ପୂଜା ପୂର୍ବରୁ ଖୋର୍ଦ୍ଧାରୁ ବେଆଇନ ବାଣ ଜବତ । ଜଣେ ଅଟକ

କନକବ୍ୟୁରୋ: ପୂଜା ପୂର୍ବରୁ ଲକ୍ଷ ଲକ୍ଷ ଟଙ୍କାର ବେଆଇନ ବାଣ ଜବତ । ବାଣ ଭର୍ତ୍ତି ତିନିଟି ଟ୍ରକକୁ ଜବତ କଲା ଖୋର୍ଦ୍ଧା ପୁଲିସ । ଯାହାର ମୂଲ୍ୟ ୧୫  ଲକ୍ଷ ଟଙ୍କା ହେବ । କାରବାରରେ ସମ୍ପୃକ୍ତ ଜଣଙ୍କୁ ଅଟକ ରଖି ପଚରାଉଚରା ଚଳାଇଛି । ଦୀପାବଳୀ ପୂର୍ବରୁ ବାଣ ଗୋଦାମ ଉପରେ ବଡ ଧରଣର ଚଢାଉ କରିଛି ବାଘମାରୀ ପୋଲିସ  । ଖୋର୍ଦ୍ଧାରେ ନୂଆ ଏସପିଙ୍କ ଦାୟିତ୍ୱ ଗ୍ରହଣ ପରେ ବେଆଇନ ବାଣ କାରବାର ଉପରେ ଏହା ହେଉଛି ବଡ ଧରଣ ରେଡ ।

ଆଗକୁ ଦୀପାବଳୀ ଥିବାରୁ ଟ୍ରକ ଟ୍ରକ ବାଣକୁ ବେଆଇନ ଭାବେ ଗଛିତ ରଖାଯାଇଥିବା ବେଳେ ବାଘମାରୀ ପୋଲିସ ଓ ଖୋର୍ଦ୍ଧା ଆଦର୍ଶ ଥାନା ପୋଲିସ ରେଡ ମାରିଥିଲା । ଜବତ ବାଣକୁ ତିନୋଟି ମିନିଟ୍ରକ ଏବଂ ଗୋଟିଏ ଟାଟା ଏସିରେ ଲୋଡ଼ କରାଯାଇ ଥିବା ଖୋର୍ଦ୍ଧା ଏସପି ସାଗରୀକା ନାଥ କହିଛନ୍ତି  । ଖୋର୍ଦ୍ଧା ଜିଲ୍ଲା ବାଘମାରୀ ଥାନା ଲେଖନପୁର ଗାଁ ଠାରୁ ଅଳ୍ପ ଦୂର ଏକ ଘରୁ ଟ୍ରକ ଟ୍ରକ ବାଣ ଗଛିତ ରହିଥିଲା ତାକୁ ପୋଲିସ ଜବତ କରିଛି  । ଦୀପାବଳୀ ପୂର୍ବରୁ ବେପାର ଜୋରଦାର ହେବାକୁ ଥିବା ବେଳେ ବାଣ ବେପାରୀ ମାନେ ଅନୁମତି ନଥାଇ ବାଣ ଗଛିତ ରଖିଥିଲେ