ବଂଶଧାରା ନଦୀରେ ମିଶିଲା ବିଷାକ୍ତ ପାଣି । ପ୍ରଭାବିତ ହେଲା ଜଳଚର ଜୀବଙ୍କ ଜୀବନ

କନକ ବ୍ୟୁରୋ : କଳାହାଣ୍ଡି ଜିଲ୍ଲା ସୀମାନ୍ତରେ ରାଷ୍ଟ୍ରାୟତ କମ୍ପାନୀ କର୍ତ୍ତୃପକ୍ଷଙ୍କ ବେପରୁଆ ମନୋଭାବ । ଦାୟିତ୍ଵ ହୀନତା କାରଣରୁ ବଂଶଧରା ନଦୀ ପ୍ରଭାବିତ । ଜଳଚର ଜୀବଙ୍କ ମୃତ୍ୟୁ ଅଭିଯୋଗ । ବର୍ଜ୍ୟ ଅଶୋଧିତ ଜଳ ଭଣ୍ଡାର ରେଡମଣ୍ଡ ପଣ୍ଡର ବନ୍ଧ ଭାଙ୍ଗିବାରୁ ରାୟଗଡ଼ା ମୁନିଗୁଡ଼ାରେ ବଂଶଧାରା ନ‌ଦୀରେ ଭୟଙ୍କର ସ୍ଥିତି ।  

ବଂଶଧାରା ନଦୀ ମୁନିଗୁଡ଼ା ବ୍ଲକର ଜୀବନରେଖା । ରାଣିପିଣ୍ଡା, ଘମଟଗୁଡ଼ା, ଶିବପଦର, ଜଗଦଲପୁର, କୁମୁଡ଼ାବାଲି ପଞ୍ଚାୟତ ଗ୍ରାମବାସୀ ବଂଶଧାରା ପାଣି ଉପରେ ନିର୍ଭରଶୀଳ । ହେଲେ ଏବେ ଏହି ନଦୀ ପାଣି ବିଷାକ୍ତ ହୋଇଯାଇଛି । କମ୍ପାନୀ ବର୍ଜ୍ୟବସ୍ତୁ ମିଶା ବିଷାକ୍ତ ପାଣି ରହୁଥିବା ରେଡମଣ୍ଡ ପଣ୍ଡର ବନ୍ଧ ଭାଙ୍ଗି ନଦୀରେ ମିଶିଯାଇଛି ।

ଫଳରେ ନଦୀରେ ଥିବା ଜଳଚର ଜୀବ ମାଛ, କଙ୍କଡା, ସାପ, ବେଙ୍ଗ ଇତ୍ୟାଦି ମରି ଭାଶୁଛନ୍ତି । ନଈକୂଳିଆ ଲୋକ ଲୋକ ଭୟଭୀତ ହୋଇଛନ୍ତି ।
କୌଷ୍ଟିକ ସୋଡ଼ା ଓ ଅନ୍ୟ ଅତ୍ୟନ୍ତ କ୍ଷତିକାରକ ରାସାୟନିକ ଦ୍ରବ୍ୟ ମିଶିବାରୁ ନଦୀରେ ଗାଧୋଇଲେ  ଦେହରେ ଫୋଟକା ହେବା ସହ କୁଣ୍ଡେଇ ହେଉଛି । ନଦୀ ପାଣି ପିଉଥିବା ଗୃହପାଳିତ ପଶୁପକ୍ଷୀଙ୍କ ଠାରେ ଅସ୍ଵାଭାବିକ ପରିବର୍ତ୍ତନ ଲକ୍ଷ୍ୟ କରାଯାଉଥିବା ଅଭିଯୋଗ ହୋଇଛି । ବଂଶଧାରାକୁ ଜୀବନ ଜୀବିକା ଭାବେ ବ୍ୟବହାର କରୁଥିବା ଲୋକେ ଆତଙ୍କିତ ଅଛନ୍ତି। ପ୍ରଶାସନ ତରଫରୁ ପଦକ୍ଷେପ ନେବାକୁ ଦାବି ହୋଇଛି। ନଦୀ ଅବବାହିକାରେ ରହୁଥିବା ଗ୍ରାମବାସୀ ସବୁ କାମରେ ନଦୀ ଉପରେ ନିର୍ଭର କରନ୍ତି । ଗାଧୁଆ ପାଧୁଆ କରିବା ସହ ଚାଷବାସ କରିଥାନ୍ତି । ହେଲେ ଏଭଳି ସ୍ଥିତି ଉପୁଜିଲେ ଜୀବନ ଜୀବିକା ହରାଇବାର ଆଶଙ୍କା ବଢ଼ିଯାଏ