ସଇତାନକୁ ୫୫ ଦିନରେ ଦଣ୍ଡ

କନକ ବ୍ୟୁରୋ : ଐତିହାସିକ ରାୟ ଦେଇଛନ୍ତି ଝାରସୁଗୁଡ଼ା ସ୍ୱତନ୍ତ୍ର ପକ୍ସୋ କୋର୍ଟ । ବ୍ରଜରାଜନଗର ଥାନା ଅଞ୍ଚଳରେ ଦୁଇ ନାବାଳକକୁ ଦୁଷ୍କର୍ମ ମାମଲାର ଦୋଷୀ ଅଜିତ ନାଗକୁ ମିଳିଛି ଦଣ୍ଡ । ମାମଲାର ଶୁଣାଣି କରି ଦୋଷୀକୁ ୨୫ ବର୍ଷ ସଶ୍ରମ ଜେଲ୍ ଦଣ୍ଡ ଓ ୧୦ ହଜାର ଟଙ୍କା ଜରିମାନା କରିଛନ୍ତି ଅତିରିକ୍ତ ଜିଲ୍ଲା ଦୌରାଜଜ୍ । ଜରିମାନା ଅନାଦେୟ ହେଲେ ଅଧିକ ଜେଲଦଣ୍ଡ ଭୋଗିବ ସୈତାନ । ଏଥିସହ ବିଚାରପତି ପୂଜା ପଣ୍ଡା ଦୁଇ ପୀଡ଼ିତ ନାବାଳକଙ୍କୁ ୮ ଲକ୍ଷ ଟଙ୍କା ଲେଖାଏଁ କ୍ଷତିପୂରଣ ଯୋଗାଇବା ପାଇଁ ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି । ନାବାଳକଙ୍କୁ ଅପ୍ରାକୃତିକ ଯୌନ ନିର୍ୟାତନା ମାମଲାରେ ୨୭ ଜଣ ସାକ୍ଷୀ ଓ ୬୨ଟି ଦସ୍ତାବିଜ ଆଧାରରେ ଦଣ୍ଡାଦେଶ ଶୁଣାଇଛନ୍ତି ପକ୍ସୋ କୋର୍ଟ ।
ବାଇଟ୧: ପୃଥ୍ବୀରାଜ ସିଂହଦେଓ, ସରକାରୀ ଓକିଲ, ପକ୍ସୋ କୋର୍ଟ

Advertisment

ମାର୍ଚ୍ଚ ୨୩ ତାରିଖରେ ବ୍ରଜରାଜନଗର ଥାନାକୁ ଅଭିଯୋଗ ଆସିଲା ଗୋଟିଏ ପରିବାରର ଦୁଇ ନାବାଳକଙ୍କୁ ଯୌନ ନିର୍ୟାତନା ଦେଇଛି ସୈତାନ ଅଜିତ ନାଗ । ମାର୍ଚ୍ଚ ୨୧ରେ ନାବାଳକକୁ ବାଇକରେ ବୁଲାଇ, ନିଛାଟିଆ ସ୍ଥାନରେ ଅପ୍ରାକୃତିକ ଯୌନ ସଂପର୍କ ରଖିଥିଲା ଅଭିଯୁକ୍ତ । ପୂର୍ବରୁ ନାବାଳକର ଭାଇକୁ ମଧ୍ୟ ଦୁଷ୍କର୍ମ କରିଥିବା ଜାଣିବା ପରେ ଥାନାର ଦ୍ୱାରସ୍ଥ ହୋଇଥିଲେ ପରିବାର ।

ସୈତାନ କରିଥିଲା ଷଡ଼ଯନ୍ତ୍ର
ମାର୍ଚ୍ଚ ୨୩ ତାରିଖରେ ଏତଲା ଦେଇଥିଲେ ନାବାଳକର ବାପା
ଘଟଣାସ୍ଥଳରୁ ସିମେନ୍ସ ଲାଗିଥିବା ରୁମାଲ ଜବତ କଲା ପୁଲିସ
ସିମେନ୍ସ ସହ ଅଭିଯୁକ୍ତର ଡିଏନଏ ମିଶିଥିଲା
ମାର୍ଚ୍ଚ ୨୭ରେ ଅଭିଯୁକ୍ତକୁ ବାନ୍ଧିଲା ବ୍ରଜରାଜନଗର ପୁଲିସ
ଗିରଫର ୧୧ ଦିନରେ କୋର୍ଟରେ ଚାର୍ଜସିଟ୍ ଦାଖଲ
ଏପ୍ରିଲ ୧୯ରୁ ଶୁଣାଣି ଆରମ୍ଭ, ମେ’ ୧୪ରେ ଶୁଣାଣି ଶେଷ
ଅଭିଯୋଗର ଗୁରୁତ୍ୱ ବୁଝି କୋର୍ଟ ଦ୍ରୁତ ଶୁଣାଣି କରି ଆଜି ଦଣ୍ଡାଦେଶ ଶୁଣାଇଛନ୍ତି ।

ଦୁଇ ନାବାଳକଙ୍କୁ ଦୁଷ୍କର୍ମ ମାମଲା ଭଳି ଅନେକ ମାମଲା ଆଗକୁ ଫାଷ୍ଟ ଟ୍ରାକ କୋର୍ଟରେ ପକାଯିବ ଓ ଦୋଷୀକୁ ତୁରନ୍ତ ଦଣ୍ଡ ଦେବାର ସମସ୍ତ ବ୍ୟବସ୍ଥା ଗ୍ରହଣ କରାଯିବ ବୋଲି ଝାରସୁଗୁଡ଼ା ଏସପି କହିଛନ୍ତି ।