ଟି -୨୦ ବିଶ୍ୱକପ ପାଇଁ ଘୋଷଣା ହେଲା ଭାରତୀୟ ଟିମ୍ । ଜାଣନ୍ତୁ କାହାକୁ ମିଳିଲା ସ୍ଥାନ

କନକ ବ୍ୟୁରୋ : ଆଗାମୀ ମହିଳା ଟି-୨୦ ବିଶ୍ୱକପ ପାଇଁ ଭାରତୀୟ ଟିମ୍ ଘୋଷଣା ହୋଇଛି । ମଙ୍ଗଳବାର ଦିନ ବିସିସିଆଇ ଟିମ୍ ଘୋଷଣା କରିଛି । ହରମନପ୍ରୀତ କୌର ଅଧିନାୟକ ପଦ ବଜାୟ ରଖିଥିବା ବେଳେ ସ୍ମୃତି ମନ୍ଧାନା ଉପ ଅଧିନାୟକ ରହିଛନ୍ତି । ଅନ୍ୟମାନଙ୍କ ମଧ୍ୟରେ ସେଫାଳୀ ବର୍ମା, ଦୀପ୍ତି ଶର୍ମା, ଜୋମିମା ରୋଡିଗ୍ସ, ଋଚା ଘୋଷ, ସ୍ୱାତିକା ଭାଟିଆ, ପୂଜା ବସ୍ତ୍ରାକର, ଅରୁନ୍ଧତି ରେଡ୍ଡୀ, ରେଣୁକାସିଂ ଠାକୁର, ଦୟାଲନ ହେମଲତା, ଆଶା ଶୋଭନା,ରାଧା ଯାଦବ, ଶ୍ରୀୟଙ୍କା ପାଟିଲ ଓ ସଜନା ସଜୀବନ ରହିଛନ୍ତି । 

ମହିଳା ଟି -୨୦ ବିଶ୍ୱକପରେ ମୋଟ ୧୦ ଟି ଟିମ୍ ଭାଗନେବେ । ସେମାନଙ୍କୁ ଦୁଇଟି ଗ୍ରୁପରେ ଭାଗ କରାଯାଇଛି । ପ୍ରଥମ ଗ୍ରୁପରେ ଭାରତ, ଅଷ୍ଟ୍ରେଲିଆ, ନ୍ୟୁଜିଲାଣ୍ଡ, ପାକିସ୍ତାନ ଓ ଶ୍ରୀଲଙ୍କା ରହିଥିବା ବେଳେ ଦ୍ୱିତୀୟ ଗ୍ରୁପରେ ଦକ୍ଷିଣ ଆଫ୍ରିକା, ଇଂଲଣ୍ଡ, ୱେଷ୍ଟଇଣ୍ଡିଜ, ବାଂଲାଦେଶ ଓ ସ୍କଟଲ୍ୟାଣ୍ଡ ରହିଛନ୍ତି । ଭାରତ ତାର ପ୍ରଥମ ମ୍ୟାଚ ଅକ୍ଟୋବର ୪ ତାରିଖରେ ନ୍ୟୁଜିଲ୍ୟାଣ୍ଡ ବିପକ୍ଷରେ ଖେଳିବ । ସେହିଭଳି ଅକ୍ଟୋବର ୬ ତାରିଖରେ ପାକିସ୍ତାନ, ୯ ତାରିଖରେ ଶ୍ରୀଲଙ୍କା ଓ ୧୩ ତାରିଖରେ ଅଷ୍ଟ୍ରେଲିଆ ବିପକ୍ଷରେ ଖେଳିବ ।