କନକ ବ୍ୟୁରୋ: କୋଲକାତାର ଇର୍ଡେନ୍ ଗାର୍ଡେନରେ ଭାରତର ଲଜ୍ଜାଜନକ ଟେଷ୍ଟ ପରାଜୟ । ଦକ୍ଷିଣ ଆଫ୍ରିକାଠାରୁ ପ୍ରଥମ ଟେଷ୍ଟ ହାରିଲା ଭାରତ । ନିଜ ଦ୍ୱିତୀୟ ଇଂନିସରେ ଭାରତୀୟ ଦଳ ଅତି ଖରାପ ବ୍ୟାଟିଂ କରିବା ସହିତ ମାତ୍ର ୯୩ ରନରେ ଅଲଆଉଟ୍ ହୋଇଛି । ଆଉ ଏହି ମ୍ୟାଚକୁ ୩୦ ରନରେ ଜିତିନେଇଛି ଦକ୍ଷିଣ ଆଫ୍ରିକା ଦଳ ।

Advertisment

ତେବେ ଏହି ମ୍ୟାଚରେ ପ୍ରଥମେ ଟସ୍ ଜିତି ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା ଦକ୍ଷିଣ ଆଫ୍ରିକା ଦଳ । ଆଉ ନିଜର ପ୍ରଥମ ଇଂନିସରେ ମାତ୍ର ୧୫୯ ରନ୍ କରିବାକୁ ସକ୍ଷମ ହେଇଥିଲା । ଜବାବରେ ଭାରତୀୟ ଦଳ ବ୍ୟାଟିଂ କରି ପ୍ରଥମ ଇଂନିସରେ ୧୮୯ ରନ୍ କରି ୩୦ ରନ୍ ଲିଡ୍ ନେଇଥିଲା । ହେଲେ ଦ୍ୱିତୀୟ ଇଂନିସରେ ଦକ୍ଷିଣ ଆଫ୍ରିକା ଦଳ ୧୫୩ ରନ୍ କରିଥିବାବେଳେ, ଭାରତୀୟ ଦଳ ମାତ୍ର ୯୩ ରନରେ ଅଲଆଉଟ୍ ହୋଇଯାଇଥିଲା । ଦକ୍ଷିଣ ଆଫ୍ରିକା ଦଳ ତରଫରୁ ଦୁଇ ବେଲାର ମାର୍କୋ ୟାନସନ୍ ଆଉ ହାର୍ମର ଜବରଦସ୍ତ ବୋଲିଂ କରିବା ସହିତ ଉଭୟ ମିଶି ୭ ଓ୍ୱିକେଟ୍ ନେଇଥିଲେ ।

ଇର୍ଡେନ୍ ଗାର୍ଡେନରେ ଏହି ବିଜୟ ସହିତ ଦକ୍ଷିଣ ଆଫ୍ରିକା ଟିମ୍ ସିରିଜରେ ଏବେ ୧-୦ରେ ଆଗୁଆ ହୋଇଛି । ଦ୍ୱିତୀୟ ଟେଷ୍ଟ ଗୌହାଟୀରେ ଖେଳାଯିବାକୁ ଥିବାବେଳେ, ଭାରତ ସିରିଜ୍ ଡ୍ର କରିବାକୁ ଏହି ମ୍ୟାଚ୍ ଖେଳିବ । 

news