କନକ ବ୍ୟୁରୋ : ଡିଜେ ଗାଡ଼ି ଉପରେ ଲାଗିଲା ଅଙ୍କୁଶ ।  ମୋଟର ଯାନର ବେଆଇନ ଢାଞ୍ଚା ପରିବର୍ତ୍ତନ କଲେ ହେବ କାର୍ଯ୍ୟାନୁଷ୍ଠାନ ।  ଆର୍‌ସି ବାତିଲ ହେବା ସହ ମୋଟା ଅଙ୍କର ଜରିମାନା ବି ଲାଗିବ । ବାଣିଜ୍ୟ ପରିବହନ ମନ୍ତ୍ରୀଙ୍କ ନିର୍ଦ୍ଦେଶରେ ଏ ନେଇ ଜାରି ହୋଇଛି ନିର୍ଦ୍ଦେଶନାମା। ..

Advertisment

ବେଆଇନ ଭାବେ ମୋଟର ଯାନର ମୂଳଢାଞ୍ଚାକୁ ବଦଳାଇଲେ ତଣ୍ଡ ଗଣିବେ ମାଲିକ ।  ଏ ନେଇ ଜାରି ହୋଇଛି ସର୍କୁଲାର ।  ଡିଜେ ଗାଡ଼ି ନାଁରେ ସଡ଼କ ସୁରକ୍ଷା ନିୟମ ଉଲ୍ଲଙ୍ଘନ କଲେ ହେବ କଠୋର କାର୍ଯ୍ୟାନୁଷ୍ଠାନ ।  ମୋଟର ଯାନ ଆଇନ ଅନୁଯାୟୀ ପଞ୍ଜୀକରଣ ରଦ୍ଦ ହେବା ସହ ଜରିମାନା ବି ଲାଗିବ ।  ବାଣିଜ୍ୟ ଓ ପରିବହନ ମନ୍ତ୍ରୀଙ୍କ ନିର୍ଦ୍ଦେଶରେ ପଦକ୍ଷେପ ନେଇଛି ରାଜ୍ୟ ପରିବହନ ବିଭାଗ ।

ଗଣେଶ ପୂଜା ଭସାଣି ବେଳେ ଶବ୍ଦ ପ୍ରଦୂଷଣ ନିୟମର ଧଜିଆ ଉଡିଥିଲା ।  ଅଧିକ ସାଉଣ୍ଡରେ ଡିଜେ ବାଜିବା ଯୋଗୁଁ କିଛି ଲୋକେ ଅସୁସ୍ଥ ହେବା ଘଟଣା ବି ସାମ୍ନାକୁ ଆସିଥିଲା ।  ଖାଲି ସେତିକି ନୁହେଁ, କିଛି ସ୍ଥାନରେ ଡିଜେ ଗାଡ଼ି ଭିତରେ ଲଢ଼େଇ ଦୃଶ୍ୟ ବି ଦେଖିବାକୁ ମିଳିଥିଲା । ଏବେ ପରିବହନ ବିଭାଗର ବଡ଼ ପଦକ୍ଷେପ ପରେ ସାଧାରଣ ଲୋକେ ଏହାକୁ ସ୍ବାଗତ କରିଛନ୍ତି ।  ତେବେ ଡିଜେ ମାଲିକ ମାନେ ଏହାକୁ ବିରୋଧ କରିଛନ୍ତି ।