ଆତଙ୍କୀଙ୍କ ପାଇଁ ସୁରକ୍ଷିତ କି ଓଡ଼ିଶା?

କନକ ବ୍ୟୁରୋ: ଓଡ଼ିଶା ସହ ଆତଙ୍କୀଙ୍କ ଲିଙ୍କ୍, ବିଭିନ୍ନ ସମୟର ରାଜ୍ୟର ବିଭିନ୍ନ ସ୍ଥାନରୁ ଧରାପଡ଼ିଛନ୍ତି ସନ୍ଦିଗ୍ଧ ଆତଙ୍କୀ । ୨୦୧୫ରୁ ୨୦୨୫ ମୋଟ ୧୦ ବର୍ଷରେ ୧୦ ଜଣ ଆତଙ୍କୀ ଗିରଫ ହୋଇଛନ୍ତି । ଏମାନଙ୍କୁ କଟକ, ରାଉରକେଲା, ଯାଜପୁର, ନୟାଗଡ଼ରୁ ଗିରଫ କରିଛି ଜାତୀୟ ତଦନ୍ତକାରୀ ସଂସ୍ଥା । ଆତଙ୍କୀସ୍ତାନରୁ ଓଡ଼ିଶା ଲିଙ୍କ୍‌ ମିଳିବା ପରେ ରାଜ୍ୟର ସୁରକ୍ଷା ବ୍ୟବସ୍ଥା ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି ।

Advertisment

ଅବଦୁର ରେହମାନ

୨୦୧୫ରେ ଗିରଫ ହୋଇଥିଲା ଅବଦୁର ରେହମାନ
ସାଲେପୁର ପଶ୍ଚିମକଚ୍ଛ ସାତବାଟିଆ ଗାଁରୁ ଉଠାଇ ନେଇଥିଲା NIA
ଭାରତ ବିରୋଧୀ ଆତଙ୍କୀ ଷଡ଼ଯନ୍ତ୍ର ମାମଲାରେ ଥିଲା ସାମିଲ
ଆତଙ୍କବାଦୀ ସଙ୍ଗଠନ ଅଲ୍‌ କାଏଦା ସହିତ ଥିଲା ଅବଦୁରର ଲିଙ୍କ୍
ଗୁଇନ୍ଦା ତଥ୍ୟ ସଂଗଠନକୁ ଯୋଗାଉଥିଲା ଅବଦୁର

ରାଉରକେଲାରେ ଲୁଚିଥିଲେ ସିମି ଆତଙ୍କୀ

୨୦୧୬ରେ ୫ ସିମି ଆତଙ୍କବାଦୀ ହୋଇଥିଲେ ଗିରଫ
ମଧ୍ୟପ୍ରଦେଶରୁ ଖସି ରାଉରକେଲାରେ ଲୁଚିଥିଲେ ଏହି ଆତଙ୍କୀ
ଭଦ୍ରକରେ ମଧ୍ୟ ଏହି ଆତଙ୍କବାଦୀମାନେ ଘରଭଡ଼ା ନେଇ ରହିଥିଲେ
ଗିରଫ ଆତଙ୍କବାଦୀ ବିଭିନ୍ନ ରାଜ୍ୟରେ ଚଳାଇଥିଲେ ଜିହାଦୀ କାର୍ଯ୍ୟ
ଚେନ୍ନାଇ, ଉତ୍ତରପ୍ରଦେଶ ବିଜନୋର ବିସ୍ଫୋରଣରେ ଥିଲେ ସାମିଲ

ଯାଜପୁରରୁ ଧରାପଡ଼ିଥିଲା ବୁଖାରୀ

୨୦୨୩ରେ ମୋଷ୍ଟ୍ ୱାଣ୍ଟେଡ୍ ଆତଙ୍କୀ ସୟଦ ଇସାନ ବୁଖାରୀ ହୋଇଥିଲା ଗିରଫ
ଯାଜପୁରରୁ ଏହି କାଶ୍ମୀର ଯୁବକଙ୍କୁ ଧରିଥିଲା ଏସଟିଏଫ୍‌
ଦେଶ ବିରୋଧୀ ତତ୍ତ୍ୱଙ୍କ ସହ ରହିଥିଲା ବୁଖାରୀର ଲିଙ୍କ୍
ନିଜକୁ ଡାକ୍ତର ପରିଚୟ ଦେଇ ଯାଜପୁରରେ ଛପିଥିଲା ଆତଙ୍କୀ

ଗୁଇନ୍ଦାଗିରି କରି ଧରାପଡ଼ିଥିଲେ ୩ ସନ୍ଦିଗ୍ଧ

୨୦୨୩ରେ ପାକିସ୍ତାନୀ ଲିଙ୍କରେ ଗିରଫ ହୋଇଥିଲେ ୩ ଓଡ଼ିଆ
ନୟାଗଡ଼ର ୨ଜଣ, ଯାଜପୁରର ଜଣଙ୍କୁ ବାନ୍ଧିଥିଲା ଏସଟିଏଫ୍‌
ଗିରଫଙ୍କ ମଧ୍ୟରେ ରହିଥିଲେ ଜଣେ ଆଇଟିଆଇ ଅଧ୍ୟାପକ
ଏମାନେ ପାକିସ୍ତାନୀ ଏଜେଣ୍ଟଙ୍କୁ ବେନାମୀ ସିମ୍‌ କାର୍ଡ ବିକୁଥିଲେ

ସେହିପରି ନିକଟରେ ଭୁବନେଶ୍ୱରରେ ଅନୁଷ୍ଠିତ ହୋଇଥିବା ଡିଜିପି-ଆଇଜିପି ସମ୍ମିଳନୀ ସମୟରେ ଧମକ ଦେଇଥିଲା ଖଲିସ୍ତାନୀ ଆତଙ୍କୀ ପନ୍ନୁ । ତେଣୁ ପ୍ରଶ୍ନ ଉଠୁଛି, ଓଡ଼ିଶାରେ ବିଭିନ୍ନ ସମ୍ବେଦନଶୀଳ ସ୍ଥାନ ରହିଥିବାରୁ ଟାର୍ଗେଟରେ ରହୁଛି କି ରାଜ୍ୟ?