ନୂଆପଡ଼ା କୋମନାରେ ଚାଞ୍ଚଲ୍ୟ; ମଣିଷ ଖାଇଛି ବାଘ ମାଂସ

କନକ ବ୍ୟୁରୋ : ସମସ୍ତେ ଜାଣନ୍ତି ବାଘ ଖାଏ ମଣିଷ ମାଂସ । ହେଲେ ଏବେ ଯେଉଁ ଖବର ଦେଖିବା ତାହା ଆପଣଙ୍କୁ ଆଶ୍ଚର୍ଯ୍ୟ କରିଦେବ । କିନ୍ତୁ ଏ କଥା ସଂପୂର୍ଣ୍ଣ ସତ । ମଣିଷ ଖାଇଛନ୍ତି ବାଘ ମାଂସ । ଏଭଳି ଖବର ଆସିଛି ପଶ୍ଚିମ ଓଡ଼ିଶାର ନୂଆପଡ଼ାରୁ ।

କୋମନା ବନାଞ୍ଚଳ ଅଧିନସ୍ତ ଦେଓଧରା ଗାଁରେ ଏଭଳି ଏକ ଅଭାବନୀୟ ଘଟଣା ଘଟିଛି । କୋମନା ବନାଞ୍ଚଳରେ ବାରହା ଶିକାର ପାଇଁ ବିଦ୍ୟୁତ ଫାଶ ବିଛାଇଥିଲେ କିଛି ବ୍ୟକ୍ତି । କିନ୍ତୁ ବାରହା ବଦଳରେ ବିଦ୍ୟୁତ ସଂସ୍ପର୍ଶରେ ଆସି କଲରାପତରିଆ ବାଘର ମୃତ୍ୟୁ ହୋଇଥିଲା ।

ବାଘକୁ ମାରି ମାଂସ ଖାଇଯାଇଥିଲେ ଦୁଇ ଶିକାରୀ । ବଳିଥିବା କିଛି ମାଂସକୁ ଲୁଚାଇବାକୁ ଚେଷ୍ଟା କରୁଥିବା ବେଳେ ଖବର ପାଇ ଚଢାଉ କରିଥିଲା କୋମନା ବନବିଭାଗ । ଚଢାଉ କରି ଦୁଇ ଶିକାରୀଙ୍କୁ ଗିରଫ କରିଛି ବନବିଭାଗ । ସେପଟେ ଅବଶିଷ୍ଟ ବାଘମାଂସ ସହ ଛାଲ, ନଖ ଓ ଲାଞ୍ଜ ମଧ୍ୟ ଜବତ କରାଯାଇଛି ।