ଛୋଟିଆ ଜୀବନ ଦେଇଗଲା ମହାନତାର ଉଦାହରଣ;ମୃତ୍ୟୁ ପରେ ବି ଅମର ହୋଇଗଲେ ଜନ୍ମେଶ

କନକ ବ୍ୟୁରୋ :ସାନ ସିନା ଦାନ ତା ମହାନ । ନିଜର କିଡ୍‌ନୀ ଓ ଲିଭର ଦାନ କରି ଅମର ହୋଇଗଲେ ଭୁବନେଶ୍ବରର ଜନ୍ମେଶ ଲେଙ୍କା । ସ୍ବାସ୍ଥ୍ୟ ଖରାପ ଯୋଗୁ ବର୍ଷକର ଜନ୍ମେଶ ଲେଙ୍କାଙ୍କ ମୃତ୍ୟୁ ହୋଇଛି । ନିଜ ଘରର ଛୋଟ ଛୁଆଟିକୁ ହରାଇ ଧୌର୍ଯ୍ୟହରା ହୋଇ ପଡିଛି ପୁରା ପରିବାର । 
 
ଜନ୍ମେଶଙ୍କ ବାପା ଏମ୍‌ସରେ ଚାକିରି କରନ୍ତି । ପୁଅର ମୃତ୍ୟୁ ପରେ କିଡ୍‌ନୀ ଓ ଲିଭର ଦାନ କରିବାକୁ ନିଷ୍ପତ୍ତି ନେଇଥିଲେ ପରିବାର । ଜନ୍ମେଶଙ୍କ ଲିଭର ଦିଲ୍ଲୀର ଜଣେ ପିଲା ଦେହରେ ଲଗାଯାଇଛି । ସେହିପରି କିଡ୍‌ନୀ ଭୁବନେଶ୍ବର ଜଣେ ପିଲାଙ୍କ ଦେହରେ ଲାଗଛି । ମୃତ୍ୟୁ ପରେ ବି ଜନ୍ମେଶ ଅମର ହୋଇଗଲେ ।  ଜନ୍ମେଶଙ୍କ ଶେଷକୃତ୍ୟବେଳେ ତାଙ୍କୁ ଗାର୍ଡ ଅଫ୍ ଅନର ପ୍ରଦାନ କରାଯାଇଛି ।