ସମୁଦ୍ରକୁ ଓହ୍ଲାଇଲେ ଭାରତର ୩ ସମ୍ରାଟ ; INS ସୁରତ, ନୀଳଗିରି ଓ ବାଘଶୀର : ଡରିବେ ଶତ୍ରୁ

କନକ ବ୍ୟୁରୋ: ଆହୁରି ଶକ୍ତିଶାଳୀ ହେଲା ଭାରତୀୟ ନୌସେନା। କାରଣ ନୌସେନାରେ ସାମିଲ ହେଲେ ୩ ଲଢୁଆ ଯୁଦ୍ଧପୋତ । ଆଜି ଆଇଏନଏସ ନୀଳଗିରି , ସୁରଟ୍ ଓ ଆଇଏନଏସ ବାଘଶିରକୁ ଦେଶବାସୀଙ୍କ ଉଦ୍ଦେଶ୍ୟରେ ସମର୍ପିତ କରିଛନ୍ତି ପ୍ରଧାନମନ୍ତ୍ରୀ ମୋଦୀ।

ଭାରତୀୟ ନୌସେନାରେ ସାମିଲ ହୋଇଥିବା ଏହି ତିନୋଟି ଯୁଦ୍ଧ ଜାହାଜ ହେଉଛି ଆଇଏନଏସ ସୁରଟ, ଆଇଏନଏସ ନୀଳଗିରି ଏବଂ ଆଇଏନଏସ ବାଘଶୀର ବୁଡ଼ାଜାହାଜ । ଏସବୁ ସାମିଲ ହେବା ପରେ ଭାରତୀୟ ନୌସେନାର ଶକ୍ତି ଆହୁରି ବୃଦ୍ଧି ପାଇଛି। । ଏହି ତିନୋଟି ସ୍ୱଦେଶୀ ଜ୍ଞାନକୌଶଳରେ ନିର୍ମିତ । ମୁମ୍ବାଇର ମାଜାଗାଓଁ ଡକ୍ ଶିପ୍ ବିଲଡର୍ସ ଲିମିଟେଡରେ ଏହାର ଡିଜାଇନ୍ ଓ ନିର୍ମାଣ କରାଯାଇଛି । ଆଇଏନ୍ଏସ୍ ସୁରତ ହେଉଛି ଏକ ଷ୍ଟିଲ୍ଥ ଗାଇଡେଡ୍ ମିସାଇଲ୍ ଡିଷ୍ଟ୍ରୋୟର । ଆଇଏନଏସ ନୀଳଗିରି ହେଉଛି ପ୍ରୋଜେକ୍ଟ ୧୭ଏର ପ୍ରଥମ ଷ୍ଟିଲ୍ଥ ଫ୍ରିଗେଟ୍ । ଆଇଏନ୍ଏସ୍ ବାଘଶୀର ହେଉଛି ଏକ ସ୍କର୍ପିନ୍ ଶ୍ରେଣୀର ବୁଡ଼ାଜାହାଜ। ସମୁଦ୍ରରେ ଏହି ତିନୋଟିର ଶକ୍ତି ବାସ୍ତବରେ ଆଶ୍ଚର୍ୟ୍ୟଜନକ । ଶତ୍ରୁଙ୍କ ନିଦ ହଜାଇବା ପାଇଁ ସମୁଦ୍ରକୁ ଓହ୍ଲାଇଛନ୍ତି ଭାରତର ତିନି ସମ୍ରାଟ । ଏବେ ସମୁଦ୍ରରେ ଶତ୍ରୁଙ୍କ ପ୍ରତ୍ୟେକ ଚାଲ୍ ବିଫଳ ହେବ । 
ଯୁଦ୍ଧପୋତର କ୍ଷମତା ;

