କନକବ୍ୟୁରୋ : ସୁନ୍ଦରଗଡ଼ କେବଲାଙ୍ଗ ବାଙ୍କୋ ନିକଟରେ ଆଇଇଡି ବିସ୍ଫୋରଣରେ ଜଣେ ସିଆରପିଏଫ୍ ଯବାନ ସହିଦ । ସର୍ଚ୍ଚ ଅପରେସନ୍ ବେଳେ ଆଇଇଡି ବିସ୍ଫୋରଣ ହୋଇଥିଲା  ।  କମ୍ବିଂ ଅପରେସନ ବେଳେ ଆଇଇଡି ବିସ୍ଫୋରଣରେ ସିଆରପିଏଫ୍ ଯବାନ ସତ୍ୟବାନ ସିଂ ସହିଦ ହୋଇଥିବା ସୂଚନା ମିଳିଛି ।  ଓଡିଶା - ଝାରଖଣ୍ଡ ସୀମା ସଂଲଗ୍ନ ଅଞ୍ଚଳରେ ଉଭୟ ଓଡିଶା ପୋଲିସ ଓ ଝାରଖଣ୍ଡ ପୋଲିସ ସମେତ ଅର୍ଦ୍ଧ ସାମରିକ ବାହିନୀର ମିଳିତ କମ୍ବିଂ ଅପରେସନ ଚାଲିଥିଲା । 

Advertisment

ଓଡିଶା - ଝାରଖଣ୍ଡ ସୀମା ସଂଲଗ୍ନ ବାଙ୍କୋ ସଂଲଗ୍ନ ସିଲିକୁଟା ନିକଟରେ ଆଇଇଡି ବିସ୍ଫୋରଣ ଘଟି CRPF ବାଟାଲିଅନ 134ର ସତ୍ୟବାନ ସିଂ ଗୁରୁତର ହୋଇଥିଲେ  । ତାଙ୍କ ବୟସ ୩୪ ବର୍ଷ ହୋଇଥିବାବେଳ ସେ ଉତ୍ତରପ୍ରଦେଶର ବାସିନ୍ଦା ଥିଲେ ।  ସହିଦଙ୍କ ମର ଶରୀରକୁ ଏୟାରଲିଫ୍ଟ କରି ରାଞ୍ଚି ନିଆଯାଇଥିଲା ।  ତାଙ୍କୁ ତୁରନ୍ତ ଏୟାରଲିଫ୍ଟ କରାଯାଇ ମେଡିକାଲରେ ଭର୍ତ୍ତି କରାଯାଇଥିଲା  ।  ହେଲେ ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ବିସ୍ଫୋରକ ସାମଗ୍ରୀ ଲୁଟ୍‌ ହେବା ପରଠାରୁ ଲଗାତର ସର୍ଚ୍ଚ ଅପରେସନ୍‌ ଜାରି ରହିଛି  । ଏପର୍ଯ୍ୟନ୍ତ ସମସ୍ତ ଲୁଟ୍ ସାମଗ୍ରୀକୁ ଉଦ୍ଧାର କରାଯାଇପାରିନାହିଁ । ଏହାରି ଭିତରେ ବାଙ୍କୋ ନିକଟରେ ଆଇଇଡି ବିସ୍ଫୋରଣ ହୋଇଛି   ।