ସେମିଫାଇନାଲ ପୂର୍ବରୁ ଭାରତ ଖେଳିବ ଗୁରୁତ୍ୱପୂର୍ଣ୍ଣ ମ୍ୟାଚ୍ । ଏମିତି ହେବ ନିର୍ଣ୍ଣୟ ହେବ ୩ ଦଳର ଭାଗ୍ୟ ।

କନକ ବ୍ୟୁରୋ: ଚାମ୍ପିୟନ୍ସ ଟ୍ରଫି ୨୦୨୫ରେ ଭାରତ ଭଲ ଆରମ୍ଭ କରିଛି । ବାଂଲାଦେଶକୁ ପରାସ୍ତ କରିବା ପରେ, ପାକିସ୍ତାନକୁ ଧୂଳି ଚଟାଇଛି ଭାରତ । ଭାରତ ସେମିଫାଇନାଲ ଟିକେଟ୍ ନିଶ୍ଚିତ କରିଛି । ତେବେ ସେମିଫାଇନାଲ ପୂର୍ବରୁ, ଭାରତୀୟ ଦଳକୁ ଆଉ ଏକ ଗୁରୁତ୍ୱପୂର୍ଣ୍ଣ ମ୍ୟାଚ୍ ଖେଳିବାକୁ ପଡିବ, ଯାହା ସେମିଫାଇନାଲ ଖେଳିବାକୁ ଥିବା ଅନ୍ୟ ୩ ଦଳର ଭବିଷ୍ୟତ ଭାଗ୍ୟ ନିର୍ଣ୍ଣୟ କରିବ।

ଚାମ୍ପିୟନ୍ସ ଟ୍ରଫିରେ ଭାରତର ପରବର୍ତ୍ତୀ ମ୍ୟାଚ୍ ନ୍ୟୁଜିଲ୍ୟାଣ୍ଡ ସହିତ ଖେଳିବ । ଏହି ମ୍ୟାଚ୍‌ର ଫଳାଫଳ ଦ୍ୱାରା ଚାମ୍ପିୟନ୍ସ ଟ୍ରଫିର ଚୂଡ଼ାନ୍ତ ପଏଣ୍ଟ୍ ଟେବୁଲ ନିର୍ଣ୍ଣୟ ହେବ । ଗ୍ରୁପ୍ ବି’ର ସେମିଫାଇନାଲିଷ୍ଟ ଦଳଗୁଡ଼ିକର ମଧ୍ୟ ଏହି ମ୍ୟାଚ୍ ଉପରେ ନଜର ରହିବ, କାରଣ କେବଳ ଭାରତ କିମ୍ବା ନ୍ୟୁଜିଲ୍ୟାଣ୍ଡ ନୁହେଁ, ଗ୍ରୁପ୍ ବି’ର ସେମିଫାଇନାଲିଷ୍ଟ ଦଳଗୁଡ଼ିକର ଭାଗ୍ୟ ମଧ୍ୟ ସେମାନେ କାହା ସହିତ ଏବଂ କେଉଁଠି ସେମିଫାଇନାଲ୍ ଖେଳିବେ ତାହା ଦ୍ୱାରା ନିର୍ଣ୍ଣୟ ହେବ ।

ଭାରତ ଏବଂ ନ୍ୟୁଜିଲାଣ୍ଡ ମ୍ୟାଚ୍ ଫଳାଫଳ ଉପରେ ନଜର
ଭାରତ ବନାମ ନ୍ୟୁଜିଲାଣ୍ଡ ମ୍ୟାଚ୍ ମାର୍ଚ୍ଚ ୨ରେ ଦୁବାଇ ଅନ୍ତର୍ଜାତୀୟ କ୍ରିକେଟ ଷ୍ଟାଡିୟମରେ ଖେଳାଯିବ । ମ୍ୟାଚ୍ ଅପରାହ୍ନ ୨.୩୦ରେ ଆରମ୍ଭ ହେବ । ଟସ୍ ଅପରାହ୍ନ ୨ଟାରେ ହେବ । ଏହା ଗ୍ରୁପ୍ ପର୍ୟ୍ୟାୟର ଶେଷ ମ୍ୟାଚ୍ । ଏହି ମ୍ୟାଚ୍ ପରେ, ପ୍ରଥମ ଏବଂ ଦ୍ୱିତୀୟ ସେମିଫାଇନାଲ ଯଥାକ୍ରମେ ମାର୍ଚ୍ଚ ୪ ଏବଂ ୫ରେ ଖେଳାଯିବ । ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ଏହି ମ୍ୟାଚ୍ ସମସ୍ତ ଦଳର ଭାଗ୍ୟ ଏବଂ ପରବର୍ତ୍ତୀ ମ୍ୟାଚ୍ ସେଡ୍ୟୁଲ  ନିର୍ଣ୍ଣୟ କରିବ । ଏହି ମ୍ୟାଚ୍ ପୂର୍ବରୁ, ଗ୍ରୁପ୍ ବି’ର ଉଭୟ ସେମିଫାଇନାଲିଷ୍ଟ ଦଳ ମଧ୍ୟ ନିଶ୍ଚିତ ହୋଇଯିବେ । କିନ୍ତୁ ସେମାନେ କେଉଁ ଦଳ ସହିତ ସେମିଫାଇନାଲ ଖେଳିବେ ତାହା ହୁଏତ ସ୍ଥିର ହୋଇ ନଥାଇପାରେ । ଯଦି ଭାରତ ବିଜୟୀ ହୁଏ, ତେବେ ଏହା ଗ୍ରୁପ୍ ବି’ର ଦ୍ୱିତୀୟ ସ୍ଥାନରେ ଥିବା ଦଳ ସହିତ ସେମିଫାଇନାଲ ଖେଳିୱ । ଯଦି ପରାଜିତ ହୁଏ, ତେବେ ଗ୍ରୁପ୍ ଏ’ ଶୀର୍ଷ ଦଳ ସହିତ ମୁକାବିଲା କରିବାକୁ ପଡିବ । ଭାରତର ମ୍ୟାଚ୍ ମାର୍ଚ୍ଚ ୪ରେ ଦୁବାଇରେ ଖେଳାଯିୱ । ଯାହାର ଅର୍ଥ ହେଉଛି ଏହି ମ୍ୟାଚ୍ ପୂର୍ବରୁ ଏହା ଅସ୍ପଷ୍ଟ ଯେ, ସେମିଫାଇନାଲ ପାଇଁ ଦୁବାଇରେ ଭାରତ ସହ କେଉଁ ଦଳ ଖେଳିବ । 

ଗଦ୍ଦାଫି ଷ୍ଟାଡିୟମରେ ଚାମ୍ପିୟନ୍ସ ଟ୍ରଫିର ଦ୍ୱିତୀୟ ସେମିଫାଇନାଲ  ଖେଳାଯିବ । ଚାମ୍ପିଅନ୍ସ ଟ୍ରଫିର ଦ୍ୱିତୀୟ ସେମିଫାଇନାଲ ଲାହୋରର ଗଦ୍ଦାଫି ଷ୍ଟାଡିୟମରେ ଖେଳାଯିବ । ଏହାର ଗୋଟିଏ ଦଳ କିଏ ତାହା ଭାରତ ଓ ନ୍ୟୁଜିଲ୍ୟାଣ୍ଡ ମ୍ୟାଚ୍ ପରେ ହିଁ ସ୍ପଷ୍ଟ ହେବ ।