ଲଦାଖ ହିଂସା: ସୋନମ ଗିରଫ

କନକ ବ୍ୟୁରୋ : ଲଦାଖ ହିଂସା ଘଟଣାରେ ସାମାଜିକକର୍ମୀ ସୋନମ ୱାଙ୍ଗଚୁକ ଗିରଫ । ଜାତୀୟ ସୁରକ୍ଷା ଆଇନ ଆଧାରରେ ଗିରଫ କରାଯାଇଛି । ସାମାଜସେବୀ ଓ ପରିବେଶ କର୍ମୀ ସୋନମ ୱାଙ୍ଗଚୁକଙ୍କୁ ଲେହ-ଲଦାଖରେ ଘଟିଥିବା ହିଂସା ପାଇଁ ଦାୟୀ କହି ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଦିନକ ପୂର୍ବରୁ ତାଙ୍କ ଏନଜିଓର ଲାଇସେନ୍ସ ବାତିଲ କରାଯାଇଥିଲା । ମଙ୍ଗଳବାର ଲେହରେ ହଠାତ ଶହଶହ ପ୍ରଦର୍ଶନକାରୀ ରାସ୍ତାକୁ ଓହ୍ଲାଇବା ସହ ଲଦାଖକୁ ସ୍ବତନ୍ତ୍ର ରାଜ୍ୟମାନ୍ୟତା ଦେବାକୁ ଦାବି କରିଥିଲେ । ହିଂସାରେ ୪ଜଣଙ୍କ ମୃତ୍ୟୁ ସହ ୧୫୦ରୁ ଅଧିକ ଆହାତ ହୋଇଥିଲେ । କେନ୍ଦ୍ର ସରକାର ହିଂସା ପାଇଁ ୱାଙ୍ଗଚୁକଙ୍କୁ ଦାୟୀ କରିଥିଲେ, ଅଭିଯୋଗ କରିଥିଲେ ଯେ ସେ ପ୍ରତିବାଦକାରୀଙ୍କୁ ଉସୁକାଇଥିଲେ । ତେବେ ସୋନମ ୱାଙ୍ଗଚୁକ ସମସ୍ତ ଅଭିଯୋଗକୁ ଅସ୍ୱୀକାର କରିଛନ୍ତି ।

Advertisment

ସମାଜକର୍ମୀ ସୋନମ୍ ୱାଙ୍ଗଚୁକ ଗିରଫ
ଲେହ ପୋଲିସ ଗିରଫ କରିଛି
ଜାତୀୟ ସୁରକ୍ଷା ଆଇନ ଅନୁସାରେ ୱାଙ୍ଗଚୁକ ଗିରଫ
ନିକଟରେ ଲଦାଖରେ ବଡ଼ ହିଂସା ହୋଇଥିଲା
ହିଂସାରେ ୪ ମୃତ, ୧୫୦ରୁ ଅଧିକ ଆହତ
ହିଂସା ପଛରେ ସୋନମଙ୍କୁ ଦାୟୀ କରାଯାଉଛି
୫୦ ଜଣଙ୍କୁ ଗିରଫ କରାଯିବା ସହିତ ବିଭିନ୍ନ ସ୍ଥାନରେ କର୍ଫ୍ୟୁ ଜାରି କରାଯାଇଛି
ଆନ୍ଦୋଳନ ପଛରେ ସୋନମଙ୍କ ହାତ ଥିବା କେନ୍ଦ୍ର ଗୃହ ମନ୍ତ୍ରଣାଳୟ ଅଭିଯୋଗ କରିଛି
ଗତକାଲି ସିବିଆଇ ମଧ୍ୟ ସୋନମ୍ ସଂସ୍ଥାରେ ବିଦେଶୀ ପାଣ୍ଠି ନେଇ ଖୋଳତାଡ଼ କରିଥିଲା
ଏହା ସହିତ ଫେବୃଆରୀରେ ସୋନମଙ୍କ ପାକିସ୍ତାନ ଗସ୍ତ ନେଇ ମଧ୍ୟ ଯାଞ୍ଚ କରାଯାଇଥିଲା