କନକବ୍ୟୁରୋ : ସେଲ୍, ରାଉରକେଲା ଇସ୍ପାତ କାରଖାନା ର ଜ୍ଞାନାର୍ଜନ ଏବଂ ବିକାଶ କେନ୍ଦ୍ର ଠାରେ ଜୁଲାଇ ୨୯ ତାରିଖରେ ଏକ ଅଢ଼େଇ ଦିନିଆ ମାନବ ସମ୍ବଳ ପରିବର୍ତ୍ତନ କର୍ମଶାଳା 'ସେଲ୍ ଦର୍ପଣ' ଉଦ୍ଘାଟିତ ହୋଇଯାଇଛି । ଏହି କର୍ମଶାଳାର ଉଦଘାଟନୀ ସମାରୋହରେ ମାନବ ସମ୍ବଳ ବିଭାଗ ର ନିର୍ବାହୀ ନିର୍ଦ୍ଦେଶକ ଶ୍ରୀ ତରୁଣ ମିଶ୍ର, କାର୍ଯ୍ୟ ବିଭାଗ ର ନିର୍ବାହୀ ନିର୍ଦ୍ଦେଶକ ଶ୍ରୀ ବିଶ୍ବରଞ୍ଜନ ପଲାଇ ଏବଂ ଖଣି ବିଭାଗ ର ନିର୍ବାହୀ ନିର୍ଦ୍ଦେଶକ ଶ୍ରୀ ଏମ.ପି. ସିଂହ, ମଞ୍ଚରେ ଉପସ୍ଥିତ ଥିଲେ। ଏହି ଅବସରରେ ଏଚ ଆର ବିଭାଗ ର ସି ଜି ଏମ ଶ୍ରୀ ଏମ.ଆର. ରଥ, ଏବଂ ଜ୍ଞାନାର୍ଜନ ଓ ବିକାଶ ବିଭାଗ ର ସି ଜି ଏମ ଶ୍ରୀ ପି.କେ. ସାହୁ, ଙ୍କ ସମେତ କାରଖାନା ର ବିଭିନ୍ନ ବିଭାଗର ପ୍ରାୟ ୫୦ ଜଣ ଅଧିକାରୀ ଉପସ୍ଥିତ ଥିଲେ  ।

Advertisment

ଏହି କର୍ମଶାଳା ବୋଷ୍ଟନ୍ କନସଲିଂ ଗ୍ରୁପ୍ ଦ୍ବାରା ପରିଚାଳିତ ହେଉଛି, ଯାହାର ନେତୃତ୍ଵ ପରିଚାଳନା ନିର୍ଦ୍ଦେଶକ ଶ୍ରୀ ବରୁଣ କେଜରିୱାଲ୍ ତାଙ୍କ ବିଶେଷଜ୍ଞ ଦଳ
ସହିତ ସାମିଲ ଅଛନ୍ତି ।  ଶ୍ରୀ ମିଶ୍ର ତାଙ୍କ ଅଭିଭାଷଣରେ ମତବ୍ୟକ୍ତ କରିଥିଲେ ଯେ ମାନବ ସମ୍ବଳ ହେଉଛି ଯେକୌଣସି ଶିଳ୍ପରେ ସର୍ବୋତ୍ତମ ସମ୍ବଳ ଯାହାକି ଅନ୍ୟାନ୍ୟ ସମ୍ବଳ ଯେପରିକି ଶିଳ୍ପ, ସାମଗ୍ରୀ ଓ ବିତ୍ତର ପରିଚାଳନା କରିଥାଏ ।  ପ୍ରଚଳିତ ବ୍ୟବସ୍ଥାରେ ଅର୍ଥପୂର୍ଣ୍ଣ ପରିବର୍ତ୍ତନ ଆଣିବା ପାଇଁ 'ସେଲ୍ ଦର୍ପଣ' କାର୍ଯ୍ୟଶାଳା ଏକ ମହତ୍ତ୍ବପୂର୍ଣ୍ଣ ଭୂମିକା ଗ୍ରହଣ କରିବ ବୋଲି ସେ ମତବ୍ୟକ୍ତ କରିଥିଲେ ।

