ଜେଲରେ କଟିଲା ୪୮ ବର୍ଷ; ଫେରିଲା ବେଳକୁ ଆଉ କେହିନଥିଲେ

କନକ ବ୍ୟୁରୋ: ଉତ୍ତରପ୍ରଦେଶ କୌଶମ୍ବିର ଘଟଣା । ଏଠିକାର ଲଖନ୍ ମଙ୍ଗଲି ଏକ  ହତ୍ୟା ଅଭିଯୋଗରେ ଜେଲ ଗଲେ । ସେଠାରେ ତାଙ୍କୁ ଆଜୀବନ କାରାଦଣ୍ଡ ଭାବେ ଦୀର୍ଘ ୪୮ ବର୍ଷ ସଜା କାଟିବାକୁ ପଡ଼ିଲା । ତା ଭିତରେ ତାଙ୍କୁ ମୁକୁଳାଇବାକୁ ତାଙ୍କ ପରିବାର ଅନେକ ଚେଷ୍ଟା କଲେ ବି କିଛି ଲାଭ ହେଲାନି । ପରିବାର ଲୋକ କିନ୍ତୁ ହାର ମାନିନଥିଲେ । ବରଂ ଲଗାତାର ଲଖନଙ୍କ ମୁକ୍ତି ପାଇଁ  ଅପିଲ୍ କରିଆସୁଥିଲେ । 

ଲଖନଙ୍କୁ ଆସି ୧୦୩ ବର୍ଷ ହେଲାଣି । ବୟସକୁ ବିଚାର କରି ମାନବିକତା ଦୃଷ୍ଟିରୁ ତାଙ୍କୁ ମୁକ୍ତ କରିବାକୁ ଅପିଲ କରିଥିଲେ ପରିବାର । ଏହି ମାମଲାକୁ  ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଓ ଆଇନମନ୍ତ୍ରୀଙ୍କ ନଜରକୁ ଅଣାଯାଇଛି ଏବେ ତାଙ୍କର ଜେଲରୁ ମୁକ୍ତି , ଜିଲ୍ଲା ସେବା ପ୍ରାଧିକରଣର ବିଚାର ପରେ ସମ୍ଭବ ହୋଇଛି । ହେଲେ ଜେଲରୁ ମୁକ୍ତି ପରେ କିନ୍ତୁ ଲଖନଙ୍କ ମୁହଁରେ ଟିକେ ବି ଖୁସି ନାହିଁ ବରଂ ତାଙ୍କ ଆଖି ସଜଳ  ହୋଇଯାଉଛି । କାରଣ ଗାଁର ତାଙ୍କ ସାଙ୍ଗସାଥୀଙ୍କ ମଧ୍ୟରୁ ଅନେକ ନାହାନ୍ତି ।ଏପରିକି ନିଜ ପରିବାରର ଅନେକ ମଧ୍ୟ ଆରପାରିକୁ ଚାଲିଗଲେଣି । ଏବେ ଯିଏ ଅଛନ୍ତି ସେମାନେ ଅଚିହ୍ନା  । ଅଚିହ୍ନା ଚେହେରାଙ୍କ ଭିତରେ ନିଜକୁ ସହଜ ମନେକରୁନାହାଁନ୍ତି ଲଖନ୍ ।  ସବୁବେଳେ ଉଦାସରେ କଟୁଛି ତାଙ୍କ ସମୟ ।