/kanak/media/agency_attachments/2024-07-23t061209958z-vpn68eiq1eknckql8r0y.jpg)
/kanak/media/member_avatars/2024/12/05/2024-12-05t085615664z-9834a11b-9015-4cfe-ae63-b20008d51374.jpg)
/kanak/media/media_files/2025/09/18/smb-2025-09-18-19-42-10.jpg)
କନକ ବ୍ୟୁରୋ : ଜଣ୍ଡିସ୍ ଭୂତାଣୁ ଚିହ୍ନଟ ପାଇଁ ସମ୍ବଲପୁରରେ ନାହିଁ ବ୍ୟବସ୍ଥା । ରାଜଧାନୀ ଭୁବନେଶ୍ବର ଉପରେ ନିର୍ଭରଶୀଳ । ପୁରୁଣା ସରକାର ଯାଇ ନୂଆ ସରକାର ଆସିଲେ, ତଥାପି ହୋଇପାରିଲାନାହିଁ ଭାଇରୋଲୋଜିକାଲ ଲ୍ୟାବ୍ । ଏପଟେ ଫାଇଲରେ ଧୂଳି ଖାଉଛି ଜଣ୍ଡିସ୍ ନିରାକରଣ ପାଇଁ ଭିମସାର୍ର ସୁପାରିସ । ସମ୍ବଲପୁରବାସୀଙ୍କ ପାଇଁ ଜଣ୍ଡିସ୍ ଚିନ୍ତାର କାରଣ ସାଜିଥିବା ବେଳେ ଏବେ ବି ଭୂତାଣୁ ଚିହ୍ନଟ ପାଇଁ ଭୁବନେଶ୍ବର ଉପରେ ନିର୍ଭରଶୀଳ ପ୍ରଶାସନ । ସମ୍ବଲପୁର ପିଏଚ୍ଡି ଓ ଆର୍ଡବ୍ଲ୍ୟୁଏସ୍ଏସ୍ ବିଭାଗରେ ଇ-କୋଲି ଟେଷ୍ଟର ସୁବିଧା ରହିଛି । ତେବେ ହେପାଟାଇଟିସ୍ A ଓ E ଚିହ୍ନଟ ପାଇଁ ଭୁବନେଶ୍ବରକୁ ପଠାଯାଉଛି ପାଣି ନମୁନା । ରିପୋର୍ଟ ଆସିବାକୁ ସପ୍ତାହେ ଲାଗୁଛି ।
୨୦୧୪ରେ ସମ୍ବଲପୁରରେ ମହାମାରୀର ରୂପ ନେଇଥିଲା ଜଣ୍ଡିସ୍ । ସମାନ ସ୍ଥିତି ଦେଖିବାକୁ ମିଳିଥିଲା ୨୦୧୯ ଓ ୨୦୨୪ରେ । ତଥାପି ସମ୍ବଲପୁରରେ ସ୍ଥାପନ ହୋଇପାରିନି ଭାଇରୋଲୋଜିକାଲ୍ ପରୀକ୍ଷାଗାର । ଭିମସାର୍ର ଏକ ଟିମ୍ ଜଣ୍ଡିସକୁ ମାତ୍ ଦେବାକୁ ଓ ଏହାର ସ୍ଥାୟୀ ନିରାକରଣ ଖୋଜିବାକୁ ଏକ ରିପୋର୍ଟ ପ୍ରସ୍ତୁତ କରିଥିଲା । ମୁଖ୍ୟତଃ ୬ଟି କାର୍ଯ୍ୟ କରିବାକୁ ପ୍ରଶାସନକୁ ସୁପାରିସ କରିଥିଲା ଟିମ୍ ।
- ସହରରେ ଜଳ ଯୋଗାଣ ବ୍ୟବସ୍ଥାର ନବୀକରଣ
- ହେପାଟାଇଟିସ୍ ପାଇଁ ସାମୂହିକ ଟିକାକରଣ
- ସରକାରୀ ସ୍ବାସ୍ଥ୍ୟ ବ୍ୟବସ୍ଥା ପ୍ରତି ସଚେତନତା
- ସହରରେ ଡ୍ରେନେଜ୍ ବ୍ୟବସ୍ଥାର ପୁନଃନିର୍ମାଣ
- ଶୌଚାଳୟଗୁଡ଼ିକରେ ସେଫ୍ଟିକ୍ ଟାଙ୍କି ନିର୍ମାଣ
- ପରୀକ୍ଷାଗାର ଓ ସର୍ଭିଲାନ୍ସ ୟୁନିଟ୍ ମଧ୍ୟରେ ସମନ୍ବୟ ରକ୍ଷା କରିବାକୁ ସୁପାରିସ ଦିଆଯାଇଥିଲା । କିନ୍ତୁ ତାହା ଏବେ ଫାଇଲ ଭିତରେ । ସହରରେ ଏବେ ସ୍ଥିତି ଏମିତି ଯେ ପିଏଚ୍ଡି ଦ୍ବାରା ଯୋଗାଇ ଦିଆଯାଉଥିବା ପାଣି ପିଇବାକୁ ଭୟ କରୁଛନ୍ତି ଲୋକେ ।