ଆଇଏନ୍ଏସ୍ ସୁରଟ : ଏହା ହେଉଛି ବିଶ୍ୱର ସବୁଠାରୁ ବିପଜ୍ଜନକ ଷ୍ଟିଲ୍ଥ ଗାଇଡେଡ୍ ମିସାଇଲ୍ ଡିଷ୍ଟ୍ରୋୟର । ଏହା ହେଉଛି ବିଶାଖାପାଟଣା ଶ୍ରେଣୀର ଷ୍ଟେଲ୍ଥ ଗାଇଡେଡ୍ ମିସାଇଲ୍ ଡିଷ୍ଟ୍ରୋୟରର ଚତୁର୍ଥ ଯୁଦ୍ଧ ଜାହାଜ। ସ୍ୱଦେଶୀ ଇସ୍ପାତରୁ ଏହାକୁ ପ୍ରସ୍ତୁତ କରାଯାଇଛି । ଏହାକୁ ମାଜାଗାଓଁ ଡକ୍ ଲିମିଟେଡ୍ (ଏମ୍ଡିଏଲ୍)ରେ ନିର୍ମାଣ କରାଯାଇଛି। ଖାସ୍ କଥା ହେଉଛି ଦେଶରେ ଏପର୍ୟ୍ୟନ୍ତ ନିର୍ମିତ ଯୁଦ୍ଧ ଜାହାଜରେ ଏହାକୁ ଅତି କମ୍ ସମୟ ମଧ୍ୟରେ ସମ୍ପୂର୍ଣ୍ଣ କରାଯାଇଛି।

ଆଇଏନଏସ ସୁରଟର ଶକ୍ତି: ଆଇଏନଏସ ସୁରଟର ଲମ୍ବ ୧୬୩ ମିଟର ଏବଂ ଏହାର ବେଗ ଘଣ୍ଟା ପ୍ରତି ୫୫.୫୬ କିଲୋମିଟର । ଆଇଏନଏସ ସୁରଟକୁ ଏପରି ଭାବେ ଡିଜାଇନ କରାଯାଇଛି ଯେ ଏହା ଶତ୍ରୁଙ୍କ ରାଡାରରେ ଆସିବ ନାହିଁ । ଏଥିରେ ଭୂପୃଷ୍ଠରୁ ଭୂପୃଷ୍ଠକୁ କ୍ଷେପଣାସ୍ତ୍ର ରହିଛି । ଏଥିରେ ଭୂପୃଷ୍ଠରୁ ଆକାଶକୁ ଦୁଇଟି ଦୀର୍ଘ ଲଞ୍ଚର ରହିଛି । ପ୍ରତି ଲଞ୍ଚର ୧୬ଟି କ୍ଷେପଣାସ୍ତ୍ର ନିକ୍ଷେପ କରିପାରିବ । ଏଥିରେ ବ୍ରହ୍ମୋସ୍ ଆଣ୍ଟି ସିପ୍ ମିସାଇଲ ସିଷ୍ଟମ ମଧ୍ୟ ରହିଛି । ଏହା ଗୋଟିଏ ଥରରେ ୧୬ଟି ବ୍ରହ୍ମୋସ୍ କ୍ଷେପଣାସ୍ତ୍ର ନିକ୍ଷେପ କରିପାରିବ । ବୁଡ଼ାଜାହାଜକୁ ଧ୍ୱଂସ କରିବା ପାଇଁ ରକେଟ୍ ଲଞ୍ଚର, ଟର୍ପିଡୋ ଲଞ୍ଚର ମଧ୍ୟ ଉପସ୍ଥିତ ଅଛନ୍ତି ।

