କନକ ବ୍ୟୁରୋ: ବଣ୍ତାଘାଟିରେ ଆବାସ ଫେଲ୍ । ଆଗକୁ ବଢୁନି ଆବାସ ଗୃହ ନିର୍ମାଣ କାମ । କିଏ ଫାଉଣ୍ତେସନ୍ ସ୍ତରରେ ତ ଆଉ କିଏ ହାତ କରଜ କରି ସ୍ଲାପ୍ ସ୍ତରରେ ଅଟକିଛି । ପ୍ରଶାସନର ଅନୁଦାନକୁ ଅପେକ୍ଷା କରିଛନ୍ତି ହିତାଧିକାରୀ । ଗତ କିଛି ମାସ ତଳେ ଖୋଦ ଉପ ମୁଖ୍ୟମନ୍ତ୍ରୀ ପ୍ରଭାତି ପରିଡା ବଣ୍ତାଘାଟି ଗ୍ରସ୍ତ କରି ଆବାସ ପାଇଁ ୫୦ ହଜାର ଅତିରିକ୍ତ ଅନୁକମ୍ପା ରାଶି ଘୋଷଣା କରିଥିଲେ । ହେଲେ ଆଜିଯାଏଁ ଅର୍ଥ ରାଶି ଅନୁମୋଦନ ହୋଇନଥିବାରୁ ବଣ୍ତା ହିତାଧିକାରୀ ଅନାଇ ବସିଛନ୍ତି । ମାଲକାନଗିରି ଜିଲ୍ଲା ଖଇରପୁଟ ବ୍ଲକ ଅନ୍ତର୍ଗତ ବଣ୍ତାଘାଟିର ପଡେଇଗୁଡା ଗାଁର ଆଦିବାରୀ କିର୍ଷାନୀ । ଗତ ୨୦୨୩ - ୨୪ ଆର୍ଥିକ ବର୍ଷରେ ତାଙ୍କୁ ଆବାସ ଗୃହ ମିଳିଥିଲା । ସମ୍ପୂର୍ଣ୍ଣ କରି ୬ ମାସ ବିତିଲାଣି କିନ୍ତୁ ଫାଇନାଲ ବିଲ କରିନାହାନ୍ତି ବିଭାଗୀୟ ବାବୁ । ଧାର କରଜ କରି ଘର ସମ୍ପୂର୍ଣ୍ଣ କରିଥିଲେ ଆଦିବାରୀ । ହେଲେ ଉପ ମୁଖ୍ୟମନ୍ତ୍ରୀଙ୍କ ଅତିରିକ୍ତ ଅନୁଦାନ ଆଶା ଓ ଫାଇନାଲ ବିଲ ତାଙ୍କ ପାଇଁ ନିରାଶ କରିଛି ।

Advertisment

ବଣ୍ତାଘାଟିରେ ଆବାସ ଫେଲ୍‌
ଖଇରିପୁଟ୍‌ ବ୍ଲକରେ କେବଳ ଜନମନ ଯୋଜନାରେ ମିଳିଛି ଘର 
ଅଣ୍ଡ୍ରାହଲ ପଞ୍ଚାୟତ ପାଇଁ ଆସିଛି ୫୭୦ ଘର
ନିର୍ମାଣ ହୋଇଛି ୧୫ଟି ଘର
ମୁଦୁଲିପଡ଼ା ପଞ୍ଚାୟତ ପାଇଁ ଆସିଛି ୫୯୧ ଘର
ସଂପୂର୍ଣ୍ଣ ହୋଇଛି ମାତ୍ର ୧୪ଟି ଘର
ମାଡ଼କାପଦରରେ ୬୭ ଜଣ ହିତାଧିକାରୀଙ୍କୁ ଘର ମିଳିଛି
ତିଆରି ହୋଇଛି ମାତ୍ରା ଗୋଟିଏ ଘର
ବଡ଼ଡୁରାଲ ପଞ୍ଚାୟତରେ ୨୭ଟି ଘର ଆସିଛି
ତିଆରି ହୋଇଛି ୬ଟି ଘର