ଦୁଇଗୁଣା ହେଲା ଲକ୍ଷପତି ଦିଦିଙ୍କ ଲକ୍ଷ୍ୟ, "ସେବା ତୀର୍ଥ"ରୁ ପ୍ରଧାନମନ୍ତ୍ରୀଙ୍କ ପ୍ରଥମ ନିଷ୍ପତ୍ତି

କନକବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ତାଙ୍କର ନୂତନ କାର୍ଯ୍ୟାଳୟ "ସେବା ତୀର୍ଥ"ର ଉଦଘାଟନ କରିଛନ୍ତି ।  ଆଜି ଠାରୁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (ପିଏମଓ) ରାଇସିନା ହିଲର ସାଉଥ୍ ବ୍ଲକ୍ ରୁ ସେବା ତୀର୍ଥକୁ ସ୍ଥାନାନ୍ତରିତ ହେବ ।  ଏହି ଅବସରରେ, ପ୍ରଧାନମନ୍ତ୍ରୀ ମୋଦୀ ପ୍ରଥମ ଥର ପାଇଁ ସେବା ତୀର୍ଥରେ ଗୁରୁତ୍ୱପୂର୍ଣ୍ଣ ଫାଇଲରେ ସ୍ୱାକ୍ଷର କରିଛନ୍ତି । ଏହି ନିଷ୍ପତ୍ତିରେ ମହିଳା, ଯୁବପିଢ଼ି, ଚାଷୀ ସମେତ ସମାଜର ପ୍ରତ୍ୟେକ ବର୍ଗର ହିତକୁ ପ୍ରାଧାନ୍ୟ ଦିଆଯାଇଛି । 

ସେବା ତୀର୍ଥ ଦ୍ୱାରା ନିଆଯାଇଥିବା ପ୍ରଥମ ନିଷ୍ପତ୍ତି ଲକ୍ଷପତି ଦିଦିଙ୍କ ଲକ୍ଷ୍ୟ ସମ୍ପର୍କରେ ରହିଛି ।  ପ୍ରଧାନମନ୍ତ୍ରୀ ରାହାତ ଯୋଜନାରେ ଲକ୍ଷପତି ଦିଦିଙ୍କ ଲକ୍ଷ୍ୟକୁ ଦ୍ୱିଗୁଣିତ କରି ୬ କୋଟି କରାଯାଇଛି ।  ଏହି ନିଷ୍ପତ୍ତି ଅନୁଯାୟୀ, କୃଷି ଭିତ୍ତିଭୂମି ପାଣ୍ଠିକୁ ଦ୍ୱିଗୁଣିତ କରି ୨ ଲକ୍ଷ କୋଟି କରାଯାଇଛି। ଷ୍ଟାର୍ଟଅପ୍ ଇଣ୍ଡିଆ ପାଣ୍ଠି ୨.୦, ୧୦ହଜାର କୋଟି ଟଙ୍କାର କର୍ପସ ସହିତ ଆରମ୍ଭ କରାଯାଇଛି । 

୧. ପ୍ରଧାନମନ୍ତ୍ରୀ ରାହାତ ଯୋଜନା 
ପ୍ରଧାନମନ୍ତ୍ରୀ ରାହାତ ଯୋଜନା ଆରମ୍ଭ କରିବାକୁ ଅନୁମୋଦନ କରିଛନ୍ତି । ଏହି ପଦକ୍ଷେପ ଅଧୀନରେ, ଦୁର୍ଘଟଣା ପୀଡିତମାନେ ୧.୫ ଲକ୍ଷ ଟଙ୍କା ପର୍ଯ୍ୟନ୍ତ ନଗଦ ଚିକିତ୍ସା ପାଇବେ । ଏହା ସୁନିଶ୍ଚିତ କରିବ ଯେ ତୁରନ୍ତ ଚିକିତ୍ସା ସହାୟତା ଅଭାବରୁ କାହାରି ଜୀବନ ଯାଇନାହିଁ। 

୨. ଲକ୍ଷପତି ଦିଦିଙ୍କ ଲକ୍ଷ୍ୟ ଦ୍ୱିଗୁଣିତ 
ସରକାର ମାର୍ଚ୍ଚ ମାସ ୨୦୨୭ ସୁଦ୍ଧା, ୩କୋଟି ଲକ୍ଷପତି ଦିଦି ବନାଇବାକୁ ଯେଉଁ ସମୟ ଧାର୍ଯ୍ୟ କରିଥିଲେ, ଗୋଟିଏ ବର୍ଷ ପୂର୍ବରୁ ସେହି ଲକ୍ଷ୍ୟକୁ ଅତିକ୍ରମ କରିଛନ୍ତି। ପ୍ରଧାନମନ୍ତ୍ରୀ ମୋଦୀ ଏବେ ମାର୍ଚ୍ଚ ୨୦୨୯ ସୁଦ୍ଧା ୬ କୋଟି ଲକ୍ଷପତି ଦିଦି ବନାଇବାକୁ ଏକ ବଡ଼ ଲକ୍ଷ୍ୟ ରଖିଛନ୍ତି। 

୩. କୃଷକଙ୍କ ପାଇଁ ବଡ଼ ପ୍ରୋତ୍ସାହନ 
କୃଷି ଭିତ୍ତିଭୂମି ପାଣ୍ଠିକୁ ଦୁଇ ଗୁଣ ବୃଦ୍ଧି କରି ୨ ଲକ୍ଷ କୋଟି କରାଯାଇଛି। ଭାରତର ‘ଏଗ୍ରିକଲ୍ଚର ଭ୍ୟାଲୁ ଚେନ’କୁ ସୁଦୃଢ଼ କରିବା ଲକ୍ଷ୍ୟରେ, ପ୍ରଧାନମନ୍ତ୍ରୀ ମୋଦୀ କୃଷି ଭିତ୍ତିଭୂମି ପାଣ୍ଠିର ବ୍ୟୟ ପରିମାଣକୁ ୧ ଲକ୍ଷ କୋଟିରୁ ୨ ଲକ୍ଷ କୋଟି କରିବାକୁ ଅନୁମୋଦନ କରିଛନ୍ତି। 

୪. ଷ୍ଟାର୍ଟଅପ୍ ଇଣ୍ଡିଆ ଫଣ୍ଡ ଅଫ୍ ଫଣ୍ଡସ୍ ୨.୦ 
ଭାରତର ଇନୋବେଶନ୍ ଇକୋସିଷ୍ଟମକୁ ଶକ୍ତିଶାଳୀ କରିବା ପାଇଁ ପ୍ରଧାନମନ୍ତ୍ରୀ ୧୦ହଜାର କୋଟି ଟଙ୍କାର କର୍ପସ ସହିତ ଷ୍ଟାର୍ଟଅପ୍ ଇଣ୍ଡିଆ ‘ଏଫଓଏଫ ୨.୦’ କୁ ଅନୁମୋଦନ କରିଛନ୍ତି।