ଅଡୁଆ କଲାଣି ବିମାନବନ୍ଦରରୁ ବିମାନ ଉଡ଼ାଣ, କେନ୍ଦ୍ର ସରକାରଙ୍କ ବିଜ୍ଞପ୍ତି ପରେ ବଢିଲା ଚିନ୍ତା

କନକ ବ୍ୟୁରୋ :   ଗୁଜରାଟ ଅହମଦାବାଦ ବିମାନ ଦୁର୍ଘଟଣା ପରେ ଏବେ ଡିଜିସିଏର ଚିନ୍ତା ପଶିଛି । ଦେଶରେ ଥିବା ବିମାନବନ୍ଦରଗୁଡିକର ସ୍ଥିତି କିଭଳି ରହିଛି ତାହାକୁ ନେଇ ବିଭାଗ ଅନୁଧ୍ୟାନ ଚଳାଇଛି । ଏହି କ୍ରମରେ ଭୁବନେଶ୍ୱର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରେ ଚାଲିଛି ଅନୁଧ୍ୟାନ । ଏୟାରଫିଲ୍ଡ ଏନଭାରଭମେଣ୍ଟ ମ୍ୟାନେଜମେଣ୍ଟ କମିଟି ବା ଏଇଏମସି ଏହା ଉପରେ ଅନୁଧ୍ୟାନ ଚଳାଇଛି ।   ଭୁବନେଶ୍ୱର ବିମାନ ବନ୍ଦରର ବିମାନ ଟେକ୍‌ଅପ୍ ଓ  ଲ୍ୟାଣ୍ଡିଂ ପଥରେ ରହିଛି ପ୍ରତିବନ୍ଧକ। ବିମାନ ଟେକଅପ୍ ପଥରେ ବଡ ବଡ ଗଛ ରହିଛି । ଏପରିକି ରନୱେର ନିର୍ଦ୍ଦିଷ୍ଟ ଦୂରତା ମଧ୍ୟରେ ଅନେକ ବେଆଇନ ଉଚ୍ଚ ଅଟ୍ଟାଳିକା ବିମାନ ବନ୍ଦର ପାଖରେ ଗଢିଉଠିଛି । ଗତମାସରେ ହୋଇଥିବା ଏୟାରଫିଲ୍ଡ ଏନଭାରଭମେଣ୍ଟ ମ୍ୟାନେଜମେଣ୍ଟ କମିଟି  ବୈଠକରେ ଏହାର ଅଧ୍ୟକ୍ଷ ତଥା ବିଏମସି କମିସନରଙ୍କୁ ଏନେଇ ଅବଗତ କରାଯାଇଥିବା ଭୁବନେଶ୍ୱର ଆନ୍ତର୍ଜାତିକ ବିମାନ ବନ୍ଦର ନିର୍ଦ୍ଦେଶକ କହିବା ପରେ ସ୍ଥିତି ପରଖିଛି କନକ ନ୍ୟୁଜ ।