ବୃଦ୍ଧାଙ୍କୁ ମାରିଦେଲା ମାରଣା ଷଣ୍ଢ : ନାତିକୁ ସ୍କୁଲରୁ ଆଣିବାକୁ ଯିବାବେଳେ ଜେଜେମା’ଙ୍କୁ ଆକ୍ରମଣ

କନକ ବ୍ୟୁରୋ : ଷଣ୍ଡ ଆକ୍ରମଣରେ ବୃଦ୍ଧା ମୃତ । ନାତିକୁ ସ୍କୁଲରୁ ଆଣିବାକୁ ଯିବା ବେଳେ ଷଣ୍ଡ ଆକ୍ରମଣରେ ଜଣେ ବୃଦ୍ଧାଙ୍କ ମୃତ୍ୟୁ ହୋଇଛି ।  ଘଟଣା ଘଟିଛି ବ୍ରହ୍ମଗିରି ଥାନା ଅଲାରପୁର ଗାଁ ନିକଟରେ । ପଦ୍ମପୁର ଗାଁର ସରସ୍ବତୀ ନାୟକ ତାଙ୍କ ନାତିକୁ ସ୍କୁଲରୁ ଆଣିବାକୁ ଯାଇଥିଲେ । ହଠାତ୍‌ ଏକ ଷଣ୍ଢ ଆକ୍ରମଣ କରିବାରୁ ଗୁରୁତର ଅବସ୍ଥାରେ ଗାଁ ଲୋକେ ଉଦ୍ଧାର କରି ନିକଟସ୍ଥ ରେବଣାନୂଆଗାଁ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଅନ୍ୟପଟେ ମାରଣା ଷଣ୍ଡକୁ ଧରିବା ପାଇଁ ବ୍ରହ୍ମଗିରି ଅଗ୍ନିଶମ ବାହିନୀ ପକ୍ଷରୁ ଉଦ୍ୟମ ଆରମ୍ଭ ହୋଇଛି । ଗ୍ରାମବାସୀଙ୍କ ସହାୟତାରେ ଷଣ୍ଢକୁ କାବୁ କରିଛନ୍ତି ଅଗ୍ନିଶମ ବାହିନୀ ।

ସେପଟେ ଗାଁରେ ପଶିଲା ଦନ୍ତା ହାତୀ । ଫସଲ ନଷ୍ଟ କରିବା ସହ ଘରଦ୍ବାର ଭାଙ୍ଗିଛି ହାତୀ । ସୁନ୍ଦରଗଡ଼ ବଡ଼ଗାଁ ଫରେଷ୍ଟ ରେଞ୍ଜ ଅନ୍ତର୍ଗତ ଦାଣ୍ଡଜମିରା ଗାଁରେ ହାତୀ ଉପଦ୍ରବ ଦେଖାଦେଇଛି । ବିଶାଳ ଦନ୍ତାହାତୀ ହଠାତ୍‌ ଗାଁ ଭିତରକୁ ପଶି ଆସି ତାଣ୍ଡବ ରଚିଛି । ଦିନକୁ ଦିନ ଜଙ୍ଗଲ କ୍ଷୟ ହେଉଥିବା ବେଳେ ଗାଁ ମୁହାଁ ହେଉଛନ୍ତି ହାତୀପଲ । ଖାଦ୍ୟ ଅନ୍ବେଷଣରେ ଘର ଭିତରେ ପଶୁଛନ୍ତି । ଯାହାକୁ ନେଇ ଲୋକଙ୍କ ଭିତରେ ଭୟର ବାତାବରଣ ସୃଷ୍ଟି ହୋଇଛି । ବନବିଭାଗ ହାତୀ ଘଉଡ଼ାଇବା ପାଇଁ ଦାବି କରିଛନ୍ତି ଗ୍ରାମବାସୀ ।