କନକ ବ୍ୟୁରୋ : ବିହାରରେ ଜୋର୍ ଧରିଛି ପ୍ରଚାର । ଏନଡିଏ ଓ ମହାଗଠବନ୍ଧନର ତୁଙ୍ଗ ନେତାମାନେ କୌଣସି ସୁଯୋଗ ହାତଛଡ଼ା କରୁନାହାନ୍ତି ।  ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ମୁଜାଫରପୁର ଓ ଛପରାରେ ପ୍ରଚାର କରିଥିଲେ । କଂଗ୍ରେସ ନେତା ରାହୁଲ ଗାନ୍ଧୀ ଲଗାତାରା ଦ୍ୱିତୀୟ ଦିନରେ ମହାଗଠବନ୍ଧନ ପାଇଁ ପ୍ରଚାର କରିଛନ୍ତି ।

Advertisment

 ବିହାରରେ ପ୍ରଥମ ପର୍ଯ୍ୟାୟ  ନିର୍ବାଚନ ପ୍ରଚାର ପାଇଁ ମଝିରେ ଆଉ ମାତ୍ର  ଆଉ ୪ଦିନ ବାକି । ଏଥିପାଇଁ ସବୁ ଦଳର ନେତା ଜି-ଜାନ୍ ଲଗାଇଦେଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ମୁଜାଫରପୁର ଓ ଛପରାରେ ପ୍ରଚାର କରି କଂଗ୍ରେସ ଓ ଆରଜେଡିକୁ କଡ଼ା ସମାଲୋଚନା କରିଥିଲେ । କଂଗ୍ରେସ ଓ ଆରଜେଡିର ପରିଚୟ ୫ ଶବ୍ଦରେ କହିଥିଲେ ମୋଦୀ । କଟା, କଟୁତା, କୁଶାସନ, କରପ୍ସନ ଓ କ୍ରୂରତା । ଏଥିପାଇଁ ବିହାରବାସୀ ଆଦି ସମାଲୋଚିତ ।  ଛଟ୍ ପାଳନ ନେଇ ବିହାରର ମହିଳା ନାଟକବାଜି କରୁଥିବା ଆରଜେଡି ଓ କଂଗ୍ରେସ ସମାଲୋଚନା କରୁଛନ୍ତି ।  କିନ୍ତୁ ଛଟକୁ ୟୁନେସ୍କୋ ତାଲିକାରେ ସାମିଲ ପାଇଁ ଏନଡିଏ ସରକାର ଉଦ୍ୟମ କରୁଥିବା ମୋଦୀ କହିଥିଲେ ।

 ସେପଟେ କଂଗ୍ରେସ ନେତା ରାହୁଲ ଗାନ୍ଧୀ  ଆଜି ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଜିଲ୍ଲା ନାଳନ୍ଦାରେ ପ୍ରଚାର କରିଥିଲେ। ଶିକ୍ଷାକ୍ଷେତ୍ରରେ ନାଳନ୍ଦାର ପୂର୍ବ ଗୌରବ ଫେରାଇ ଆଣିବାକୁ ପ୍ରତିଶ୍ରୁତି ଦେଇଥିଲେ ରାହୁଲ । ମହାଗଠବନ୍ଧନ ସରକାର ଗଢ଼ିଲେ ସବୁ କ୍ଷେତ୍ରରେ ବିହାର ବିକାଶ ହେବ: ରାହୁଲ କହି ଭୋଟ୍ ମାଗିଥିଲେ ।  ନଭେମ୍ବର ୨ ତାରିଖରେ ରାହୁଲ ଗାନ୍ଧୀ ପୁଣି ବିହାରରରେ ପ୍ରଚାର କରିବେ ।

ସେହିପରି ବରିଷ୍ଠ ବିଜେପି ନେତା ତଥା କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଓ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡା ପ୍ରମୁଖ ଏନଡିଏ ପାଇଁ ପ୍ରଚାର କରିଥିବା ବେଳେ ମହାଗଠବନ୍ଧନ ନେତାମାନେ ମଧ୍ୟ ପ୍ରଚାର କରିଥିଲେ ।