ନର୍ସିଂ କର୍ମଚାରୀଙ୍କ ଆନ୍ଦୋଳନକୁ ନେଇ ଲୋକସେବା ଭବନରେ ଗୁରୁତ୍ୱପୂର୍ଣ୍ଣ ବୈଠକ: ସ୍ଵାସ୍ଥ୍ୟ ନିର୍ଦ୍ଦେଶକଙ୍କ ସମେତ ଓଡ଼ିଶା ନର୍ସିଂ କର୍ମଚାରୀ ସଂଘ ପ୍ରତିନିଧି ସାମିଲ

କନକ ବ୍ୟୁରୋ: ନର୍ସିଂ କର୍ମଚାରୀଙ୍କ ଆନ୍ଦୋଳନକୁ ନେଇ ଲୋକସେବା ଭବନରେ ଗୁରୁତ୍ୱପୂର୍ଣ୍ଣ ବୈଠକ । ସ୍ୱାସ୍ଥ୍ୟ ସଚିବ ଏସ. ଅଶ୍ୱଥିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ଉପସ୍ଥିତ ଥିଲେ ନର୍ସିଂ ନିର୍ଦେଶକ, ସ୍ଵାସ୍ଥ୍ୟ ନିର୍ଦ୍ଦେଶକଙ୍କ ସମେତ ଓଡ଼ିଶା ନର୍ସିଂ କର୍ମଚାରୀ ସଂଘ ପ୍ରତିନିଧି । ଆଲୋଚନା ସକାରାତ୍ମକ ରହିଛି, ଧର୍ମଘଟ ପ୍ରତ୍ୟାହାର ପାଇଁ ନର୍ସିଂ ସଂଘକୁ ଅନୁରୋଧ କରିଛନ୍ତି ସ୍ଵାସ୍ଥ୍ୟ ସଚିବ । ସନ୍ଧ୍ୟା ସୁଦ୍ଧା ନର୍ସିଂ ଧର୍ମଘଟ ସମ୍ପର୍କରେ ଆସିବ ଚୂଡ଼ାନ୍ତ ନିଷ୍ପତ୍ତି । ସରକାରଙ୍କ ଏସମା ଚେତାବନୀ ସତ୍ବେ ଜିଦ୍‌ରେ ଅଟଳ ଅଛନ୍ତି ନର୍ସିଂ କର୍ମଚାରୀ। ରାଜ୍ୟବ୍ୟାପୀ ଓଡ଼ିଶା ନର୍ସିଂ କର୍ମଚାରୀ ସଂଘର କାର୍ୟ୍ୟବନ୍ଦ ଆନ୍ଦୋଳନ କରିଛନ୍ତି। ଜରୁରୀକାଳୀନ ରୋଗୀ ସେବାରେ କୌଣସି ବାଧା ସୃଷ୍ଟି ନକରି ଆନ୍ଦୋଳନକୁ ଓହ୍ଲାଇଛନ୍ତି ନର୍ସିଂ କର୍ମଚାରୀ ସଂଘ।