ନବୀନଙ୍କ ପୂଜାମଣ୍ଡପ ବୁଲାକୁ ନେଇ ବିଜେପିର କଟାକ୍ଷ; କହିଲେ, ୨୪ ବର୍ଷରେ କେବେ ବୁଲିନାହାନ୍ତି ମଣ୍ଡପ

କନକ ବ୍ୟୁରୋ : ବିରୋଧୀ ଦଳ ନେତା ନବୀନ ପଟ୍ଟନାୟକଙ୍କ ପୂଜା ମଣ୍ଡପ ବୁଲାକୁ ନେଇ କଟାକ୍ଷ କରିଛି ବିଜେପି । ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର କହିଛନ୍ତି, ନବୀନ ବାବୁ ୨୪ ବର୍ଷ ପାୱାରରେ ଥିବା ବେଳେ କେବେ ପୂଜା ମଣ୍ଡପ ବୁଲି ନାହାନ୍ତି । ନବୀନଙ୍କୁ ଯେଉଁମାନେ ଏ ବୁଦ୍ଧି ଦେଉଛନ୍ତି ତାଙ୍କର କ୍ଷତି କରୁଛନ୍ତି । ଏଥିସହ ବିଜେଡିର ପାୱାର ନିଶା ଏବେ ଯାଏଁ ଛାଡିନି ବୋଲି କହି ସମାଲୋଚନା କରିଛନ୍ତି ଯୋଗାଣ ମନ୍ତ୍ରୀ ।

ନବୀନ ବାବୁଙ୍କର ଲୋକପ୍ରିୟତା ଯଦି କମିନାହିଁ, ତା’ହେଲେ ହାରିଲେ କେମିତି ବୋଲି ପ୍ରଶ୍ନ କରିଛନ୍ତି । ଲୋକମାନେ ହିଁ ସେମାନଙ୍କୁ ହରାଇଛନ୍ତି । ଜଣେ ନିଶା ପିଇଲେ, ସେ ନିଶା ବେଳେ ବେଳେ ବହୁତ ସମୟ ଧରି ରୁହେ । ତେଣୁ ଏମିତି ନିଶା ୨୪ ବର୍ଷରେ ପିଇଛନ୍ତି, ସେ ନିଶା ଜମା ଛାଡୁନାହିଁ ।

କଟକରେ ବିଭିନ୍ନ ପୂଜା ମଣ୍ଡପ ବୁଲି ମାଆଙ୍କ ଦର୍ଶନ କରୁଛନ୍ତି ମୁଖ୍ୟମନ୍ତ୍ରୀ । କଟକ ପ୍ରତାପନଗରୀ, ବାଲିକୁଦା, ଚାଉଳିଆଗଞ୍ଜ ପୂଜାମଣ୍ଡପ ବୁଲି ମାଆଙ୍କ ଆଶୀର୍ବାଦ ନେଇଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ । ସେହିପରି ଖାନନଗର ପୂଜା ମଣ୍ଡପରେ ବୁଲିଛନ୍ତି ମୁଖ୍ୟମନ୍ତ୍ରୀ । କଟକରେ ପୂଜା ମଣ୍ଡପ ବୁଲିବା ପରେ ଭୁବନେଶ୍ୱର ଫେରି ଆସିବେ ମୁଖ୍ୟମନ୍ତ୍ରୀ । ଏହାପରେ ଅପରାହ୍ଣରେ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ ମୋହନ ମାଝୀ ।