ଆଇଏନ୍ଏସ୍ ନୀଳଗିରି: ବ୍ଲୁ ୱାଟର ଅପରେସନ ପାଇଁ ଭାରତ ଆଇଏନଏସ ନୀଳଗିରି ପ୍ରସ୍ତୁତ କରିଛି । ଆଇଏନ୍ଏସ୍ ନୀଳଗିରି ୧୭ଏ ହେଉଛି ଷ୍ଟିଲ୍ଥ ଫ୍ରିଗେଟ୍ ପ୍ରକଳ୍ପର ପ୍ରଥମ ଜାହାଜ । ଭାରତୀୟ ନୌସେନାର ଯୁଦ୍ଧ ଜାହାଜ ଡିଜାଇନ୍ ବ୍ୟୁରୋ ପକ୍ଷରୁ ଏହାକୁ ଡିଜାଇନ୍ କରାଯାଇଛି । ଏହାକୁ ନୌସେନାରେ ସାମିଲ କରାଯାଇଛି, ଯେଉଁଥିରେ କ୍ଷମତା ବୃଦ୍ଧି ପାଇଛି, ସମୁଦ୍ରରେ ଲମ୍ବା ଜୀବନ ଏବଂ ଅତ୍ୟାଧୁନିକ ଷ୍ଟିଲ୍ଥ ସକ୍ଷମ ବୈଶିଷ୍ଟ୍ୟ ରହିଛି। ଏହା ପରବର୍ତ୍ତୀ ପିଢ଼ିର ସ୍ୱଦେଶୀ ଫ୍ରିଗେଟ୍ ର ପ୍ରତିନିଧିତ୍ୱ କରେ । ଏହା ନୀଳଗିରି ଶତ୍ରୁପକ୍ଷର ସ୍ଥଳ ଲକ୍ଷ୍ୟ ଏବଂ ସମୁଦ୍ରରେ ଥିବା ଜଳମଗ୍ନ ବୁଡ଼ାଜାହାଜକୁ ମଧ୍ୟ ଆକ୍ରମଣ କରିପାରିବ ।

ଆଇଏନଏସ ନୀଳଗିରିର ଶକ୍ତି : ଏହାର ବେଗ ଘଣ୍ଟା ପ୍ରତି ୩୦ କିଲୋମିଟର । ଏଥିରେ ଗୋଟିଏ ଏୟାର ଡିଫେନ୍ସ ଗନ୍ ଏବଂ ୮ଟି ଦୀର୍ଘ ଦୂରତା ବିଶିଷ୍ଟ ଭୂପୃଷ୍ଠରୁ ଆକାଶରେ କ୍ଷେପଣାସ୍ତ୍ର ରହିଛି । ଭୂପୃଷ୍ଠ ବିରୋଧୀ ଓ ଜାହାଜ ବିରୋଧୀ ଯୁଦ୍ଧ ପାଇଁ ଇଏନ୍ଏସ୍ ନୀଳଗିରି ବ୍ରହ୍ମୋସ୍ ରେ ସଜ୍ଜିତ । ଏଥିରେ ବୁଡ଼ାଜାହାଜ ବିରୋଧୀ ଯୁଦ୍ଧ ପାଇଁ ବରୁଣସ୍ତ୍ର, ଆଣ୍ଟି-ସବ୍ମେରିନ୍ ରକେଟ୍ ଲଞ୍ଚର ରହିଛି । ଆଇଏନଏସ ନୀଳଗିରି ଦୁଇଟି ହେଲିକପ୍ଟର ଅବତରଣ କରିପାରିବ । ଏଥିରେ ମଲ୍ଟି ଫଙ୍କସନ୍ ଡିଜିଟାଲ ରାଡାର ମଧ୍ୟ ରହିଛି।

