କନକ ବ୍ୟୁରୋ: ବୈଷ୍ଣୋଦେବୀ ମାର୍ଗରେ ଭୁସ୍ଖଳନ ଘଟଣାରେ ୪୦ଜଣଙ୍କ ମୃତ୍ୟୁକୁ ନେଇ ଜମ୍ମୁକାଶ୍ମୀର ସରକାର ଓ ମନ୍ଦିର ଟ୍ରଷ୍ଟ ମଧ୍ୟରେ ଦୋଷ ଲଦାଲଦି ଆରମ୍ଭ ହୋଇଛି । ପାଣିପାଗ ବିଭାର ସତର୍କତା ପରେ ଯାତ୍ରାକୁ କ’ଣ ପାଇଁ ସ୍ଥଗିତ ରଖାଗଲାନି ବୋଲି ସରକାର ପ୍ରଶ୍ନ କରିଛନ୍ତି । ଯାହାର ସଫେଇ ରଖିଛି ମନ୍ଦିର ବୋର୍ଡ । ଅଭିଯୋଗଗୁଡ଼ିକୁ ଖଣ୍ଡନ  ଟ୍ରଷ୍ଟ କହିଛି ପାଣିପାଗ ବିଭାଗର କୌଣସି ସତର୍କତାକୁ ଅଣଦେଖା କରାଯାଇନି । ଅଗଷ୍ଟ ୨୬ ତାରିଖ ଅପରାହ୍ନରେ ତୀର୍ଥଯାତ୍ରାକୁ ସ୍ଥଗିତ ରଖାଯାଇଥିଲା । ଭକ୍ତଙ୍କ ସୁରକ୍ଷା ବୋର୍ଡର ପ୍ରାଥମିକତା ଦିଆଯାଇଥିଲା । ସକାଳ ୧୦ଟା ପର୍ଯ୍ୟନ୍ତ ଯାତ୍ରା ସ୍ୱାଭାବିକ ଭାବରେ ଚାଲିଥିଲା । ଭୂସ୍ଖଳନ ନେଇ କୌଣସି ସୂଚନା ବା ସମ୍ଭାବନା ନଥିଲା ।

Advertisment

ସେପଟେ ଜମ୍ମୁକାଶ୍ମୀର, ହିମାଚଳପ୍ରଦେଶ, ଉତ୍ତରାଖଣ୍ଡ ଓ ରାଜସ୍ଥାନରେ ପ୍ରକୃତି ତାଣ୍ଡବ ରଚୁଛି ।ବିଭିନ୍ନ ସ୍ଥାନରୁ ଆସିଛି ପ୍ରଳୟଙ୍କାରୀ ବନ୍ୟା, ବର୍ଷା ଓ ଭୁସ୍ଖଳନର ଚିତ୍ର ।କେଉଁଠି ବନ୍ୟା ତ ପୁଣି କେଉଁଠି ଲଗାଣ ବର୍ଷା ଏବଂ ଭୁସ୍ଖଳନ ଦୈନନ୍ଦିନ ଜୀବନକୁ ବିପଦରେ ପକାଇଛି ।ପାହାଡିଆ ରାଜ୍ୟମାନଙ୍କୁ ହାଇଆଲର୍ଟରେ ରଖାଯାଇଛି ।