କନକ ବ୍ୟୁରୋ : ଅଣ୍ଡର-୧୯ ବିଶ୍ୱକପ୍ ୨୦୨୬ର ଟାଇଟଲ୍ ହାସଲ କରିଛି ଭାରତ। ଫାଇନାଲ ମ୍ୟାଚରେ ଟିମ୍ ଇଣ୍ଡିଆ ଇଂଲଣ୍ଡକୁ ୧୦୦ ରନରେ ପରାସ୍ତ କରିଛି। ଏହାକୁ ମିଶାଇ ଭାରତ ଷଷ୍ଠ ଥର ପାଇଁ ଅଣ୍ଡର-୧୯ ସ୍ତରରେ ବିଶ୍ୱ ବିଜେତା ହୋଇଛି । ବୈଭବ ସୂର୍ଯ୍ୟବଂଶୀଙ୍କ ୧୭୫ ରନର ବିସ୍ଫୋରକ ପାଳି ଏବଂ ବୋଲରଙ୍କ ଦମଦାର ପ୍ରଦର୍ଶନ ଭାରତକୁ ଏହି ଐତିହାସିକ ବିଜୟ ଦେଇଛି । ଇଂଲଣ୍ଡ ପାଖରେ ୨୮ ବର୍ଷର ଟ୍ରଫି ଅପେକ୍ଷାର ଅନ୍ତ ଘଟାଇବାର ସୁଯୋଗ ଥିଲା, କିନ୍ତୁ ଦଳ ଭାରତୀୟ ଚ୍ୟାଲେଞ୍ଜକୁ ଭେଦ କରିବାରେ ବିଫଳ ହୋଇଛି ।

Advertisment

ଏହା ବି ପଢ଼ନ୍ତୁ: ଗୋଟିଏ ମ୍ୟାଚ, ଏକାଧିକ ରେକର୍ଡ: ଇତିହାସ ରଚିଲେ ସୂର୍ଯ୍ୟବଂଶୀ


ଜିମ୍ବାୱେର ରାଜଧାନୀ ହରାରେରେ ଖେଳାଯାଇଥିବା ଏହି ଫାଇନାଲ ମ୍ୟାଚରେ ଭାରତ ପ୍ରଥମେ ବ୍ୟାଟିଂ କରି ୪୧୧ ରନର ବିଶାଳ ସ୍କୋର ଠିଆ କରିଥିଲା । ଅଣ୍ଡର-୧୯ ବିଶ୍ୱକପ୍ ଫାଇନାଲ ଇତିହାସରେ କୌଣସି ଦଳ ଦ୍ୱାରା କରାଯାଇଥିବା ଏହା ସର୍ବାଧିକ ସ୍କୋର । ବୈଭବ ସୂର୍ଯ୍ୟବଂଶୀ ମାତ୍ର ୮୦ ବଲରୁ ୧୭୫ ରନର ଇନିଂସ ଖେଳିଥିଲେ, ଯେଉଁଥିରେ ୧୫ଟି ଚୌକା ଓ ୧୫ଟି ଛକା ସାମିଲ ଥିଲା । ଏହାର ଜବାବରେ ଇଂଲଣ୍ଡ ଦଳ ୩୧୧ ରନ କରିବାକୁ ହିଁ ସକ୍ଷମ ହୋଇଥିଲା । ଇଂଲଣ୍ଡ ୧୭୭ ରନରେ ୭ଟି ୱିକେଟ୍ ହରାଇ ସାରିଥିଲା, କିନ୍ତୁ କେଲେବ୍ ଫଲ୍କନର୍ ଏକ ସଂଘର୍ଷପୂର୍ଣ୍ଣ ଶତକୀୟ ପାଳି ଖେଳି ଦଳକୁ ବିଜୟ ଦ୍ୱାରଦେଶକୁ ନେବାକୁ ଚେଷ୍ଟା କରିଥିଲେ । ସେ ୬୭ ବଲରେ ୧୧୫ ରନର ଚମତ୍କାର ପାଳି ଖେଳିଥିଲେ ସୁଦ୍ଧା ଇଂଲଣ୍ଡର ଟ୍ରଫି ମରୁଡ଼ିକୁ ଶେଷ କରିପାରିନଥିଲେ ।

ଭାରତ ଷଷ୍ଠ ଥର ପାଇଁ ଚାମ୍ପିଅନ
ଭାରତୀୟ ଦଳ ସର୍ବାଧିକ ଥର ଅଣ୍ଡର-୧୯ ବିଶ୍ୱକପ୍ ଜିତିବାର ନିଜ ରେକର୍ଡକୁ ଆହୁରି ଉନ୍ନତ କରିଛି । ଭାରତ ଏବେ ଷଷ୍ଠ ଥର ପାଇଁ ବିଶ୍ୱବିଜେତା ହୋଇଥିବା ବେଳେ ଏହି ତାଲିକାରେ ଦ୍ୱିତୀୟ ସ୍ଥାନରେ ରହିଛି ଅଷ୍ଟ୍ରେଲିଆ (୪ ଥର) । ଭାରତ ପୂର୍ବରୁ ୨୦୦୦, ୨୦୦୮, ୨୦୧୨, ୨୦୧୮ ଏବଂ ୨୦୨୨ରେ ମଧ୍ୟ ବିଶ୍ୱକପ୍ ଟାଇଟଲ୍ ଜିତିସାରିଛି । ଆୟୁଷ ମହାତ୍ରେଙ୍କ ନାମ ଇତିହାସର ଏକ ସ୍ୱତନ୍ତ୍ର ସ୍ଥାନ ହାସଲ କରିଛି, କାରଣ ତାଙ୍କରି ଅଧିନାୟକତ୍ୱରେ ଭାରତ ଏହି ଐତିହାସିକ ବିଜୟ ପାଇଛି ।

ବୈଭବ ସୂର୍ଯ୍ୟବଂଶୀ ସାଜିଲେ ବିଜୟର ହିରୋ
ଭାରତର ଏହି ବିଶ୍ୱକପ୍ ବିଜୟର ମୂଳଦୁଆ ପକାଇଥିଲେ ବୈଭବ ସୂର୍ଯ୍ୟବଂଶୀ । ସେ ଏହି ମ୍ୟାଚରେ ମାତ୍ର ୫୫ ବଲରେ ଶତକ ପୂରଣ କରିଥିଲେ, ଯାହା ଅଣ୍ଡର-୧୯ ବିଶ୍ୱକପ୍ ଫାଇନାଲ ଇତିହାସରେ କୌଣସି ଖେଳାଳିଙ୍କ ଦ୍ୱାରା ଦ୍ରୁତତମ ଶତକ । ଏହାପରେ ସେ ୭୧ ବଲରେ ୧୫୦ ରନ୍ ସୀମା ଅତିକ୍ରମ କରିଥିଲେ । ଫାଇନାଲ ମ୍ୟାଚରେ ବୈଭବଙ୍କ ୮୦ ବଲରେ ୧୭୫ ରନର ଧୁଆଁଧାର ପାଳି ହିଁ ମ୍ୟାଚରେ ଏକ ବଡ଼ ବ୍ୟବଧାନ ସୃଷ୍ଟି କରିଥିଲା ।