କନକ ବ୍ୟୁରୋ:  ୬ ତାରିଖ ଯାଏଁ ବର୍ଷା କରିବ କଲବଲ ।  ପଶ୍ଚିମ ଓଡ଼ିଶା ପାଇଁ ସତର୍କ ସୂଚନା ଜାରି ହୋଇଛି । ଉତ୍ତର ଓଡ଼ିଶା ଓ ଏହାର ପାର୍ଶ୍ୱବର୍ତ୍ତୀ ଗାଙ୍ଗେୟ ପଶ୍ଚିବମଙ୍ଗ ଉପତ୍ୟକା ଉପରେ ଏକ ଘୂର୍ଣ୍ଣିବଳୟ ସକ୍ରିୟ ଅଛି । ଏହାର ପ୍ରଭାବରେ ପଶ୍ଚିମ ଓଡ଼ିଶାରେ ପ୍ରବଳରୁ ଅତି ପ୍ରବଳ ବର୍ଷା ନେଇ ଅରେଞ୍ଜ ଆଲର୍ଟ ଜାରି । ଆସନ୍ତାକାଲି ପାଇଁ ସୁନ୍ଦରଗଡ଼, ଝାରସୁଗୁଡା, ସମ୍ୱଲପୁର ଓ ବରଗଡ଼ ଏହି ୪ ଜିଲ୍ଲାରେ ପ୍ରବଳରୁ ଅତି ବର୍ଷା ନେଇ ଚେତାବନୀ ରହିଛି । ଆଗାମୀ ୬ ତାରିଖ ଯାଏଁ ଉତ୍ତର ଓ ପଶ୍ଚିମ ଓଡ଼ିଶାରେ ବର୍ଷାର ପ୍ରକୋପ ଜାରି ରହିବ। ବରଗଡ଼, କନ୍ଧମାଳ, ସମ୍ୱଲପୁର, ବୌଦ୍ଧ, ସୋନପୁରର କିଛି ସ୍ଥାନରେ ୧୦୦ ମିଲମିଟରରୁ ଅଧିକ ବର୍ଷା ରେକର୍ଡ କରାଯାଇଛି ।

Advertisment

ମହାନଦୀ ଉପର ମୁଣ୍ଡରେ ଗତକାଲିଠୁ ବର୍ଷା ଜାରି ରହିଛି। ମହାନଦୀର ଉପରମୁଣ୍ଡରେ ଲଗାଣ ବର୍ଷା ହେଉଥିବାରୁ ଆଗକୁ ହୀରାକୁଦ ଜଳଭଣ୍ଡାରରେ ଜଳସ୍ତର ବୃଦ୍ଧି ପାଇବ । ଏଥିପାଇଁ ୬ ତାରିଖରେ ହୀରାକୁଦ ଗେଟ ଖୋଲାଯାଇ ଛଡ଼ାଯିବ ବର୍ଷର ପ୍ରଥମ ବନ୍ୟା ଜଳ । ତେବେ ଛତିଶଗଡ଼ରୁ ବନ୍ୟା ପାଣି ମାଡ଼ି ଆସିଲେ ମଧ୍ୟ ହୀରାକୁଦକୁ ବିପଦ ନାହିଁ ବୋଲି କହିଛନ୍ତି ଇଆଇସି। .. ସୁବର୍ଣ୍ଣରେଖା, ବୁଢ଼ାବଳଙ୍ଗ, ବ୍ରାହ୍ମଣୀ, ଜଳକା ନଦୀ ବିପଦ ସଙ୍କେତ ତଳେ ପ୍ରବାହିତ ହେଉଛି। ଜଳ ସମ୍ପଦ ବିଭାଗର ସର୍ବୋଚ୍ଚ ଯନ୍ତ୍ରୀ କହିଛନ୍ତି ବାଦଲ ଫଟା ବର୍ଷା ହେଲେ ସୃଷ୍ଟି ହୋଇପାରେ ବନ୍ୟା ପରିସ୍ଥିତି ।