ଖୋର୍ଦ୍ଧା ମୁକୁନ୍ଦପ୍ରସାଦରେ ଉତ୍ତେଜନା ଘଟଣା; ଡିଜିପି କହିଲେ, ଆଇନକୁ କେହି ହାତକୁ ନିଅନ୍ତୁନି

କନକ ବ୍ୟୁରୋ : ରାଜରାସ୍ତାରେ ବୁଲିଲା ଖଣ୍ଡା। ସଂଘବଦ୍ଧ ଆକ୍ରମଣରେ ଯୁବକଙ୍କ ମୃତ୍ୟୁ। ଖୋର୍ଦ୍ଧା ମାକୁନ୍ଦପ୍ରସାଦରେ ଯୁବକଙ୍କୁ ସଂଘବଦ୍ଧ ଆକ୍ରମଣ।  ଖଣ୍ଡାରେ ଯୁବକଙ୍କୁ ଆକ୍ରମଣ କରିଥିବାର ସୂଚନା ମିଳିଛି। ଏହା ପରେ ରକ୍ତ ଜୁଡୁବୁଡ଼ ଅବସ୍ଥାରେ ତାଙ୍କୁ ଖୋର୍ଦ୍ଧା ମେଡିକାଲରେ ଭର୍ତ୍ତି କରାଯାଇଛି। ସେଠାରେ ସମ୍ପୃକ୍ତ ଯୁବକଙ୍କ ମୃତ୍ୟୁ ହୋଇଥିବା ସୂଚନାର ମିଳିଛି। ଯୁବକଙ୍କ ମୃତ୍ୟୁ ପରେ ଘଟଣାସ୍ଥଳରେ ଉତ୍ତେଜନା ସୃଷ୍ଟି ହୋଇଛି।

ଖୋର୍ଦ୍ଧା ମୁକୁନ୍ଦପ୍ରସାଦ ଅଞ୍ଚଳରେ ଉତ୍ତେଜନା ଘଟଣାରେ ଡିଜିପି କହିଛନ୍ତି, ଆଇନକୁ କେହି ହାତକୁ ନିଅନ୍ତୁନି । ଯାହାର ଯାହା କ୍ଷତି ହୋଇଛି ଆକଳନ କରାଯିବ। କ୍ଷତିଗ୍ରସ୍ତ ପରିବାର ଥାନାର ଦ୍ୱାରସ୍ଥ ହୁଅନ୍ତୁ। କିଛି ଅଭିଯୁକ୍ତଙ୍କୁ ଚିହ୍ନଟ କରାଯାଇଛି। ଗଣ୍ତଗୋଳ ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ। ଗୁଇନ୍ଦା ନିର୍ଦ୍ଦେଶକ ଲ’ ଆଣ୍ତ ଅର୍ଡର ଏଡିଜି ସ୍ଥିତି ଅନୁଧ୍ୟାନ କରିଛନ୍ତି। ବରିଷ୍ଠ ଅଧିକାରୀ ମାନେ ମଧ୍ୟ ଗାଁରେ ସ୍ଥିତି ଅନୁଧ୍ୟାନ କରିଛନ୍ତି।

ସୂଚନା ମୁତାବକ ମୃତକ ଜଣକଙ୍କ ପରିଚୟ  ସେକ ସାଯିଦ। ତାଙ୍କୁ ପୋଡାସାହି ଗ୍ରାମର କିଛି ଯୁବକ ସଂଘବଧ ଆକ୍ରମଣ କରିଥିଲେ। ଘଟଣା ସ୍ଥଳରେ ଖୋର୍ଦ୍ଧା ପୋଲିସ ପହଂଚି ତଦନ୍ତ ଆରମ୍ଭ କରିଛି। ଏଡିଜି, ଆଇଜି ସିଆର ଓ ଜିଲ୍ଲାପାଳଙ୍କ ଘଟଣାସ୍ଥଳରେ ପହଂଚି ସ୍ଥିତି ଅନୁଧ୍ୟାନ କରୁଛନ୍ତି।