ଏମିତି ଡାକ୍ତରଙ୍କ କଥାରେ : ଅଧା ରୋଗ ଭଲ ହୋଇଯିବ

କନକ ବ୍ୟୁରୋ : ସେବା ଯଦି ନିଃସ୍ବାର୍ଥ ହୁଏ ତାହେଲେ ତାହା ବାସ ହୋଇ ଚାରିଆଡ଼କୁ ଚହଟେ । ସେ ବାସ ପାଇ ଲୋକ ଛୁଟିଆସନ୍ତି  ।  ସେ ନିସ୍ବାର୍ଥରେ ସୁସ୍ଥ ବି ହୁଅନ୍ତି  ।  ଆଉ ସେବା ଯୋଗାଉଥିବା ଡାକ୍ତର ଜଣକ ଭଗବାନଙ୍କ ଅବତାର ପାଲଟିଯାଆନ୍ତି  ।  ଏଭଳି ଜଣେ ଡାକ୍ତର ହେଉଛନ୍ତି ମୟୂରଭଞ୍ଜ ଗୋପବନ୍ଧୁନଗର ପୁରୁଣା ବାରିପଦା ଗାଁର ଡାକ୍ତର ହରିଶ ଚୌଧୁରୀ  । 
ତାଙ୍କ ପାଇଁ ପେସା କେବଳ ପେସା କି ଅର୍ଥ ରୋଜଗାର କରିବାର ବାଟ ନୁହେଁ ବରଂ ନିଶା , ଆଉ ସେବାର ବ୍ରତ ।  ତାଙ୍କ ପାଇଁ ଡାକ୍ତରୀର ସଂଜ୍ଞା ହେଉଛି କେବଳ ସେବା , ମାନବିକତାର ମାନଦଣ୍ଡ, ପରୋପକାରର ସ୍ବାକ୍ଷର  ।   ତାଙ୍କ ପାଇଁ ଲୋକଙ୍କ ମୁହଁରେ ଟିକେ ହସ ଫୁଟାଇବା ସବୁଠୁ ବଡ଼ କର୍ମ । ଲୋକଙ୍କ ଆଶୀର୍ବାଦ ତାଙ୍କର ସବୁଠୁ ବଡ଼ ସଫଳତା  ।  

ଚିନ୍ତା ବଢ଼ାଇଲାଣି ବାୟୁ ପ୍ରଦୂଷଣ : ଦେଶର ପ୍ରଦୂଷିତ ସହର ତାଲିକା ଶୀର୍ଷରେ ତାଳଚେର

ପୁରୁଣା ବାରିପଦା ଗାଁର  ବିଷ୍ଣୁପ୍ରିୟା ସେବା ସଦନ  ।  ଯେଉଁଠି ଚାଲିଛି ମାଗଣା ରୋଗୀ ସେବା ।  ଡାକ୍ତର ହରିଶ ଚୌଧୁରୀ ଭୁବନେଶ୍ୱରର ଏକ ଘରୋଇ ମେଡିକାଲରେ ଡାକ୍ତର ଭାବେ କାର୍ଯ୍ୟରତ । ହେଲେ ରାଜଧାନୀର ଚାକଚକ୍ୟ ତାଙ୍କୁ ଗାଁଠୁ ଦୂରେଇପାରିନି । ଏଥିପାଇଁ ତ ସେ ପ୍ରତି ମାସର  ଦ୍ଵିତୀୟ ସପ୍ତାହର ଶନିବାର ଗ୍ରାମ ପୁରୁଣା ବାରିପଦା ସ୍ଥିତ ନିଜ ଘରକୁ ଆସନ୍ତି ।  ଦିନ ରୋଗୀ ଦେଖନ୍ତି । ହେଲେ ରୋଗୀଙ୍କ ଠାରୁ ଟଙ୍କାଟେ ବି ନିଅନ୍ତିନି ।   ତାଙ୍କର ଉତ୍ତମ ବ୍ୟବହାର, ହସ ହସ ମୁହଁ ସାଙ୍ଗକୁ  ଉଚିତ ସେବା ଯୋଗାଇ ଦେଉଥିବାରୁ ରୋଗୀ ନିଃ ସଙ୍କୋଚରେ ନିଜ ସମସ୍ୟା କୁହନ୍ତି ।   ଡାକ୍ତର ଚୌଧୁରୀଙ୍କ କହିବା କଥା, ଡାକ୍ତର ଚିକିତ୍ସା ଅପେକ୍ଷା , ଡାକ୍ତର ପଦେ କଥା ଅଧା ରୋଗ ଭଲ କରିଦେବ। ଚିକିତ୍ସା ସହ ଉଚିତ ବ୍ୟବହାର ବି ନିହାତି ଜରୁରି  ।

ଚିନ୍ତା ବଢ଼ାଇଲାଣି ବାୟୁ ପ୍ରଦୂଷଣ : ଦେଶର ପ୍ରଦୂଷିତ ସହର ତାଲିକା ଶୀର୍ଷରେ ତାଳଚେର

ମାସର  ଦ୍ବିତୀୟ ଶନିବାର ହେଲେ ଡାକ୍ତର ଚୌଧୁରୀଙ୍କ ଘର ପାଖରେ  ଲୋକଙ୍କ ଭିଡ଼ ଜମେ ।  ଖାଲି ଚିକତ୍ସା ପାଇଁ ନୂହେଁ ବରଂ ତାଙ୍କ ବ୍ୟବହାର କଥା ଶୁଣି  ଉଦଳା, କପ୍ତିପଦା , ଖୁଣ୍ଟା, ବାଲେଶ୍ୱର, ବାରିପଦା ସମେତ ବିଭିନ୍ନ ଅଂଚଳରୁ ରୋଗୀମାନେ ଆସନ୍ତି  ।  ଆଉ ମାଗଣାରେ ଚିକିତ୍ସିତ ହୋଇ ଫେରିଥାନ୍ତି ।  ଦୀର୍ଘ ବର୍ଷ ହେବ ସେ ଏପରି ରୋଗୀ ସେଵା କରି ଆସୁଥିବା ବେଳେ ଟଙ୍କା ଠାରୁ ସେବା ଯେ ଜୀବନରେ ଜରୁରୀ, ସେବା ହିଁ ମଣିଷ ର ଅସଲ ପରିଚୟ ବୋଲି କୁହନ୍ତି ଡାକ୍ତର ଚୌଧୁରୀ  । 
ସତରେ ଆମ ରାଜ୍ୟରେ ଡାକ୍ତର ରାମଚନ୍ଦାନୀ ଏବଂ ଡାକ୍ତର ଚୌଧୁରୀଙ୍କ ଭଳି ସହୃଦୟ ଡାକ୍ତର ରହିଲେ, ରୋଗୀ ସେବାରେ କିଛି ସମସ୍ୟା ହୁଅନ୍ତୋନି କି ଡାକ୍ତରଙ୍କୁ ନେଇ ରୋଗୀଙ୍କ ଭିତରେ ଅସନ୍ତୋଷ ବି ରୁହନ୍ତାନି  ।