ଇରାନ ଦୁଇ ମୋର୍ଚ୍ଚା ଯୁଦ୍ଧ ପାଇଁ ପ୍ରସ୍ତୁତ!

କନକବ୍ୟୁରୋ : ଇରାନର ଇସଲାମିକ୍ ରିଭୋଲ୍ୟୁସନାରୀ ଗାର୍ଡ କର୍ପସ (ଆଇଆର୍‌ଜିସି) ହିଜବୁଲ୍ଲାର କମାଣ୍ଡ ଗ୍ରହଣ କରିଛି। ଖବର ଅନୁଯାୟୀ,ଆଇଆର୍‌ଜିସି ଅଧିକାରୀମାନେ ସମ୍ପ୍ରତି ଲେବାନନରେ ପହଞ୍ଚି ହିଜବୁଲ୍ଲାର ସାମରିକ କ୍ଷମତାକୁ ବିସ୍ତାର କରୁଛନ୍ତି । ସାରା ଦେଶରେ ବିସ୍ତାରିତ ସଦସ୍ୟମାନଙ୍କ ବିଷୟରେ ସୂଚନା ସଂଗ୍ରହ କରାଯାଇ ସେମାନଙ୍କୁ ରଣନୈତିକ ସ୍ଥାନରେ ମୁତୟନ କରାଯାଉଛି। ଇରାନ ଗୋଟିଏ ପଟେ ଇସ୍ରାଏଲକୁ ଧମକ ଦେଉଥିବାବେଳେ ଅନ୍ୟପଟେ ଆମେରିକା ସହ ଉତ୍ତେଜନା ବୃଦ୍ଧି କରୁଛି । 

ଅଧିକ ପଢନ୍ତୁ... ନେପାଳରେ ଭୟଙ୍କର ଭୂମିକମ୍ପ ଥରିଉଠିଲା ଘରଦ୍ବାର, ଭୟରେ ଲୋକେ

ସାଉଦି ଖବରକାଗଜରେ ଏହା ମଧ୍ୟ ରିପୋର୍ଟ କରାଯାଇଛି, ଆଇଆର୍‌ଜିସି ଅଧିକାରୀମାନେ ବେକା ଉପତ୍ୟକାରେ ଏକ ହିଜବୁଲ କ୍ଷେପଣାସ୍ତ୍ର ୟୁନିଟର ସଦସ୍ୟଙ୍କ ସହ ବୈଠକ କରୁଥିଲେ, କିନ୍ତୁ ସୂଚନା ପାଇବା ମାତ୍ରେ ଇସ୍ରାଏଲ  ସେହି ଅଞ୍ଚଳରେ ବୋମା ମାଡ଼ କରିଥିଲା। ଏଥିରେ ୧୨ ଜଣଙ୍କର ମୃତ୍ୟୁ ହୋଇଥିବା ବେଳେ ୫୦ ରୁ ଅଧିକ ଆହତ ହୋଇଛନ୍ତି। ଏହି ଆକ୍ରମଣରେ ହିଜବୁଲ୍ଲାର ଜଣେ ବରିଷ୍ଠ ଅଧିକାରୀଙ୍କର ମଧ୍ୟ ଜୀବନ ଯାଇଛି । ଇସ୍ରାଏଲ ପ୍ରତିରକ୍ଷା ବାହିନୀ (ଆଇଡିଏଫ୍) ଅନୁଯାୟୀ, ଏହି ଆକ୍ରମଣରେ ହିଜବୁଲ ଓ ହମାସ କମାଣ୍ଡ ସେଣ୍ଟରଗୁଡ଼ିକୁ ଟାର୍ଗେଟ କରାଯାଇଥିଲା ।  ଲେବାନନ୍ ଗଣମାଧ୍ୟମ ନିଦା ଅଲ-ୱାତାନ୍ କହିଛି, ଯଦି ଆମେରିକା ଓ ଇରାନ ମଧ୍ୟରେ ଯୁଦ୍ଧ ହୁଏ, ତେବେ ବେରୁଟ ଏହାର ନିରପେକ୍ଷତା ବଜାୟ ରଖିବା ଉଚିତ ଏବଂ ଇସ୍ରାଏଲ ସହିତ ଯୁଦ୍ଧକୁ ଦେଶକୁ ଟାଣି ନେବାରୁ ହିଜବୁଲ୍ଲକୁ ରୋକିବା ଉଚିତ ।

ୱାଇନେଟ୍ ନ୍ୟୁଜ୍ ରିପୋର୍ଟ କରିଛି, ଯୁଦ୍ଧ ହେଲେ ଇସ୍ରାଏଲ ବିରୋଧରେ ଲଢ଼ିବା ପାଇଁ ଇରାନ ହିଜବୁଲ୍ଲା ଉପରେ ଚାପ ପକାଉଛି। ଏହି ରିପୋର୍ଟ ଏପରି ଏକ ସମୟରେ ଆସିଛି ଯେତେବେଳେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏହି ଅଞ୍ଚଳରେ ସାମରିକ ବାହିନୀ ମୁତୟନ କରିଛନ୍ତି ଏବଂ ଇରାନ ଉପରେ ଚାପ ବୃଦ୍ଧି କରୁଛନ୍ତି। ଟ୍ରମ୍ପ ଦାବି କରୁଛନ୍ତି, ଇରାନ ନିଜର ପରମାଣୁ କାର୍ଯ୍ୟକ୍ରମ ପରିତ୍ୟାଗ କରି ୟୁରାନିୟମ ସମୃଦ୍ଧି ବନ୍ଦ କରିବା ସହ ବାଲିଷ୍ଟିକ୍ କ୍ଷେପଣାସ୍ତ୍ର ପରିସର ହ୍ରାସ କରିବ। ହିବ୍ରୁ ଗଣମାଧ୍ୟମ ଅନୁଯାୟୀ, ଇସ୍ରାଏଲ ମଧ୍ୟ ଆମେରିକାକୁ ସହଯୋଗ କରିବାକୁ ପ୍ରସ୍ତୁତି କରୁଛି।

କାନ୍ ପବ୍ଲିକ୍ ବ୍ରଡକାଷ୍ଟର ରିପୋର୍ଟ କରିଛି, ହିଜବୁଲ୍ଲା ରକେଟ୍ ବାହିନୀକୁ ପ୍ରସ୍ତୁତ କରୁଥିବା ଇସ୍ରାଏଲ କହିଛି। ଯୁଦ୍ଧ ହେଲେ ହିଜବୁଲ୍ଲା ଇସ୍ରାଏଲ ଉପରେ ଆକ୍ରମଣ କରିବ। ଏହା ସହ ଆଇଆର୍‌ଜିସି, ଇରାନ-ସମର୍ଥିତ ଶିଆ ମିଲିସିଆ ଏବଂ ୟେମେନର ହୁଥି ବିଦ୍ରୋହୀମାନେ ମଧ୍ୟ ଏଥିରେ ସାମିଲ ହେବେ ବୋଲି କୁହାଯାଉଛି। ଫଳରେ ଇରାନ ଗୋଟିଏ ପଟେ ଇସ୍ରାଏଲ ସହିତ ଯୁଦ୍ଧ ଲଢ଼ିବା ସହିତ ଅନ୍ୟପଟେ ଆମେରିକା ସହିତ ମଧ୍ୟ ଯୁଦ୍ଧ ଲଢ଼ିବାକୁ ପ୍ରସ୍ତୁତ ହେଉଛି।