କନକ ବ୍ୟୁରୋ : ଇଂଲଣ୍ଡ ଗସ୍ତରେ ଭାରତୀୟ କ୍ରିକେଟ୍ ଦଳ ଆଘାତ ସମସ୍ୟାର ସମ୍ମୁଖୀନ ହେଉଛି । ଦଳର କିଛି ଷ୍ଟାର ଖେଳାଳି ଆହତ ହୋଇଛନ୍ତି । ବିସିସିଆଇ ଏକ ବିଜ୍ଞପ୍ତି ଜାରି କରି କହିଛି ,ବାମ ଆଣ୍ଠୁ ଆଘାତ ଯୋଗୁଁ ଅଲରାଉଣ୍ଡର ନୀତିଶ କୁମାର ରେଡ୍ଡୀଙ୍କୁ ବାକି ଦୁଇଟି ଟେଷ୍ଟ ମ୍ୟାଚରୁ ବାଦ ଦିଆଯାଇଛି । ବିସିସିଆଇ ଏହାର ବିଜ୍ଞପ୍ତିରେ ଆହୁରୀ କହିଛି, ଦ୍ରୁତ ବୋଲର ଅର୍ଶଦୀପ ସିଂହ ମାଞ୍ଚେଷ୍ଟରରେ ଇଂଲଣ୍ଡ ବିପକ୍ଷ ଚତୁର୍ଥ ଟେଷ୍ଟ ମ୍ୟାଚରୁ ବାଦ ପଡ଼ିଛନ୍ତି । ବେକେନହାମରେ ଏକ ତାଲିମ ଅଧିବେଶନ ସମୟରେ ନେଟ୍ସରେ ବୋଲିଂ କରୁଥିବା ସମୟରେ ଅର୍ଶଦୀପ ସିଂହଙ୍କ ବାମ ଆଙ୍ଗୁଠିରେ ଆଘାତ ଲାଗିଥିଲା ଡାହାଣହାତୀ ଦ୍ରୁତ ବୋଲର ଅଂଶୁଲ କାମ୍ବୋଜଙ୍କୁ ଦଳରେ ସାମିଲ କରିଛି ଟିମ୍ ଇଣ୍ଡିଆ । କାମ୍ବୋଜ ମାଞ୍ଚେଷ୍ଟରରେ ଭାରତୀୟ ଦଳରେ ଯୋଗ ଦେଇଛନ୍ତି । ତେବେ ଯଦି ଚୂଡ଼ାନ୍ତ ଏକାଦଶରେ ଅଂଶୁଲ କମ୍ୱୋଜଙ୍କୁ ସ୍ଥାନ ମିଳେ ତେବେ ସେ ଟେଷ୍ଟରେ ଡେବ୍ୟୁ କରିବେ । ଅଂଶୁଲ କମ୍ବୋଜ ହରିୟାଣା ପାଇଁ ଖେଳନ୍ତି । କମ୍ବୋଜ ଦ୍ରୁତ ବୋଲର ସହ ଅଲରାଉଣ୍ଡର ଭାବରେ ବେଶ୍ ଜଣାଶୁଣା