କୁକୁଡ଼ା ବ୍ୟବସାୟକୁ ନେଇ ଭାଇକୁ ହତ୍ୟା ମାମଲା; ୪ ଅଭିଯୁକ୍ତଙ୍କୁ ବାନ୍ଧିଲା ପୋଲିସ

କନକ ବ୍ୟୁରୋ : ଝାରସୁଗୁଡା ବେହେରାପାଟ ଗୁଳିକାଣ୍ଡ ଘଟଣା। ଭାଇକୁ ଗୁଳି ମାରି ଭାଇ ହତ୍ୟା କରିଥିବା ବେଳେ ପୁଲିସ ୪ ଅଭିଯୁକ୍ତଙ୍କୁ ଗିରଫ କରିଛି। କୁକୁଡ଼ା ବ୍ୟବସାୟୀକୁ ନେଇ ଭାଇ ଭାଇ ମଧ୍ୟରେ ଶତ୍ରୁତା ଦେଖାଦେଇଥିଲା । ଏହି କାରଣରୁ ଭାଇକୁ ଭାଇ ହତ୍ୟା କରିଥିଲା ।

୪ ଜଣ ଅଭିଯୁକ୍ତ ମିଶି ମହମ୍ମଦ ସାହାଜାହାନଙ୍କୁ ହତ୍ୟା କରିବା ପରେ ଝାରସୁଗୁଡ଼ା ଓ ସମ୍ୱଲପୁର ଜିଲ୍ଲା ମଝିରେ ଥିବା ରମ୍ପେଲା ବ୍ରିଜରୁ ମୃତଦେହକୁ ଫୋପାଡି ଦେଇଥିଲେ । ପରେ ପୋଲିସ ଘଟଣା ସମ୍ପର୍କରେ ଜାଣିବା ପରେ ଚାରି ଜଣ ଅଭିଯୁକ୍ତକୁ ଗିରଫ କରିବାରେ ସଫଳ ହୋଇଛି ।

ଅଭିଯୁକ୍ତ ମାନେ ମଙ୍ଗଳ ବଜାରର ଇମ୍ରାନ ଖାଁ, ୱାଶିମ୍ ଅକ୍ରମ୍, ଆଯାଜ୍ ଖାଁ ଓ ସହବାଜ ଖାଁ ବୋଲି ଜଣାପଡିଛି । ସେହିଭଳି ଅଭିଯୁକ୍ତ ମାନଙ୍କଠାରୁ ପୋଲିସ ୧୮ ଟି ଗୁଳି, ୨ ଟି ବନ୍ଧୁକ, ହତ୍ୟାରେ ବ୍ୟବହାର ହୋଇଥିବା କାର ଓ ଗୋଟିଏ ସ୍କୁଟି ଜବତ କରିଛି । ତା ସହିତ ଅଭିଯୁକ୍ତ ପିନ୍ଧିଥିବା ରକ୍ତ ଲଗା କପଡ଼ା ଜବତ କରିଛି ପୋଲିସ ।