କନକ ବ୍ୟୁରୋ: ଭୁବନକୁ ଫେରିଲେ ହାତୀ ପଲ । ଢେଙ୍କାନାଳ ଜିଲ୍ଲା ପାର ହୋଇଯାଇଥିବା ହାତୀ ପୁଣି ଥରେ ଭୁବନ ଅଞ୍ଚଳକୁ ଫେରି ବ୍ୟାପକ ନଷ୍ଟ କରିଛନ୍ତି । ଗୋଟିଏ ଦିନ ପୂର୍ବରୁ ଭାରତୀ ପାହାଡ଼ରୁ ବାହାରି ଦୁଇଟି ହାତୀ ସୁକିନ୍ଦା ଅଞ୍ଚଳକୁ ଚାଲିଯାଇଥିଲେ । ହେଲେ ଗତକାଲି ରାତିରେ ଭୁବନ ଅଞ୍ଚଳକୁ ପୁନର୍ବାର ଫେରିଛନ୍ତି ଦୁଇଟି ଯାକ ହାତୀ । ଏବେ ଦୁଇଟି ହାତୀ ସହ  ସହିତ ଆଉ ଗୋଟିଏ ଦନ୍ତା ହାତୀ ମଧ୍ୟ ଆସିଥିବା ଦେଖିବାକୁ ମିଳିଛି । ଯାଜପୁର ଜିଲ୍ଲା ସୁକିନ୍ଦା ବନବିଭାଗ ହାତୀପଲଙ୍କୁ ଭୁବନ ବନାଞ୍ଚଳକୁ ଘଉଡ଼ାଇବା ବେଳେ ଭୁବନ ବନବିଭାଗ ସୁକିନ୍ଦା ବନାଞ୍ଚଳକୁ ଘଉଡ଼ାଉଛନ୍ତି । ଯାହାଫଳରେ ଭୁବନ ଅଞ୍ଚଳରେ ତିନି ଟିକିଆ ହାତୀପଲଙ୍କ ଉପଦ୍ରବ ଦେଖିବାକୁ ମିଳିଛି । ଲୁହା ଗେଟ୍ ଭାଙ୍ଗି କଦଳୀ ଓ ନଡ଼ିଆ ଗଛ ଭାଙ୍ଗି ଖାଇବା ସହିତ ପଥର ନିର୍ମିତ ପାଚେରୀ ଭାଙ୍ଗି ଦେଇଛନ୍ତି । ଏବେ ୩ ଟିକିଆ ହାତୀପଲ ବାଜିରାଉତ ସ୍ମୃତି ମହାବିଦ୍ୟାଳୟକୁ ଲାଗିରହିଥିବା ଜଙ୍ଗଲରେ ଡେରା ପକାଇଛନ୍ତି । ଯାହାଫଳରେ ହଷ୍ଟେଲରେ ରହୁଥିବା ଛାତ୍ରଛାତ୍ରୀଙ୍କ ମନରେ ଭୟ ସୃଷ୍ଟି ହୋଇଛି ।