ସେଲ ରେ ଇ ପି ଏମ ଏସ ଭଳି ବ୍ୟବସ୍ଥା ସମୟ ସହିତ ତାଳ ଦେଇ ବିକଶିତ ହୋଇଛି ବୋଲି ଶ୍ରୀ ପଲାଇ ନିଜର ବକ୍ତବ୍ୟ ରେ କହିଥିଲେ। ।  ଅଂଶଗ୍ରହଣକାରୀମାନଙ୍କୁ ସେମାନଙ୍କର ମତାମତ ଖୋଲାଖୋଲି ଭାବରେ ଦେବାକୁ ପରାମର୍ଶ ଦେଇ ସେ କହିଥିଲେ ଯେ,  ଏହି କର୍ମଶାଳାର ସଫଳତା ସର୍ବନିମ୍ନ ସ୍ତରରେ ମଧ୍ୟ ଦୃଶ୍ୟମାନ ହେବା ଆବଶ୍ୟକ ଏବଂ କାର୍ଯ୍ୟଦକ୍ଷତା ମାପ ବାସ୍ତବବାଦୀ ଓ ପ୍ରାସଙ୍ଗିକ ହେବା ଉଚିତ   । 

ଏହି ଅବସରରେ, ଶ୍ରୀ ସିଂହ କହିଥିଲେ ଯେ 'ଦର୍ପଣ' ପ୍ରତିଫଳନ ଦେଖାଏ ଏବଂ ଏହା ଆତ୍ମନିରୀକ୍ଷଣର ପ୍ରତୀକ । ସେ ଏଥ‌ିରେ ଅଂଶଗ୍ରହଣକାରୀମାନଙ୍କୁ ସେମାନଙ୍କର ଭୂମିକା ବିଷୟ ରେ ଅନୁଚିଂତନ କରିବା ସହ ନିଜର ଅଭିଜ୍ଞତା କୁ ସେଲ ର ଦୀର୍ଘକାଳୀନ ଦୃଷ୍ଟିକୋଣ ସହିତ ସମରୂପ କରିବା ପାଇଁ ଉତ୍ସାହିତ କରିଥିଲେ । ଶ୍ରୀ କେଜ୍ରିୱାଲ ଏହି ପ୍ରୟାସର ଉଦ୍ଦେଶ୍ୟ ସମ୍ପର୍କରେ ବର୍ଣ୍ଣନା କରି, କର୍ମଚାରୀ ଉତ୍ପାଦକତାକୁ ଉନ୍ନତ କରିବାରେ ମାନବ ସମ୍ବଳ ଏକ ଗୁରୁତ୍ଵପୂର୍ଣ୍ଣ ଭୂମିକା ଗ୍ରହଣ କରେ ବୋଲି ମତ ପ୍ରକାଶ କରିଥିଲେ ଏବଂ ସେଲ ର ଭିଜନ ୨୦୩୦ ହାସଲ କରିବା ଉପରେ ଜୋର ଦେଇଥିଲେ  । 

ଏହି କର୍ମଶାଳା କିପରି ମାନବ ସମ୍ବଳ ଯୋଜନା, ପରିବର୍ତିତ କାର୍ଯ୍ୟ, ସ୍ଥାନାନ୍ତର ନୀତି ଏବଂ ଆଧୁନିକ ଶିଳ୍ପ ମାନଦଣ୍ଡ ସହିତ ସମନ୍ଵୟ ରଖିବା ପାଇଁ ବ୍ୟବସ୍ଥାକୁ ସୁଦୃଢ଼ କରିବ ତାହା ସମ୍ବନ୍ଧରେ ସେ ବର୍ଣ୍ଣନା କରିଥିଲେ ।   ଏହି  କାର୍ଯ୍ୟକ୍ରମ ର ଉଦ୍ଘାଟନୀ ଅଧ୍ଵଂଶନ କୁ ଏଚ ଆର - ଓ ଡି, ଟିଏ ଏଣ୍ଡ ଜି ବିଭାଗ ର ଜି ଏମ ଶ୍ରୀ ଏସ ବଡପଣ୍ଡା, ଏବଂ ଏଚ ଆର - ଓଡ଼ି ବିଭାଗ ର ଡେପୁଟି ମ୍ୟାନେଜର ସୁଶ୍ରୀ ସିମ୍ପି ପଟେଲ, ସଂଯୋଜନା କରିଥିଲେ । ପ୍ରଚଳିତ ମାନବ ସମ୍ବଳ ବ୍ୟବସ୍ଥା ଗୁଡ଼ିକର ଦର୍ପଣ ଭାବରେ କାର୍ଯ୍ୟ କରିବା ସହିତ ସଂଗଠନ ମଧ୍ୟରେ ଏକ ସାଂସ୍କୃତିକ ଏବଂ ଏହାକୁ ଅଭିବୃଦ୍ଧି ଏବଂ ପରିବର୍ତ୍ତନର ପରବର୍ତ୍ତୀ ଲକ୍ଷ୍ୟ ।