କେନ୍ଦୁଝରରେ ଓଲଟିଲା ଯାତ୍ରା ଗାଡି । ରାଜନନ୍ଦିନୀ ଅପେରାର ୪ କଳାକାର ଗୁରୁତର ।

କନକ ବ୍ୟୁରୋ: କେନ୍ଦୁଝର ପାଟଣାରେ ଓଲଟିଲା ଯାତ୍ରା ଗାଡି । ରାଜନନ୍ଦିନୀ ଅପେରା ପାର୍ଟିର ଗାଡି ଓଲଟିବା ଫଳରେ ୪ ଜଣ କଳାକାର ଗୁରୁତର ଆହତ ହୋଇଛନ୍ତି । ଆହତଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି । ମିଳିଥିବା ସୂଚନା ମୁତାବକ, ପାଟଣାର ଗୋରାସ ଗ୍ରାମରେ ଯାତ୍ରା କରୁଥିବା ରାଜନନ୍ଦିନୀ ଅପେରାର ୪ ଜଣ କଳାକାର କାରରେ ମାଛଗଡ ଆଡକୁ ଯାଉଥିଲେ । ଗୋରାସ ଛକ ନିକଟରେ ହିଁ ଗାଡିଟି ଭାରସାମ୍ୟ ହରାଇ ଓଲଟି ପଡିଥିଲା । ରାସ୍ତାରେ ପ୍ରାୟ ୫୦ ଫୁଟ୍ ଦୂରକୁ ଘୋଷାଡି ହୋଇଥିଲା ଗାଡି । ଆହତଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।