କେନ୍ଦୁଝର ହାଟଡିହିରେ ବେଆଇନ ବାଲି ପରିବହନ ବେଳେ ମାଡିବସିଲା ପୁଲିସ, ୩ ହାଇୱା ସହ ଗୋଟିଏ ଟିପ୍ପର ଜବତ

କନକ ବ୍ୟୁରୋ :   ବେଆଇନ ବାଲି ପରିବହନ ସମୟରେ ମାଡିବସିଲା ପୁଲିସ ।  ୩ଟି ବାଲି ବୋଝେଇ ହାଇୱା ଓ ଗୋଟିଏ ଟିପର ଜବତ ହୋଇଛି । ଚାଳକମାନଙ୍କୁ ଅଟକ ରଖିଛି ନନ୍ଦିପଦା ପୁଲିସ  । ବର୍ଷାଋତୁକୁ ଲକ୍ଷ୍ୟ ରଖି କେନ୍ଦୁଝର ଜିଲ୍ଲାରେ ପ୍ରଶାସନ ତରଫରୁ ଅକ୍ଟୋବର ୧୫ ତାରିଖ ପର୍ଯ୍ୟନ୍ତ  ବାଲି ପରିବହନ ସମ୍ପୂର୍ଣ୍ଣ ବନ୍ଦ କରାଯାଇଛି ।  ହେଲେ ବୈତରଣୀ ଅବବାହିକାର  ହାଟଡିହି ବ୍ଲକ୍ ଅଞ୍ଚଳରେ ଥିବା ବାଲିଘାଟ ଲିଜଧାରୀ ମାନେ ଏହାକୁ ମାନୁନାହାଁନ୍ତି । ଯାହାର ସ୍ପଷ୍ଟ ପ୍ରମାଣ ଆଜିର ଏହି ବଡବଡ ଗାଡିରେ ବାଲି ଚାଲାଣ ହେଉଥିବା ଘଟଣାରୁ ମିଳିଛି । ଆଜି ଭୋର୍ ସମୟରେ  ବାଲି ବୋଝେଇ କରି ଗାଡିଗୁଡିକ ରାସ୍ତାରେ ଯାଉଥିବାବେଳେ ନନ୍ଦିପଦା ପୁଲିସର ପେଟ୍ରୋଲିଂ ଟିମ୍ ହାତରେ ଧରାପଡିଛି । ସବୁ ଗାଡିର ଡ୍ରାଇଭରଙ୍କୁ ଅଟକରଖି ଅଧିକ ତଦନ୍ତ ଚଳାଇଛି ପୁଲିସ ।