ମାଳ ମାଳ ଚୋରା ବନ୍ଧୁକ

କନକ ବ୍ୟୁରୋ: ପିସ୍ତଲ, ରିଭଲଭର, ରାଇଫଲ ଓ ସିଙ୍ଗଲ ସର୍ଟ । ଯୁଆଡ଼େ ଦେଖିବ ସିଆଡ଼େ ପୁଳା ପୁଳା ବନ୍ଧୁକ । ନୂଆ ନୂଆ ଅପରାଧ ଜଗତରେ ପାଦ ରଖିଥିବା ଯୁବପିଢିଙ୍କୁ ଘାରିଛି ବନ୍ଧୁକ ନିଶା । ପୁରୀ, ଭୁବନେଶ୍ୱର, କଟକ ଓ ଗଞ୍ଜାମରୁ ରେକର୍ଡ ବନ୍ଧୁକ ଜବତ ହୋଇଛି । ବେଆଇନ ଭାବେ ରାଜ୍ୟର ଗଳିକନ୍ଦିରେ ମିଳିଯାଉଛି ବନ୍ଧୁକ । ସବୁଠାରୁ ବଡ଼କଥା ହେଉଛି ପୂର୍ବରୁ ମେଡ୍ ଇନ୍ ମୁଙ୍ଗେର ମିଳୁଥିବା ବେଳେ, ଏବେ ୟୁପି ବନ୍ଧୁକ ଭୁବନେଶ୍ୱରରେ ପହଞ୍ଚିଲାଣି ।

Advertisment

ବିହାର, ୟୁପିରୁ ଆସୁଥିବା ବନ୍ଧୁକ ଚୋରାରେ ତିଆରି ହେଉଥିବାରୁ, ସଠିକ ଲକ୍ଷ୍ୟଭେଦ କରିପାରେ ନାହିଁ । ଏଥିରେ ବ୍ୟବହାର ହେଉଥିବା ଲୁହାର ମାନ ଖରାପ ଥିବାରୁ ଗୁଳି ଫୁଟିବା ସମୟରେ ହାତ ଫାଟିଯିବାର ଭୟ ବି ଥାଏ । ବିଶେଷଜ୍ଞଙ୍କ ମତରେ, ଏହାକୁ ବ୍ୟବହାର କରୁଥିବା ଲୋକ ଦେହରେ ମଧ୍ୟ ଗୁଳି ଫୁଟିଯିବାର ଆଶଙ୍କା ରହିଛି । ତେବେ ପୂର୍ବରୁ ମୁଙ୍ଗେରରୁ ଅପରାଧୀ ବନ୍ଧୁକ ଆଣି ଓଡ଼ିଶାରେ ବିକୁଥିଲେ । ପରେ, କଟକରେ କାରଖାନା ଖୋଲି, ବନ୍ଧୁକ ତିଆରି କଲେ । ହେଲେ...

ବୟାଳିଶି ମୌଜାରେ କେତେ ବନ୍ଧୁକ ତିଆରି ହୋଇଥିଲା?
ରାଜ୍ୟର କେଉଁ ଅଞ୍ଚଳକୁ କେତେ ବନ୍ଧୁକ ଯାଇଥିଲା?
ଏସବୁ ବନ୍ଧୁକ ତିଆରି ପାଇଁ କିଏ ଅର୍ଡର ଦେଉଥିଲା? ତାହା ଏବେ ବି ସ୍ପଷ୍ଟ କରିପାରିନି ପୁଲିସ

ଓଡ଼ିଶା ସାରା ବନ୍ଧୁକ ମିଳୁଛି, ଗର୍ଜୁଛି ଆଉ ମୁଣ୍ଡ ବି ଗଡୁଛି । କେବଳ ବନ୍ଧୁକ ବେପାରୀ ବନ୍ଧା ହେଉଛନ୍ତି କିନ୍ତୁ କୁଆଡ଼େ ଯାଉଛନ୍ତି ଏହା ପଛର ଗଡ ଫାଦର୍‌? ଏମାନଙ୍କୁ ହାତ ମାରିବାକୁ ପୁଲିସ ଡରୁଛି, ନା ବାନ୍ଧିବା ବେଳେ କିଏ ବାଧକ ସାଜୁଛି?