ଇଣ୍ଡିଆନ୍ ପବ୍ଲିକ୍ ସ୍କୁଲରେ ଦେଶଭକ୍ତିରେ ଉଲ୍ଲାସ ସହିତ ୭୭ତମ ଗଣତନ୍ତ୍ର ଦିବସ ପାଳିତ ହୋଇଛି

କନକ ବ୍ୟୁରୋ : ଇଣ୍ଡିଆନ୍ ପବ୍ଲିକ୍ ସ୍କୁଲରେ  ଦେଶଭକ୍ତିରେ ଉଲ୍ଲାସ ସହିତ ୭୭ତମ ଗଣତନ୍ତ୍ର ଦିବସ ପାଳିତ ହୋଇଅଛି । ସମ୍ବଲପୁରର କ୍ଷେତରାଜପୁର ସ୍ଥିତ ଇଣ୍ଡିଆନ୍ ପବ୍ଲିକ୍ ସ୍କୁଲରେ ୭୭ତମ ଗଣତନ୍ତ୍ର ଦିବସ ଅତ୍ୟନ୍ତ ଗରିମା, ଉଲ୍ଲାସ ଏବଂ ଦେଶଭକ୍ତିର ଭାବପୂର୍ଣ୍ଣ ବାତାବରଣରେ ଭବ୍ୟ ରୂପରେ ପାଳନ କରାଯାଇଛି । ସମଗ୍ର ବିଦ୍ୟାଳୟ ପରିସର ରାଷ୍ଟ୍ରପ୍ରେମର ରଙ୍ଗରେ ସରସର ଦେଖାଯାଇଥିଲା । ଏହି ଗୌରବଶାଳୀ ଅବସରରେ ମୁଖ୍ୟ ଅତିଥି ଭାବରେ ୫ (ଓ) ବାଟାଲିୟନ ଏନ୍.ସି.ସି, ସମ୍ବଲପୁରର ୧୦ମ ଶିଖ୍ ଲାଇଟ୍ ଇନ୍‌ଫାଣ୍ଟ୍ରିର ସୁବେଦାର ମେଜର ଗୁରୁବଚନ ସିଂହଙ୍କର ଗରିମାମୟ ଉପସ୍ଥିତି ରହିଥିଲା । ମୁଖ୍ୟ ଅତିଥି ବିଦ୍ୟାଳୟର ମୁଖ୍ୟ ନିର୍ଦ୍ଦେଶକ ଶ୍ରୀ କେଶବ ଡାଲମିଆ, ଚେୟାରପର୍ସନ ଶ୍ରୀମତୀ ସୁମନ ଡାଲମିଆ ଏବଂ ପ୍ରାଧାନ ଶିକ୍ଷକ  ଶ୍ରୀ ସଚିନ ପାଠକଙ୍କ ସହିତ ରାଷ୍ଟ୍ରର ଆନ-ବାନ-ଶାନର ପ୍ରତୀକ ତ୍ରିରଙ୍ଗା ପତାକା ଉତ୍ତୋଳନ କରିଥିଲେ । ପତାକା ଉତ୍ତୋଳନ ସହିତ ହିଁ ବାତାବରଣ 'ଭାରତ ମାତା କି ଜୟ' ଏବଂ ଦେଶଭକ୍ତି ନାରାରେ ଗୁଞ୍ଜରି ଉଠିଥିଲା ।

ତତ୍ପଶ୍ଚାତ୍ ବିଦ୍ୟାଳୟର ଚାରୋଟି ସଦନର ବିଦ୍ୟାର୍ଥୀମାନେ ପ୍ରଧାନ ଛାତ୍ର ନୀତିନ ଅଗ୍ରୱାଲ ଏବଂ ପ୍ରଧାନ ଛାତ୍ରୀ ରିତିକା ମିଶ୍ରଙ୍କ ନେତୃତ୍ୱରେ ଅନୁଶାସିତ ଏବଂ ପ୍ରଭାବଶାଳୀ ଭବ୍ୟ ମାର୍ଚ୍ଚ ପାଷ୍ଟ ପ୍ରସ୍ତୁତ କରି ତ୍ରିରଙ୍ଗାକୁ ସଲାମୀ ଦେଇଥିଲେ । ଏହି ଅବସରରେ ଉପସ୍ଥିତ ପରିଚାଳନା ସମିତିର ସଦସ୍ୟମାନେ, ଶିକ୍ଷକମାନେ ଏବଂ ବିଦ୍ୟାର୍ଥୀମାନେ ରାଷ୍ଟ୍ରର ଏକତା, ଅଖଣ୍ଡତା ଏବଂ ସାର୍ବଭୌମତ୍ୱର ରକ୍ଷା ପାଇଁ ସଂକଳ୍ପ ନେଇଥିଲେ। ବିଦ୍ୟାଳୟର ପ୍ରାଧାନ ଶିକ୍ଷକ  ଶ୍ରୀ ସଚିନ ପାଠକ ନିଜର ପ୍ରେରଣାଦାୟୀ ସମ୍ବୋଧନରେ କହିଥିଲେ ଯେ ଭାରତୀୟ ସମ୍ବିଧାନ ଆମ ଦେଶର ଆତ୍ମା ଅଟେ, ଯାହା ଆମକୁ ଅଧିକାର ସହିତ କର୍ତ୍ତବ୍ୟର ମଧ୍ୟ ବୋଧ କରାଏ । ସେ ବିଦ୍ୟାର୍ଥୀମାନଙ୍କୁ ଆହ୍ୱାନ କରିଥିଲେ ଯେ ସେମାନେ ଅନୁଶାସନ, ନୈତିକତା ଏବଂ କର୍ତ୍ତବ୍ୟନିଷ୍ଠାକୁ ଆପଣେଇ ବିଦ୍ୟାଳୟ, ସମାଜ ଏବଂ ରାଷ୍ଟ୍ର ନିର୍ମାଣରେ ସକ୍ରିୟ ଯୋଗଦାନ ଦିଅନ୍ତୁ ।

