ପରମ୍ପରା ଓ ସଂସ୍କୃତିକୁ ଗୁରୁତ୍ୱ ; ସମ୍ବାଦ ଡିଜିଟାଲ ପକ୍ଷରୁ ବୋଇତ ବନ୍ଦାଣ ଉତ୍ସବ ପାଳନ

କନକ ବ୍ୟୁରୋ : ପବିତ୍ର କାର୍ତ୍ତିକ ପୂର୍ଣ୍ଣିମାରେ ସମ୍ବାଦ ଡିଜିଟାଲ ପକ୍ଷରୁ ବୋଇତ ବନ୍ଦାଣ ଉତ୍ସବ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ସମ୍ବାଦ ଗ୍ରୁପ ଅଧ୍ୟକ୍ଷ ସୌମ୍ୟ ରଂଜନ ପଟ୍ଟନାୟକ ଯୋଗ ଦେଇ ଆଜିର ପୁଣ୍ୟ ତିଥିରେ ବୋଇତ ବନ୍ଦାଇଛନ୍ତି । ସମ୍ବାଦ ଗ୍ରୁପ ପରିଚାଳନା ନିର୍ଦ୍ଦେଶିକା ମୋନିକା ନାୟର ପଟ୍ଟନାୟକ, ସିଓଓ କମଳାକାନ୍ତ ମହାପାତ୍ର, ବାର୍ତ୍ତା ସଂପାଦକ ଭବାନୀ ଶଙ୍କର ତ୍ରିପାଠୀ, ସମ୍ବାଦ ଡିଜିଟାଲ ମୁଖ୍ୟ ଲିଙ୍ଗରାଜ ଲେଙ୍କା, ସମ୍ପାଦକ ଆମ ଓଡ଼ିଶା ଅରବିନ୍ଦ ଦାସ , ସେଲ୍ସ ଆଣ୍ଡ ମାର୍କେଟିଂ ମହାପ୍ରବନ୍ଧକ ସଞ୍ଜୟ ଗୋର୍, ସମ୍ବାଦ ଡିଜିଟାଲ ସେଲସ ଆଣ୍ଡ ମାର୍କେଟିଂ ଡିଜିଏମ ସୁଶାନ୍ତ ମହାପାତ୍ର ଓ ସମ୍ବାଦ ଡିଜିଟାଲ ଅପରେସନ ମୁଖ୍ୟ ସୌମ୍ୟ ସୁମନ ସ୍ୱାଇଁ ପ୍ରମୁଖ ସାମିଲ ହୋଇଥିଲେ ।

ଆଜିର ସହରୀ ସମାଜରେ ଆମେ ଆମ ପରମ୍ପରା ଓ ସଂସ୍କୃତିକୁ ଭୁଲି ଯାଉଛେ । ଆଗଭଳି ଆମେ ବୋଇତ ବନ୍ଦାଣ ଉତ୍ସବ କରୁନେ । ଆମ ପିଲା ମାନେ ବୋଇତ ବନ୍ଦାଣ ବିଷୟରେ ବେଶି ଜାଣନ୍ତି ନାହିଁ । ସମ୍ବାଦ ଡିଜିଟାଲର ଏହି ପ୍ରୟାସ ମୋତେ ସପ୍ରାଇଜ କରିଛି ବୋଲି କହିଛନ୍ତି ସମ୍ବାଦ ଗ୍ରୁପ ଅଧ୍ୟକ୍ଷ ସୌମ୍ୟ ରଂଜନ ପଟ୍ଟନାୟକ ।