ବଲିଉଡରେ ଓଡିଆ ପୁଅଙ୍କ କମାଲ :ସହ ନିର୍ଦ୍ଦେଶକ ଭାବେ କାମ କରି ଚର୍ଚ୍ଚାରେ ରାଜ କିଶୋର

କନକବ୍ୟୁରୋ : ବଲିଉଡ ଫିଲ୍ମ ଭୁଲଭୁଲୈୟା-ଥ୍ରୀରେ ଓଡ଼ିଆ ପୁଅଙ୍କ କମାଲ । ଆସିଷ୍ଟାଣ୍ଟ ଡିରେକ୍ଟର ବା ସହ ନିର୍ଦ୍ଦେଶକ ଭାବେ କାମ କରି ଚର୍ଚ୍ଚାରେ ରାଜ କିଶୋର ହୋତା । ସୋନପୁର ଜିଲ୍ଲାର ରାଜ କିଶୋର ଅନେକ ଦିନ ଧରି ବଲିଉଡ ଇଣ୍ଡଷ୍ଟ୍ରିରେ କାମ କରି ଆସୁଛନ୍ତି । ପୂର୍ବରୁ ଅନେକ ସିନେମାରେ ନିଜ ପାରଦର୍ଶିତା ଦେଖାଇଛନ୍ତି ରାଜ କିଶୋର ।

ଆଇ ଆମ କଲାମ, କୌନ କିତନେ ପାନି ମେ, ଡ୍ରିମ ଗାର୍ଲ-୨ ଭଳି ସିନେମାରେ ଆସିଷ୍ଟାଣ୍ଟ ଡିରେକ୍ଟର ଭାବେ କାମ କରିଛନ୍ତି । କେବଳ ସେତିକି ନୁହେଁ ଓଡ଼ିଶାର କାହାଣୀ ଦ ମାଉଣ୍ଟନ ହକି ସିନେମାର ପ୍ରଯୋଜନା ଦାୟିତ୍ବ ମଧ୍ୟ ତୁଲାଇଛନ୍ତି ରାଜ କିଶୋର । ହେଲେ ଏବେ ନିଜ ଫିଲ୍ମ ଭୁଲଭୂଲେୟା-ଥ୍ରୀକୁ ନେଇ ଏବେ ବେଶ ଉତ୍ସାହିତ ଅଛନ୍ତି । ଫ୍ରାଇଡେ ରିଲିଜରେ ମୁକ୍ତିଲାଭ କରିଚି ତାଙ୍କ ସିନେମା ଭୁଲଭୂଲେୟା-ଥ୍ରୀ ।