ଏହି ଅବସରରେ ଛାତ୍ର-ଛାତ୍ରୀମାନଙ୍କ ଦ୍ୱାରା ପ୍ରସ୍ତୁତ ଦେଶଭକ୍ତି  ସାଂସ୍କୃତିକ କାର୍ଯ୍ୟକ୍ରମ , ଦେଶଭକ୍ତି ଗୀତ, ନୃତ୍ୟ ଏବଂ ଛାତ୍ରୀମାନଙ୍କର ସାମୂହିକ ଫର୍ମେସନର ପ୍ରସ୍ତୁତି ସମସ୍ତଙ୍କ ମନ ମୋହି ନେଇଥିଲା ଏବଂ କାର୍ୟ୍ୟକ୍ରମକୁ ବିଶେଷ ଗରିମା ପ୍ରଦାନ କରିଥିଲା । ମୁଖ୍ୟ ଅତିଥି ସୁବେଦାର ମେଜର ଗୁରୁବଚନ ସିଂହ ବିଦ୍ୟାର୍ଥୀମାନଙ୍କୁ ସମ୍ବୋଧିତ କରି ଗଣତନ୍ତ୍ର ଦିବସର ଐତିହାସିକ ଏବଂ ରାଷ୍ଟ୍ରୀୟ ମହତ୍ତ୍ୱ ଉପରେ ପ୍ରକାଶ ପକାଇଥିଲେ । ସେ ଜିଲ୍ଲା ସ୍ତରରେ ବିଭିନ୍ନ ଶୈକ୍ଷଣିକ ଗତିବିଧି ଏବଂ ଖେଳ ପ୍ରତିଯୋଗିତାରେ ଉତ୍କୃଷ୍ଟ ପ୍ରଦର୍ଶନ କରିଥିବା ପାଇଁ ବିଦ୍ୟାଳୟ ଏବଂ ବିଦ୍ୟାର୍ଥୀମାନଙ୍କର ପ୍ରଶଂସା କରି ସେମାନଙ୍କୁ ଉଜ୍ଜ୍ୱଳ ଭବିଷ୍ୟତ ପାଇଁ ଶୁଭକାମନା ଜଣାଇଥିଲେ । ବିଦ୍ୟାଳୟର ପ୍ରଧାନ ଛାତ୍ରୀ ରିତିକା ମିଶ୍ର ଇଂରାଜୀ ଭାଷାରେ ପ୍ରଭାବଶାଳୀ ଉଦ୍ବୋଧନ ପ୍ରସ୍ତୁତ କରି ଗଣତନ୍ତ୍ର ଦିବସର ସାମ୍ବିଧାନିକ ମୂଲ୍ୟ ଏବଂ ଗଣତାନ୍ତ୍ରିକ ପରମ୍ପରା ଉପରେ ବିଶେଷ ପ୍ରକାଶ ପକାଇଥିଲେ । ଏହି ଗରିମାମୟ ସମାରୋହରେ ବିଦ୍ୟାଳୟ ପରିଚାଳନା କମିଟିର ସମ୍ମାନିତ ସଦସ୍ୟମାନଙ୍କ ସହିତ ଏକାଡେମିକ୍ କୋ-ଅର୍ଡିନେଟର ଶ୍ରୀମତୀ ରଶ୍ମି ରେଖା ପଣ୍ଡା, ଇଂରାଜୀ ବିଭାଗାଧ୍ୟକ୍ଷ ଶ୍ରୀ ବିଜୟ କୁମାର ପ୍ରଧାନ, ହିନ୍ଦୀ ବିଭାଗାଧ୍ୟକ୍ଷ ଶ୍ରୀ ହେମନ୍ତ କୁମାର ଯାଦବ, ବିଜ୍ଞାନ ବିଭାଗାଧ୍ୟକ୍ଷ ତଥା ପରୀକ୍ଷା ନିୟନ୍ତ୍ରକ ଶ୍ରୀ ବିକ୍ରମ ଷଡ଼ଙ୍ଗୀ, ଏନ.ସି.ସି. ଶିକ୍ଷୟିତ୍ରୀ ରୋଶନୀ ସିଂହ, ବିଦ୍ୟାଳୟର ସମସ୍ତ ଶିକ୍ଷକ ଏବଂ ବହୁ ସଂଖ୍ୟକ ଛାତ୍ରଛାତ୍ରୀ ଉପସ୍ଥିତ ଥିଲେ । କାର୍ୟ୍ୟକ୍ରମ ଶେଷରେ ହିନ୍ଦୀ ବିଭାଗଧ୍ୟକ୍ଷ ଶ୍ରୀ ହେମନ୍ତ କୁମାର ଯାଦବ ଧନ୍ୟବାଦ ଅର୍ପଣ କରିଥିଲେ । ତତ୍ପଶ୍ଚାତ ଅତିଥି ଏବଂ ଛାତ୍ରଛାତ୍ରୀମାନଙ୍କ ମଧ୍ୟରେ ପ୍ରସାଦ ଏବଂ ମିଷ୍ଟାନ୍ନ ବଣ୍ଟନ ସହିତ ଏହି ଐତିହାସିକ ଜାତୀୟ ପର୍ବର ସଫଳ ଏବଂ ଭାବପୂର୍ଣ୍ଣ ସମାପନ ହୋଇଥିଲା ।