେ  ଦୁଇ ବର୍ଷରେ  ୧୨ ଥର  ନିର୍ବାଚନ ହୋଇ ସାରିଲାଣି କିନ୍ତୁ  ସର୍ତ୍ତ ଏପରି ରଖା ଯାଇଛି ଯେ ଯେଉଁ କାରଣରୁ ରାଷ୍ଟ୍ରପତି ନିର୍ବାଚିତ ହୋଇପାରୁନାହାଁନ୍ତି । ଆଜି ମଧ୍ୟ  ସଂସଦରେ  ପୁଣି ପ୍ରୟାଶ  କରାଯାଇଥିଲା ।

Advertisment

ପ୍ରଥମ ରାଉଣ୍ଡ ଭୋଟିଂରେ ଲେବାନନ ଆର୍ମି  କମାଣ୍ଡର ଜୋସେଫ  ଔନ୍‌ ଙ୍କୁ ଭୋଟ୍‌ ମିଳିଥିଲା ।  କିନ୍ତୁ ଆବଶ୍ୟକ ଦୁଇ-ତୃତୀୟାଂଶ ବହୁମତ ହାସଲ ହୋଇପାରି ନଥିଲେ । ୧୨୮ ସଦସ୍ୟ ବିଶିଷ୍ଟ ସଂସଦରେ  ତାଙ୍କୁ  ୭୧ ଭୋଟ୍‌  ମିଳିଥିଲା । ବାଚସ୍ପତି  ଅଧିବେଶନକୁ ଦୁଇଘଣ୍ଟା  ପାଇଁ ସ୍ଥଗିତ କରିବା ପରେ ପୁଣି  ପୁନର୍ବାର  ମତଦାନର   ନିର୍ଦ୍ଦେଶ ଦେଇଥିଲେ।  

ତେବେ ଏହି ନିର୍ବାଚନ ପୁର୍ବରୁ ୨୦୨୨ ଅକ୍ଟୋବରରେ ରାଷ୍ଟ୍ରପତି ମିଶେଲ ଔନ୍‌ଙ୍କ କାର୍ଯ୍ୟକାଳ ସମାପ୍ତ ହୋଇସାରିଛି । ଲେବାନନର ସମ୍ବିଧାନିକ ସର୍ତ୍ତ ଏହା  ଯେ, ବିଜେତା ଙ୍କୁ ସଂସଦରେ ଦୁଇ-ତୃତୀୟାଂଶ ବହୁମତ ମିଳିବା ଆକଶ୍ୟକ । ଯେଉଁଥିପାଇଁ କି ସେବେଠାରୁ ଏପର୍ଯ୍ୟନ୍ତ ୧୨ ଥର ପ୍ରୟାସ  ସରିଲାଣି  କିନ୍ତୁ ଚୟନ ହେଇପାରୁନାହାଁନ୍ତି ରାଷ୍ଟ୍ରପତି।  ଆଉ ସେଥିପାଇଁ  ରାଷ୍ଟ୍ରପତି ପଦ ଖାଲି ପଡିଛି ।