ଆଇଏନଏସ୍ ବାଘଶୀର ; ଭାରତୀୟ ନୌସେନା ବାହିନୀରେ ସାମିଲ ହୋଇଥିବା ବୁଡ଼ାଜାହାଜର ନାମ ହେଉଛି ବାଘଶୀର । ଭାରତ ମହାସାଗରରେ ମିଳୁଥିବା ବାଲି ମାଛଙ୍କ ନାମରେ ବାଘଶୀରର ନାମକରଣ କରାଯାଇଛି । ଏହାକୁ ଗଭୀର ସମୁଦ୍ର ଶିକାରୀ ମଧ୍ୟ କୁହାଯାଏ । ପ୍ରୋଜେକ୍ଟ ୭୫ ଅଧୀନରେ ଏହା ଭାଗଶିର ସ୍କର୍ପିନ୍ ଶ୍ରେଣୀର ଷଷ୍ଠ ଏବଂ ଶେଷ ବୁଡ଼ାଜାହାଜ ଅଟେ । ଏହା ଏକ ଡିଜେଲ୍ ଇଲେକ୍ଟ୍ରିକ୍ ଆଟାକ୍ ବୁଡ଼ାଜାହାଜ। ଏବଂ ଅତ୍ୟାଧୁନିକ ଜ୍ଞାନକୌଶଳ ଏବଂ ଆଧୁନିକ ବୈଶିଷ୍ଟ୍ୟ ରେ ସଜ୍ଜିତ । ଶତ୍ରୁମାନେ ପାଣି ଭିତରେ ଏହା ସହ ପ୍ରତିଦ୍ୱନ୍ଦ୍ୱିତା କରିବା ଅସମ୍ଭବ ।

ଆଇଏନଏସ ବାଘଶୀରର ଶକ୍ତି : ଆଇଏନଏସ ବାଘଶିରର ଉଚ୍ଚତା ୪୦ ଫୁଟ । ଏହାର ବେଗ ପାଣି ଭିତରେ ୩୫ କିଲୋମିଟର ଓ ଜଳ ପୃଷ୍ଠରେ ୨୦ କିଲୋମିଟର ରହିଛି । ସ୍କର୍ପିନ୍ ହେଉଛି ଶ୍ରେଣୀର ଷଷ୍ଠ ଏବଂ ଶେଷ ବୁଡ଼ାଜାହାଜ । ଏହା ଟର୍ପିଡୋ ଏବଂ ଜାହାଜ ବିରୋଧୀ କ୍ଷେପଣାସ୍ତ୍ର ଦ୍ୱାରା ସଠିକ ଆକ୍ରମଣରେ ବିଶେଷଜ୍ଞ । ଏଥିରେ ଆଣ୍ଟି-ଟର୍ପିଡୋ କାଉଣ୍ଟରମେଜର ସିଷ୍ଟମ ମଧ୍ୟ ରହିଛି । ଏହି ବୁଡ଼ାଜାହାଜରେ ୧୮ଟି ଟର୍ପିଡୋ ବା ଆଣ୍ଟି-ସିପ୍ ମିସାଇଲ୍ ବୋଝେଇ ହୋଇପାରିବ ଏବଂ ଏଥିରେ ୩୦ରୁ ଅଧିକ ମାଇନ ରହିଛି । ଏହା ବୁଡ଼ାଜାହାଜ ଆଣ୍ଟି-ସର୍ଫେସ୍ ଏବଂ ଆଣ୍ଟି-ସବ୍ମେରିନ୍ ଅପରେସନ୍ କରିବାରେ ବିଶେଷଜ୍ଞ।

ଆଜି ଏହି ତିନୋଟି ଯୁଦ୍ଧ ଜାହାଜ ଭାରତୀୟ ନୌସେନାକୁ ପ୍ରଦାନ କରିବାକୁ ଯାଉଛି । ପ୍ରତ୍ୟେକ ଭାରତୀୟ ନିଜର ଚମତ୍କାର ଶକ୍ତି ପାଇଁ ଗର୍ବ ଅନୁଭବ କରିବେ। ସମୁଦ୍ରରେ ଆଇଏନଏସ ସୁରତ, ଆଇଏନଏସ ନୀଳଗିରି ଏବଂ ବୁଡ଼ାଜାହାଜ ବାଘଶୀର ଅବତରଣ ଭାରତର ସାମୁଦ୍ରିକ ସୁରକ୍ଷା ଦିଗରେ ଏକ ବଡ଼ ପଦକ୍ଷେପ ।