କନକ ବ୍ୟୁରୋ : ଲେବାନନର ସାମରିକ ଗୋଷ୍ଠୀ ହିଜବୁଲ୍ଲା ଓ ଇସ୍ରାଏଲ ମଧ୍ୟରେ ଆକ୍ରମଣ ପ୍ରତିଆକ୍ରମଣ ଚାଲିଛି । ହିଜବୁଲ୍ଲାର ସାମରିକ ପ୍ରତିଷ୍ଠାନ ଉପରେ ଉପରେ ପ୍ରଚଣ୍ଡ ଆକ୍ରମଣ କରୁଛି ଇସ୍ରାଏଲ ବିମାନ । ଏହି ଆକ୍ରମଣରେ ଇସ୍ରାଏଲକୁ ଏକ ବଡ଼ ସଫଳତା ମିଳିଛି । ହିଜବୁଲ୍ଲା ଗୋଷ୍ଠୀର ଡ୍ରୋନ୍ ମୁଖ୍ୟ ଇସ୍ରାଏଲ ଡିଫେନ୍ସ ଫୋର୍ସ ବା ଆଇଡିଏଫ ଆକ୍ରମଣରେ ନିହତ ହୋଇଛନ୍ତି । ପ୍ରଥମେ ଏନେଇ ଇସ୍ରାଏଲ ସେନା ପକ୍ଷରୁ ଦାବି କରାଯାଇଥିଲା । ପରେ ଲେବାନନ ଗଣମାଧ୍ୟମ ମଧ୍ୟ ଏହାକୁ ସତ ବୋଲି କହିଛନ୍ତି । ହିଜବୁଲ୍ଲା ଗୋଷ୍ଠୀରେ ମହମ୍ମଦ ସୁରୁର ଜଣେ ବରିଷ୍ଠ କମାଣ୍ଡର ଥିଲେ । ସେ ଏହାର ଡ୍ରୋନ୍ ୟୁନିଟର ମୁଖ୍ୟ ଭାବେ କାର୍ୟ୍ୟ କରୁଥିଲେ । ଗୋଟିଏ ପରେ ହମାସ୍ ସହ ଇସ୍ରାଏଲର ଲଢ଼େଇ ଚାଲିଛି । ଏପଟେ ଲେବାନନ ଓ ଇସ୍ରାଏଲ ମଧ୍ୟରେ ମଧ୍ୟ ଲଢ଼େଇ ଜୋରଦାର ସ୍ଥିତିରେ ପହଂଚିଲାଣି ।