ରାଜଧାନୀରେ ପୁଣି ବୁଲିଲା ଖଣ୍ଡା ଭୁଜାଲି : ବାଇକ୍‌ କାଢ଼ିବାକୁ କହିବାରୁ ଦୁଇ ଜଣଙ୍କୁ ଆକ୍ରମଣ

କନକବ୍ୟୁରୋ : ମାତିଲେ ଜେଲ ଫେରନ୍ତା । ରାଜଧାନୀରେ ପୁଣି ବୁଲିଲା ଖଣ୍ଡା ଭୁଜାଲି । ଧଉଳି ଥାନା ଅନ୍ତର୍ଗତ ଲିଙ୍ଗିପୁର ଛକରେ ଅପରାଧିଙ୍କ ଭୟଙ୍କର  କାଣ୍ଡ ଦେଖିବାକୁ ମିଳିଛି । ଘର ଆଗରୁ ବାଇକ ବାହାର କରିବାକୁ କହିବାରୁ ଆକ୍ରମଣ କରିଛନ୍ତି ଜେଲ ଫେରନ୍ତା  । ଅଭିଯୁକ୍ତଙ୍କ ଆକ୍ରମଣରେ ଶିବ ପ୍ରସାଦ ସେଠୀ ଓ ସ୍ବପ୍ନେଶ୍ବର ପାଣିଗ୍ରାହୀ ଆହତ  ହୋଇଛନ୍ତି  ।

ତେବେ ହାପି ଭୋଇ, ଉତ୍ତମ ମହାପାତ୍ରଙ୍କ ସମେତ ୮ ରୁ ୧୦ ଜଣ ଯୁବକ ଆକ୍ରମଣ କରିଥିବା ଜଣାପଡିଛି  । ଏହି ଯୁବକ ମାନେ ଗତ କିଛିଦିନ ତଳେ ଜେଲରୁ ଜାମିନରେ ବାହାରିଥିଲେ  । ଅଭିଯୁକ୍ତ ମାନେ ଏକ କାରକୁ ଭାଙ୍ଗିବା ସହିତ କୋଲଡ୍ରିଙ୍କ ବୋତଲରେ ଆକ୍ରମଣ କରିଥିଲେ  । ଶୁକ୍ରବାର ମଧ୍ୟରାତିରେ ଏହି ଘଟଣା ଘଟିଛି । ଶିବପ୍ରସାଦ କାର ବାହାର କରିବା ସମୟରେ ଘର ଆଗ ରାସ୍ତାରେ ବାଇକ ଥିବା ଦେଖି ହର୍ଣ୍ଣ ବଜାଇଥିଲେ । ହେଲେ ଏହି ସମୟରେ ବାଇକ୍ ହଟାଇବା ବଦଳରେ ଦୁର୍ବୃତ୍ତ ମାନେ ଉତ୍ତ୍ୟକ୍ତ ହୋଇ ତାଙ୍କ ଉପରକୁ ପାଲଟା ଆକ୍ରମଣ କରିଥିଲେ