କଥା ଦେଇ ଭୁଲିଗଲେ ସରକାର ; ପୁଣି ଆନ୍ଦୋଳନକୁ ଓହ୍ଲାଇବେ କନିଷ୍ଠ ଶିକ୍ଷକ ଆଶାୟୀ

କନକ ବ୍ୟୁରୋ: ଆଜି ପୁଣି ଧାରଣାରେ ବସିଛନ୍ତି କନିଷ୍ଠ ଶିକ୍ଷକ ଆଶାୟୀ । ପୂର୍ବରୁ ଧାରଣା ଦେଇଥିଲେ, ବିକ୍ଷୋଭ କରିଥିଲେ । ଏହାପରେ ଦୀର୍ଘ ଦିନର ଦାବି ଶୁଣିଥିଲେ ସରକାର । କ୍ୟାବିନେଟରେ ଅନୁମୋଦିତ ହୋଇଥିଲା ପ୍ରସ୍ତାବ । ଓଡ଼ିଶା କନିଷ୍ଠ ଶିକ୍ଷକ ଆଶାୟୀ ସଂଘ ପକ୍ଷରୁ ହୋଇଥିବା ଦାବି ପୂରଣ କରିବାକୁ ପ୍ରତିଶ୍ରୁତି ମିଳିଥିଲା। ସରକାରଙ୍କ ସହ ଆଲୋଚନା ପରେ ନିଯୁକ୍ତି ପାଇଁ ତାଲିକା ବାହାରିବ ବୋଲି ଆଶା କରିଥିଲେ ଆଶାୟୀ । କିନ୍ତୁ ୨୦ ହଜାର କନିଷ୍ଠ ଶିକ୍ଷକ ବଦଳରେ ମାତ୍ର ୧୨ ହଜାର ନିଯୁକ୍ତି ପାଇଁ ବିଜ୍ଞପ୍ତି ବାହାରି ଥିବାରୁ ପୁଣି ଥରେ ଧାରଣାକୁ ଓହ୍ଲାଇଛନ୍ତି କନିଷ୍ଠ ଶିକ୍ଷକ ଆଶାୟୀ ସଂଘ।