କନକ ବ୍ୟୁରୋ: ବିବାହର ୮ ବର୍ଷ ପରେ ଜଣେ ଯୁବକ ଡେପୁଟି କଲେକ୍ଟର ବନିଲେ । ହେଲେ ମଝିରେ ଏ ଯେଉଁ ସମୟ, ସେ ସଂଘର୍ଷ ଆପଣଙ୍କୁ ଆଖି ଭିଜାଇଦେବାକୁ ଆଉ ଆପଣଙ୍କ ମନରେ ସାହସ ଧୈର୍ଯ୍ୟ ଭରିଦେବାକୁ ଯଥେଷ୍ଟ ।

Advertisment

ଝାଡ଼ଖଣ୍ଡର ସୂରଜ ଯାଦବ , ନା କୋଚିଙ୍ଗର ସୁବିଧା ନା ପାଖରେ ପଇସା ନା ପଢିବା ମାହୋଲ … ଥିଲା କେବଳ ଅଭାବ, ଅସୁବିଧା; ଦାରିଦ୍ୟରେ ଛଟପଟ ହୋଇ ଏଥିରୁ ମୁକୁଳିବାର ଦୃଢ ଇଚ୍ଛା ଆଉ ନିଜକୁ ପ୍ରମାଣିତ କରିବାର ଦୁର୍ବାର ସଂକଳ୍ପ ।ସେଥିପାଇଁ ତ ଯେତେବେଳେ ସୂରଜ ସଫଳତାର ପ୍ରଥମ ପାହାଚରେ ପାଦୂଥୋଇଲେ ପରିବାରର ସମସ୍ତଙ୍‌କ ଆଖିରେ ଥିଲା ଲୁହ ଆଉ ଲୁହ ।

ବାପା ଥିଲେ ମିସ୍ତ୍ରୀ । ପରିବାରର ଆର୍ଥିକ ଅବସ୍ଥା ତାଙ୍କ ପାଇଁ ଥିଲା ଏକ ବଡ଼ ଚ୍ୟାଲେଞ୍ଜ । ଝାରଖଣ୍ଡ ଏକ ନିପଟ ଗାଁରେ ଜନ୍ମ ହୋଇଥିବା ସୂରଜଙ୍କ ପାଁ ପ୍ରଥମେ ଦି ଓଳି ଦି ମୁଠା ଖାଇବା ଯୋଗାଡ କରିବାକୁ ଭାରି କଷ୍ଟକର ଥିଲଶ। ହେଲେ ଆଭାବ ଭିତରେ ସେ ଦେଖୁ ସରକାରୀ ଚାକିରିର ସ୍ବପ୍ନ  । କେମିତି ଏହାକୁ ପୂରଣ କରିବେ ତାଙ୍କୁ ସବୁବେଳେ ଅସ୍ଥିର କରୁଥିଲା । ଘରେ ସ୍ତ୍ରୀକୁ ଛାଡ଼ି ଏକା ରାଂଚି ଆସିଲେ । କିନ୍ତୁ ସହରରେ ଚଳିବେ କେମିତି ।ସାଙ୍ଗମାନେ ସହଯୋଗର ହାତ ବଢ଼ାଇଲେ। ସୂରଜଙ୍କ ର୍ପା କିଣିଦେଲେ ଗୋଟେ ସେକେଣ୍ଡେ ହ୍ୟାଣ୍ଡ ବାଇକ୍ ।ଏଥିରେ ସୂରଜ ଆରମ୍ଭ କଲେ ସ୍ବିଗି ଫୁଡ୍ ଡେଲିଭରି କାମ ସହ ବାଇକ୍ ଟ୍ୟାକ୍ସି କାମ। 

