ୟୁପି ଷ୍ଟାଇଲରେ ସାଇଲେନ୍ସର ଉପରେ ମାଡ଼ିଗଲା ରୋଲର, ୧୦୦ରୁ ଅଧିକ ବାଇକ ଜବତ କରି ରୋଲର ଚଢାଇଦେଲା ଭଦ୍ରକ ପୁଲିସ

କନକ ବ୍ୟୁରୋ : ୟୁପି ଷ୍ଟାଇଲରେ ସାଇଲେନ୍ସର ଉପରେ ଚଢ଼ିଲା ରୋଲର । ଭଦ୍ରକ ସହରରେ ବିକଟାଳ ଶବ୍ଦ କରି ଆତଙ୍କ କରୁଥିବା ବାଇକ ଚାଳକଙ୍କ ମଧ୍ୟରେ   ସଚେତନତା ସୃଷ୍ଟି କରିବା ପାଇଁ ଭଦ୍ରକ ଟାଉନ ପୋଲିସ ଏଭଳି ଅଭିନବ ପ୍ରୟାସ ଆରମ୍ଭ କରିଛି । ବାଇକ ରେ ଅପ୍ରକୃତିକ ସାଇଲେନ୍ସର ଲଗାଇ ସାଧାରଣ ଲୋକଙ୍କୁ ଆତଙ୍କ ଓ ଭୟଭୀତ କରୁଥିଲେ ବାଇକ ଚାଳକ । ଭଦ୍ରକ ଏସପି ମନୋଜ ରାଉତଙ୍କ ନିର୍ଦ୍ଦେଶରେ ଟାଉନ ପୋଲିସ ଶହେରୁ ଉର୍ଦ୍ଧ ବାଇକ ଜବତ କରି ବାଇକରୁ ସାଇଲେନ୍ସର କାଢି ୟୁପି ଷ୍ଟାଇଲରେ ରୋଲର ଚଢାଇ ନଷ୍ଟ କରିଛି ।