କନକ ବ୍ୟୁରୋ : ବରଗଡ଼ ନାବାଳିକା ଘଟଣାରେ ନୂଆ ଟ୍ୱିଷ୍ଟ । ପୁଲିସ ଓ ପରିବାର ଲୋକଙ୍କ ବୟାନରେ ରହୁନି ତାଳ ମେଳ । ଘଟଣାରେ ଉତ୍ତରାଞ୍ଚଳ ଆଇଜି ହିମାଂଶୁ ଲାଲ୍ କହିଛନ୍ତି ପାରିବାରିକ କଳହ ଯୋଗୁ ଏଭଳି ଘଟଣା ଘଟିଛି କିନ୍ତୁ ମୃତ ନାବାଳିକାଙ୍କ ମାମୁଙ୍କ ବୟାନ ପରିବାରରେ କୌଣସି କଳହ ହୋଇନଥିଲା । ଘଟଣା ଦୁଇ ଦିନ ବିତିଲାଣି ସ୍ଵତନ୍ତ୍ର ଟିମ୍ ଛାନଭିନ୍ କରୁଛି ହେଲେ ଘଟଣା ଉପରୁ ପରଦା ଉଠାଇ ପାରୁନାହିଁ ପୁଲିସ । ପରିବାରରେ କାହିଁକି କଳହ ହେଉଥିଲା ? ମୃତ ନାବାଳିକା କେଉଁ ଝିଅର ନାଁ କହୁଥିଲେ ? ମୃତ ନାବାଳିକାଙ୍କ ମାମୁଙ୍କ କହିବା ଅନୁସାରେ କେଉଁ କଲ୍ ରେକର୍ଡରେ କଥାବାର୍ତ୍ତା ହେଉଥିଲେ ? ଏସବୁ ଦିଗକୁ ନେଇ ପୁଲିସ କ’ଣ ତଦନ୍ତ କରୁଛି ତାହାର ସ୍ପଷ୍ଟିକରଣ ଦେଇ ପାରୁନାହିଁ । ଘଟଣାରେ ବିଭିନ୍ନ ଲୋକଙ୍କ ସହ ପରିବାର ଲୋକଙ୍କୁ ଥାନାକୁ ଆଣି ପଚରାଉଚରା ଜାରି ରଖିଥିବା ବେଳେ ଏବେ ମୃତ ନାବାଳିକାଙ୍କ ଭାଇକୁ ଥାନାକୁ ଆଣି ପଚରାଉଚରା କରୁଛି ପୁଲିସ । ଅନ୍ୟପଟେ ବିରୋଧୀ ଦଳ ଏସପି ଅଫିସ ଯାଇ ଏହି ଘଟଣାର ତଦନ୍ତ ଅଧିକାରୀଙ୍କୁ ଭେଟି ଘଟଣାର ସଠିକ ତଦନ୍ତ କରିବା ସହିତ ଦୋଷୀ ବିରୋଧରେ ଅତିଶୀଘ୍ର କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ବିଜେଡି ଦଳ ।