ବୁଡ଼ିଲା କୋଲକାତା, ବର୍ଷା ସାଜିଲା କାଳ : ଅନେକ ଶିକ୍ଷାନୁଷ୍ଠାନ ଛୁଟି ଘୋଷଣ

କନକବ୍ୟୁରୋ : ପଶ୍ଚିମବଙ୍ଗରେ ପ୍ରକୃତିର ତାଣ୍ଡବ, ପ୍ରବଳ ବର୍ଷା ।  ସୋମବାର ରାତିରୁ କୋଲକାତାରେ ପ୍ରବଳ ବର୍ଷା ଲାଗି ରହିଛି । ସହରରେ ସୃଷ୍ଟି ହୋଇଛି ଜଳମଗ୍ନ ସ୍ଥିତି ।  ବର୍ଷା ଯୋଗୁ ୫ ଜଣ ପ୍ରାଣ ହରାଇଛନ୍ତି  ।  ବେନିଆପୁକୁର, ଖିଦିରପୁର, ନେତାଜୀ ନଗର, ଗରିଆହାଟ ଓ ଇବାଲପୁରରେ ଜଳମଗ୍ନ ସ୍ଥିତି ସୃଷ୍ଟି ହୋଇଥିବା ବେଳେ ଦୁର୍ଘଟଣାରେ ୫ ଜଣଙ୍କ ମୃତ୍ୟୁ ହୋଇଛି ।

ଗାରିଆ କାମଦାହାରୀରେ ରେକର୍ଡ ହୋଇଛି ୩୩୨ ମିଲିମିଟର ବର୍ଷା ।  ମେଟ୍ରୋ ଓ ଟ୍ରେନ ସେବା ବାଧାପ୍ରାପ୍ତ ହୋଇଛି  ।   ହାଓ୍ବାଡ଼ା ଓ ସିଆଲଦା ଷ୍ଟେସନରେ ଟ୍ରେନ ଚଳାଚଳ  କରୁନାହିଁ । ଅନେକ ସ୍କୁଲ ଛୁଟି ଘୋଷଣା କରାଯାଇଛି ।   ଆଗାମୀ ୨୬ ତାରିଖ ପର୍ଯ୍ୟନ୍ତ ପ୍ରବଳ ବର୍ଷା ସମ୍ଭାବନା  ନେଇ ସତର୍କ ସୂଚନା ଜାରି କରିଛି ଭାରତୀୟ ପାଣିପାଗ ବିଭାଗ  । ବର୍ଷା ଯୋଗୁ ଦୁର୍ଗାପୂଜା ପ୍ରସ୍ତୁତି ମଧ୍ୟ ବାଧାପ୍ରାପ୍ତ ହୋଇଛି।