କନକ ବ୍ୟୁରୋ: ଆଖି ଜୁଆଡେ ପଡୁଛି କେବଳ ତାଣ୍ଡବ ହିଁ ତାଣ୍ଡବ । ଶୁକ୍ରବାର ମଧ୍ୟରାତ୍ରରେ ପୁଣି ପ୍ରକୃତିର କରାଳରୂପ ଦେଖିଛି ରାମବନ । ବାଦଲଫଟା ବର୍ଷା କାରଣରୁ ୧୧ରୁ ଅଧିକଙ୍କ ମୃତ୍ୟୁ ହେବା ସହ ୨୦ରୁ ଅଧିକ ନିଖୋଜ ଥିବା ସୂଚନା ମିଳିଛି । ମୃତକଙ୍କ ମଧ୍ୟରେ ଗୋଟିଏ ପରିବାରର ୭ଜଣ ଥିବା ଥିଲେ  । ସେପଟେ ବନ୍ୟାପାଣିରେ ଏକାଧିକ ଘର ଭାସିଥିବାରୁ ମୃତ୍ୟୁ ସଂଖ୍ୟା ବଢିବା ଆଶଙ୍କା ରହିଛି ।

ଘଟଣାସ୍ଥଳରେ ଆଇଟିବିପି, ଏନଡିଆରଏଫ ଓ  ଭାରତୀୟ ସେନା ମିଳିତଭାବେ ଉଦ୍ଧାରକାମ ଜାରି ରଖିଛନ୍ତି । ମାଟି ଅତଡାତଳୁ ଚାଲିଛି ଜୀବନର ସନ୍ଧାନ । ଅନ୍ୟପଟେ ପାହାଡରୁ ପଥରଖଣ୍ଡ ପଡି ରାସ୍ତାକୁ ଅବରୋଧ କରିଥିବାରୁ ଯାତାୟତ ସମ୍ପୂର୍ଣ୍ଣ ଠପ ହୋଇଛି ।

ଗତ ୧୫ଦିନ ମଧ୍ୟରେ ଦ୍ବିତୀୟଥର ପାଇଁ ଜମ୍ମୁକାଶ୍ମୀରରେ ବାଦଲ ଫଟା ବର୍ଷା କାରଣରୁ ୪୦ରୁ ଅଧିକ ଲୋକଙ୍କ ଜୀବନ ଯାଇଛି । ଅଗଷ୍ଟ ୧୪ରେ କିସ୍ତୱାଡ ଓ ଅଗଷ୍ଟ ୩୦ରେ ରାମବନରେ ପ୍ରକୃତିର ତାଣ୍ଡବ କାରଣରୁ ଶତାଧିକ ଘର ଭାସିବା ସହ ଅନେକ ଏବେ ବି ନିଖୋଜ ଅଛନ୍ତି ।