ଏଚ୍ ୱାନ ବି ଭିସା ଫି ବୃଦ୍ଧି ନେଇ ପରୋକ୍ଷରେ ଆମେରିକାକୁ ଶୁଣାଇଲେ ଜୟଶଙ୍କର, ଶ୍ରମଶକ୍ତିର ଅଭାବ ଆଶଙ୍କା ପ୍ରକାଶ

କନକ ବ୍ୟୁରୋ : ବିଶ୍ୱରେ ଅନେକ ଦେଶର ଜନସଂଖ୍ୟା ନିଜ ଶ୍ରମ ଆବଶ୍ୟକତା ପୂରଣ କରିପାରିବେ ନାହିଁ । ଆମେରିକା  ଏଚ୍. ୱାନ୍. ବି ଭିସା ଫି ୮୮ ଲକ୍ଷ ଟଙ୍କାକୁ ବୃଦ୍ଧି କରିବା ପରେ ଭାରତର ବୈଦେଶିକ ବ୍ୟାପାର ମନ୍ତ୍ରୀ ଏସ. ଜୟଶଙ୍କର ଏହି ମନ୍ତବ୍ୟ ଦେଇଛନ୍ତି । ସେ କହିଛନ୍ତି, ବିଶ୍ବ ଶ୍ରମଶକ୍ତି ଏକ ବାସ୍ତବତା ।   ଜାତିସଂଘ ସାଧାରଣ ଅଧିବେଶନରେ ବିକାଶ, ବାଣିଜ୍ୟ ଓ ପ୍ରଯୁକ୍ତି ବିଦ୍ୟା ଉପରେ ଆୟୋଜିତ ଏକ କାର୍ଯ୍ୟକ୍ରମରେ  ଯୋଗଦେଇ ଜୟଶଙ୍କର କହିଛନ୍ତି, ଏଚ୍. ୱାନ୍. ବି ଭିସା ଫି ବୃଦ୍ଧି ଦ୍ୱାରା  ଆମେରିକାରେ ଅନ୍ୟଦେଶ ଓ ଭାରତୀୟ ଶ୍ରମଶକ୍ତି ପ୍ରଭାବିତ ସମସ୍ୟାରେ ପଡ଼ିଛନ୍ତି । ଭିସା ଫି ବୃଦ୍ଧି ନେଇ ଆମେରିକା ରାଷ୍ଟ୍ରପତି ଡୋନାଲଡ୍ ଟ୍ରମ୍ପ କହିଥିଲେ ଯେ ତାଙ୍କ ଦେଶର ଶ୍ରମଶକ୍ତି ବିଦେଶର ଶ୍ରମଶକ୍ତି, ବିଶେଷକରି ଭାରତୀୟ ଶ୍ରମଶକ୍ତି ଦ୍ୱାରା ପ୍ରଭାବିତ ହେଉଛି । ଜୟଶଙ୍କର କହିଛନ୍ତି, ବର୍ତ୍ତମାନ ସମୟର ଆବଶ୍ୟକତାକୁ ଦେଖି ବିଶ୍ବ ଶ୍ରମଶକ୍ତିକୁ ଏଡ଼ାଇ ଦେଇହେବ ନାହିଁ। ଏଥିପାଇଁ  ବିଧିବଦ୍ଧ ନୀତି ଧାର୍ଯ୍ୟ କରିବାକୁ ପଡ଼ିବ ବୋଲି ଜୟଶଙ୍କର କହିଛନ୍ତି ।