ସକାଳୁ ସନ୍ଧ୍ୟା ଭିଡ଼ ରାସ୍ତାରେ ଅଣନିଶ୍ବାସୀ ହୋଇ ଗୋଟେ ଜାଗାରୁ ଆଉ ଗୋଟେ ଜାଗା । ସେଥିରୁ ଯାହା ରୋଗଗାର ହୁଏ ଖାଇବା ପିଇବା ଆଉ ଘର ଭଡା ଚଳିଯାଏ । କିନ୍ତୁ ପଢ଼ିବା ମୁକିଲ ହୁଏ । ଥକି ଯାଇଥିବା ଦେହର ବୋଝ ଆଉ  ନିଦରେ ବୁଜିହୋଇଯାଉଥିବା ଆଖି , ତଥାପି ରାତିରେ ବିଶ୍ରାମ ନାହିଁ। ଅନ୍ଧାର ରାତିଟା ସେ ବହି ନାଁରେ ଲେଖିନଦିଅନ୍ତି । ସାଙ୍ଗମନେ ନିଜ ନିଜ ପକେଟରୁ କିଛି କିଛି ସଞ୍ଚି ଯେଉଁ ବହି କିଣିଦେଲେ  ସେସବୁ ସହ ସମୟ କଟେ । କେତେବେଳେ ରାତି ପାହି ସକାଳ ହୁଏଲ ତାଙ୍କୁ ଜଣାପଷଡନି। ତା ଭିତରେ କେତେବେଳେ କେମିତି ଆଖୀ ପତା ଟିକେ ପଡ଼ିଯାଏ ସିନା ହେଲେ ପୁଣି ସକାଳ ଡାକେ କାମକୁ ଯିବାକୁ ।

ସୂରଜଙ୍କ ସଂଘର୍ଷର ଚିଠା ବେଶ୍ ଲମ୍ବା, ସବୁକିଛି ଏଠି ଲେଖିବା ସମ୍ଭବ ନୁହେଁ । କିନ୍ତୁ ଏତିକିରୁ ଦର୍ଶକେ ଅନ୍ତତଃ  ଠଉରାଇପାରୁଥି. ତାଙ୍କ ଜୀବନଟା କେମିତି ବିତୁଥିବ । ହଁ ଏକଥା. କିନ୍ତୁ ମାନିବାକୁ ପଡ଼ିବ, ତାଙ୍କର ଏଭଳି ନିର୍ଘାତ ସମୟରେ ତାଙ୍କୁ ସାହାସ ଦେଲେ କେତେଜଣ ସାଙ୍ଗ । ଘର ସମ୍ଭାଳିଲେ ଭଉଣୀ ଆଉ ସ୍ତ୍ରୀ ।କିଛି ମାସର ଅବିଶ୍ରାନ୍ତ ଚେଷ୍ଟା ପରେ ଝାରଖଣ୍ଡ ଲୋସେବା ଆୟୋଗ (ଜେପିଏସସି) ପରୀକ୍ଷାରେ ବସିଲେ ।ଏଥିରେ ପାଇଲେ ୧୧୦ ରାଙ୍କ । ଇଣ୍ଟରଭୁ୍ୟରେ ଯେତେବେ.ଳେ ତାଙ୍କୁ ସ୍ବିଗି ବୟ କଥା ପଚାରାହେଲେ ବେଶ୍ ଆତ୍ମବିଶ୍ବାସର ସହ ନିଜ ସଂହଘର୍ଷ କାହାଣୀ ବଖାଣିଲେ ସୂରଜ। ଏତେ ପରିଶ୍ରଅମ ଭିତରେ ବି ପରୀକ୍ଷା ପ୍ରସ୍ତୁତିର ଟାଇମ୍ ମ୍ୟା;େନଜମେର୍‌ଟ ସମସ୍ତଙ୍କ ମନ ଛଉିଥିଲା । ଆଉ ଯେବେ ତାଙ୍କ ାଜଲ୍ଟ କଥା ସୂରଚ ଘରକୁ ଫୋନ କରି ଜଣାଇଲେ , ଫେନରେ ଖାଲି ଶୁଭିଥିଲା କାନ୍ଦର ସ୍ବର । ଆଖିର ଲୁହ ପାଟିର କଥାକୁ ଧୋଇଦେଉଥିଲା ।   

ସୂରଜଙ୍କ ଅନୁଭୂତି କୌଣସି ବହିର ଜ୍ଞାନ ଅପେକ୍ଷା ଢ଼େର ଗଭୀର । ଏବେ ତାଙ୍କୁ ମିଳିଛି ଡେପିଟି କଲେକ୍ଟର ପଦ । ବିଶ୍ବାସ ଜଣେ ସ୍ବିଗି ବୟରୁ ଡେପୁଟି କଲେକ୍ଟର ଯାଏଁ ସୂରଜଙ୍କ ସଂଘର୍ଷ କାହାଣୀ ସ୍ବଷ୍ଟ ଭାବେ କହୁଛି ସଫଳତା ସହଜରେ ମିଳେନା। ଅନେକ କଷ୍ଟ ପରେ ସଫଳତା ମାଜି ହୋଇ ହୋଇ ଆସେ ,ଅନ୍ୟ ମାନଙ୍କୁ ବଞ୍ଚିବାର ବାଟ ଦେଖାଏ ।