ସେ ଅମିତାଭ ବଚ୍ଚନଙ୍କ ପତ୍ନୀ ବୋଲି ତାଙ୍କୁ ଲୋକ ସହୁଛନ୍ତି: ଜୟ ବଚ୍ଚନଙ୍କ ଭିଡିଓ ଉପରେ କଙ୍ଗନାଙ୍କ ପ୍ରତିକ୍ରିୟା

କନକ ବ୍ୟୁରୋ: ଅଭିନେତ୍ରୀ ତଥା ସାଂସଦ ଜୟା ବଚ୍ଚନଙ୍କ ଏକ ଆଜି ଭିଡିଓ ଭାଇରାଲ ହୋଇଥିଲା, ଯେଉଁଥିରେ ସେ ଜଣେ ପ୍ରଶଂସକଙ୍କୁ ସେଲଫି ନେବାକୁ ଚେଷ୍ଟା କରିବାରୁ ଠେଲି ଦେଉଥିବାର ଦେଖାଯାଇଥିଲା । ଏହି ଘଟଣାକୁ ନେଇ ଅଭିନେତ୍ରୀ ତଥା ସାଂସଦ କଙ୍ଗନା ରାଣାୱତ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି ।

କଙ୍ଗନା ରାଣାୱତ, ଜୟା ବଚ୍ଚନଙ୍କୁ ଜଣେ 'ବିଗିଡ଼ି ଯାଇଥିବା ଏବଂ ସୁବିଧାବାଦୀ' ମହିଳା ବୋଲି କହିଛନ୍ତି । ସେ ନିଜ ଇନଷ୍ଟାଗ୍ରାମ ଷ୍ଟୋରୀରେ ଏହି ଭିଡିଓକୁ ସେୟାର କରି ଲେଖିଛନ୍ତି, "ସବୁଠାରୁ ବିଗିଡ଼ି ଯାଇଥିବା ଏବଂ ସୁବିଧାବାଦୀ ମହିଳା । ଲୋକମାନେ ତାଙ୍କର ଏହି କ୍ରୋଧକୁ କେବଳ ସହ୍ୟ କରନ୍ତି କାରଣ ସେ ଅମିତାଭ ବଚ୍ଚନଙ୍କ ପତ୍ନୀ"। 

ଏହା ପ୍ରଥମ ଥର ନୁହେଁ ଯେ କଙ୍ଗନା ଜୟା ବଚ୍ଚନଙ୍କୁ ସମାଲୋଚନା କରିଛନ୍ତି । ୨୦୨୦ ମସିହାରେ ମଧ୍ୟ ଜୟା ବଚ୍ଚନ ଫିଲ୍ମ ଇଣ୍ଡଷ୍ଟ୍ରିକୁ "ଗଟର" ସହିତ ତୁଳନା କରିଥିବାରୁ କଙ୍ଗନାଙ୍କୁ ସମାଲୋଚନା କରିଥିଲେ । ଏହାର ଜବାବରେ କଙ୍ଗନା ଟ୍ୱିଟ୍ କରି କହିଥିଲେ, "ଜୟା ଜୀ, ଯଦି ମୋ ସ୍ଥାନରେ ଆପଣଙ୍କ ଝିଅ ଶ୍ଵେତାଙ୍କୁ କିଶୋର ଅବସ୍ଥାରେ ମାଡ଼ ଦିଆଯାଇଥାନ୍ତା, ନିଶା ଦିଆଯାଇଥାନ୍ତା ଏବଂ ଅସଦାଚରଣ କରାଯାଇଥାନ୍ତା, ତେବେ ଆପଣ କ'ଣ ସମାନ କଥା କହିଥାନ୍ତେ? ଯଦି ଅଭିଷେକଙ୍କୁ କ୍ରମାଗତ ଭାବେ ହଇରାଣ କରାଯାଇଥାନ୍ତା ଏବଂ ସେ ଦିନେ ଝୁଲୁଥିବାର ଦେଖାଯାଇଥାନ୍ତେ, ତେବେ ଆପଣ କ'ଣ ସମାନ କଥା କହିଥାନ୍ତେ? ଆମ ପ୍ରତି ମଧ୍ୟ କରୁଣା ଦେଖାନ୍ତୁ"। 

ନିକଟରେ ସଂସଦରେ ଜୟା ବଚ୍ଚନଙ୍କୁ 'ଜୟା ଅମିତାଭ ବଚ୍ଚନ' କହି ଡକାଯିବାରୁ ସେ ଏହାକୁ ବିରୋଧ କରିଥିଲେ। ଏହି ପ୍ରସଙ୍ଗରେ ମଧ୍ୟ କଙ୍ଗନା ତାଙ୍କୁ ସମାଲୋଚନା କରି ଏହାକୁ 'ଅହଂକାର' ବୋଲି କହିଥିଲେ ।